Tímarit lögfræðinga - 01.05.1997, Side 79

4. STARFSEMI GERÐARDÓMS OG RÁÐGJAFARÞJÓNUSTU
Á tímabilinu frá 27. febrúar 1996 til 28. febrúar 1997 bárust verkefnanefnd
tvær beiðnir um verkefni, en 5 bárust á sama tímabili 1995 til 1996. Beiðnirnar
voru, önnur frá LÍÚ um erfðafjárskatt af kvótaeign en hin frá félagsmálanefnd
Alþingis um álit á breytingu á lögum nr. 80/1938 um stéttarfélög og vinnu-
deilur. Báðar beiðnimar voru afgreiddar. Engin beiðni barst um gerðardóm.
Fyrir liggur flokkuð skrá yfir álitsgerðir og gerðardóma sem Lagastofnun
hefur staðið að. Er hún varðveitt í skrifstofu lagadeildar. Formaður verkefna-
nefndar er Þorgeir Örlygsson prófessor. Aðrir í nefndinni eru Stefán Már
Stefánsson og Sigurður Líndal.
5. SAMSTARFSNET UM NEYTENDARANNSÓKNIR
Samkvæmt samþykkt stjómar Lagastofnunar 7. febrúar 1997 gerðist
stofnunin aðili að samstarfsneti um styrki norrænu ráðherranefndarinnar til
rannsókna í neytendamálum. Aðrir aðilar eru: Viðskiptaráðuneytið, Félags-
vísindastofnun Háskóla íslands, Viðskiptafræðistofnun Háskóla íslands og
Neytendasamtökin. Stjórnin fól Páli Sigurðssyni prófessor að vera fulltrúi
Lagastofnunar í þessu samstarfi.
Sigurður Líndal
135