Tímarit lögfræðinga - 01.05.1997, Síða 35

ómögulegt var fyrir söluaðila Michelin að ná sölumarki sínu varðandi þessa
tegund hjólbarða. Einnig sagði fyrirtækið að þessi afsláttur gilti almennt um
sölu á hjólbörðum. Dómstóllinn komst að þeirri niðurstöðu með hliðsjón af
málsatvikum að ekki væri um ólögmætan kaupbæti að ræða og felldi því
niðurstöðu framkvæmdastjórnarinnar úr gildi.
6.6 Hörnlur settar á viðskiptavini
6.6.1 Bann við endursölu
Af réttarframkvæmd stofnana ESB má ráða að það er misnotkun á markaðs-
ráðandi stöðu að banna viðskiptamönnum sínum að endurselja vöru til annarra
dreifingaraðila. Slíkar takmarkanir eru stundum orðaðar í samningum aðila en
einnig er algengt að slík regla sé falin í framkvæmdavenju hins markaðsráðandi
fyrirtækis. Dæmi um slíkar takmarkanir var að finna í máli United Brands
gegn framkvæmdastjórn ESB.106 Fyrirtækið krafðist þess af dreifingaraðilum
sínum að þeir seldu ekki óþroskaða banana. Vegna tiltölulega stutts sölutíma
banana urðu afleiðingar þessa banns þær að með öllu var ómögulegt fyrir dreif-
ingaraðila að flytja banana á aðra markaði. Þessu til viðbótar hafði United
Brands þá stefnu að afhenda dreifingaraðilum minna magn en þeir báðu um
hverju sinni.
Evrópudómstóllinn sagði að bann við endursölu með þessum hætti væri án
vafa misnotkun á markaðsráðandi stöðu þar sem bannið hefði í för með sér
verðmismun milli markaða til óhagræðis fyrir neytendur.107
6.6.2 Krafa um afhendingu á réttindum í framtíðinni
í skýrslu framkvæmdastjórnar ESB um Eurofima108 voru málavextir þeir
að fyrirtækið sem var markaðsráðandi óskaði eftir tilboðum í þróun á tiltekinni
vöru. í útboðinu var það áskilið að fyrirtækið eignaðist allan rétt til að nota öll
einkaleyfi sem yrðu til við þróunarvinnuna án þess að þurfa að hafa samráð við
hönnuðinn og hönnuðurinn átti heldur ekki rétt á neinum bótum. Framkvæmda-
stjórn ESB taldi að slfk krafa um að eignast hugsanleg einkaleyfi sem yrðu til
væru efnislega óviðeigandi og misnotkun á aðstöðu í skilningi 86. gr. Rs.
6.6.3 Hömlur settar af yfirvöldum
Þegar markaðsráðandi fyrirtæki kemur í veg fyrir samkeppni með vísun til
innlendra laga eða reglugerða þá getur slík háttsemi falið í sér misnotkun á
aðstöðu. Bein afleiðing af slíkri niðurstöðu er að viðkomandi lög eða reglu-
gerðir standast ekki 86. gr. Rs. þegar þeim er beitt af markaðsráðandi fyrirtæki.
Þetta kemur skýrlega fram í máli British Telecommunications gegn fram-
106 United Brands gegn framkvæmdastjóm ESB [1978] 1 CMLR 429 [1978] ECR 207.
107 Ibid, §§ 159.
108 Re Eurofima [1973] CMLR D217.
91