Tímarit lögfræðinga - 01.05.1998, Síða 71

kvennafræði við Háskóla íslands, þannig að þeir sætu í kennslustundum ásamt
stúdentum í 4. hiuta laganáms, sem valið hefðu kjörgreinarnar. Það skilyrði var
þó sett að viðkomandi stúdentar hefðu lokið að minnsta kosti 60 eininga
háskólanámi, áður en þeir ættu kost á að leggja stund á nám í þessum greinum.
2.7 Starfandi nefndir í lagadeild:
Bókasafnsnejhd
í bókasafnsnefnd lagadeildar eiga sæti prófessoramir Páll Sigurðsson og
Viðar Már Matthíasson. Fulltrúi laganema er Jóhanna Bryndís Bjarnadóttir.
Hlutverk nefndarinnar er að vinna að eflingu bókasafns deildarinnar í sam-
ráði við deildarforseta.
Námsnefnd
Námsnefnd skipa prófessorarnir Björn Þ. Guðmundsson deildarforseti sem
jafnframt er formaður nefndarinnar og Davíð Þór Björgvinsson. Auk þess situr
Heimir Örn Herbertsson laganemi í nefndinni f.h. Orators.
Meginviðfangsefni námsnefndar er nú að taka upp einingakerfi við laga-
deild.
Húsnefiid
Húsnefnd lagadeildar skipa Davíð Þór Björgvinsson prófessor og Jón Eðvald
Malmquist laganemi.
Hlutverk hennar er að vinna að viðhaldi og endurbótum á húsnæði deildar-
innar í samráði við deildarforseta.
Nefnd til undirbúnings 90 ára afmœlis lagakennslu 1. október 1998
Að tillögu deildarforseta var samþykkt á deildarfundi 19. desember 1997 að
skipa þriggja manna nefnd til að undirbúa 90 ára afmæli lagakennslu 1. október
1998. Nefndina skipa: Jónatan Þórmundsson prófessor, formaður, tilnefndur af
lagadeild, einn maður tilnefndur af Orator, félagi laganema, og annar tilnefndur
af Hollvinafélagi lagadeildar, en þeim tilnefningum er ekki lokið.
Nefnd til kanna leiðir til að koma á samningum við aðra skóla á háskólastigi
um kennslu í lögfræði
Skipuð var þriggja manna nefnd til þess að kanna möguleika á því að Laga-
stofnun fyrir hönd lagadeildar geri samninga við aðra skóla á háskólastigi um
kennslu í lögfræði fyrir nemendur viðkomandi skóla. í henni sitja Þorgeir Ör-
lygsson prófessor formaður og Viðar Már Matthíasson prófessor auk kennslu-
stjóra.
Nefnd til að kynna og undirbúa upptöku einingakerfis í lagadeild
Á deildarfundi 23. október 1997 var samþykkt að skipa sérstaka nefnd til
þess að kynna og undirbúa upptöku einingakerfis í stað hlutakerfis í lagadeild.
155