Tímarit lögfræðinga - 01.06.2004, Qupperneq 23

2.2.5 Kröfur sem gerðar eru til umbúða á söluhlut
Söluhlutur skal vera í venjulegum eða öðrum forsvaranlegum umbúðum
sem nauðsynlegar eru til að varðveita og vemda hann, sbr. d-lið 2. mgr. 17. gr.
kpl. Skylda seljanda nær því einungis svo langt sem nauðsynlegt er til þess að
varðveita og vemda hlutinn. Ef hlut er pakkað inn á venjulegan hátt er það að
öllu jöfnu nægilegt ef ekki má leiða af sérstökum atvikum að meira þurfi til þess
að vemda hlutinn og varðveita. Ákvæðið felur ekki í sér að söluhlutur þurfi
alltaf að vera innpakkaður. Bflar og sandur eru söluhlutir sem að jafnaði þarf
ekki að pakka inn. Að öðru leyti verður að skýra hugtakið umbúðir rúmri
skýringu. Dýrum er t.d. venjulega ekki pakkað inn þótt þau séu send frá einum
stað til annars en þess í stað er sú krafa gerð að flutningur fari fram í forsvaran-
legum búrum eða með öðrum áþekkum hætti sem nauðsynlegur er til að vemda
þau. Samhljóða ákvæði er í e-lið 2. mgr. 15. gr. nkpl.24
2.2.6 Söluhlutur skal vera í samræmi við væntingar neytenda um endingu
o.fl.
Leiði annað ekki af samningi skal söluhlutur hafa þá eiginleika til að bera
sem neytandinn mátti vænta við kaup á slíkum söluhlut að því er varðar end-
ingu og annað, sbr. b-lið 15. gr. nkpl. Ákvæðið á sér ekki beina hliðstæðu í
kaupalögunum en er sambærilegt við d-lið 2. mgr. 2. gr. Evróputilskipunarinnar
um neytendakaup. Samkvæmt því skal söluhlutur hafa þá eiginleika til að bera
sem neytandinn mátti vænta við kaup á slíkum hlut að því er varðar endingu og
aðra eiginleika.
Svar við spumingunni um hvaða eiginleika neytandinn mátti vænta að
söluhlutur hefði verður ekki byggt á væntingum einstakra neytenda. Þannig
getur neytandi með óeðlilega miklar væntingar ekki haldið því fram að sölu-
hlutur sé gallaður þar sem hann sé ekki í samræmi við væntingar hans. Þess í
stað byggist mat á því hvort hlutur sé gallaður t.d. á samningnum, verði hlutar
eða upplýsingum sem gefnar voru við kaupin. Þá getur það skipt máli ef gefnar
hafa verið út ábyrgðaryfirlýsingar um hversu lengi hluturinn muni endast.25 Sjá
til athugunar H 1991 1997 (jarðýta) þar sem tekið var fram í dómi að kaupand-
inn hafi mátt ætla að viðgerð á hliðardrifum jarðýtunnar hefði verið forsvaran-
leg og að þau væru í nothæfu ástandi þannig að kaupandinn gæti haft venjuleg
not af jarðýtunni með hliðsjón af aldri hennar. Sjá einnig dóm Hæstaréttar frá
7. febrúar 2002 í málinu nr. 297/2001 (bílaþvottavél), en þar var talið að bíla-
þvottavélar hefðu verið í mun lakara ásigkomulagi en við hefði mátt búast.
Bæði seljandi, kaupandi og fasteignasali virtust hafa miðað við að nokkur
viðgerð vélanna á vegum kaupanda myndi leiða til þess að vélarnar yrðu honum
nothæfar. Voru kaupanda dæmdar skaðabætur vegna skorts á áskildum kostum.
24 Alþt. 1999-2000, A-deild, bls. 835, og Alþt. 2002-2003, A-deild, bls. 3803.
25 Alþt. 2002-2003, A-deild, bls. 3801-3802.
207