Tímarit lögfræðinga - 01.06.2004, Síða 32

Segir í dómi að hann hafí mátt vita að það myndi hafa áhrif á afstöðu kaupanda til
kaupanna og til verðlagningar bifreiðarinnar. Honum hafi því borið að upplýsa
kaupanda um vélarbilunina og hverjar grunsemdir hefðu komið frant um eðli hennar,
jafnvel þótt hann sjálfur teldi hana smávægilega eða annars eðlis. Hafði seljandinn
því að mati dómsins ekki gætt upplýsingaskyldu sinnar, enda hefði kaupandinn ekki
mátt sjá gallann við venjulega skoðun. Seljandinn var því dæmdur til að greiða
kaupanda skaðabætur.
H 1987 508 (Mazda 323)
Kaupandi bifreiðar hélt því fram að seljandinn hefði beitt hann sviksamlegri launung
með því að fullvissa hann um að bifreiðinni hefði aðeins verið ekið 13.000 kílómetra
þótt honum hlyti að hafa verið ljóst sem reyndum bifreiðaviðgerðarmanni að bifreið-
inni hefði verið ekið meira en 100.000 kfíómetra. Krafðist kaupandi af þessum sök-
um aðallega riftunar en til vara skaðabóta. Osannað þótt að atvik málsins væru með
þeim hætti að heimilað gæti riftun kaupa og var seljandi sýknaður af þeirri kröfu.
Hins vegar þótti seljanda hafa mátt vera ljóst að ekki gat verið rétt að bifreiðinni
hefði einungis verið ekið um 13.000 kflómetra heldur hlyti þar að muna að minnsta
kosti 100.000 kflómetrum. Þótti kaupandi hafa haft réttmæta ástæðu til að treysta því
að seljandi vegna kunningsskapar og starfsreynslu hans að bifreiðaviðgerðum myndi
ekki draga dul á hvað væri rétt um þetta atriði. Voru kaupanda því dæmdar skaða-
bætur úr hendi seljanda.
H 1989 199 (valtari)
Seljandi valtara kvað hann vera af árgerðinni 1974 en í ljós kom að hann var af
árgerð 1969. Ósannað var að seljandi hefði vitað betur. Þótt ekki væri í ljós leitt að
tæknilegur munur væri á völturum af árgerð 1969 og 1974 var talið að verð á
markaði færi að nokkru eftir árgerð tækja. Kaupanda var dæmdur afsláttur af kaup-
verðinu að álitum með hliðsjón af matsgerð dómkvaddra manna. Sjá einnig um
svipað sakarefni H 1975 374.
H 1996 710 (Honda Accord)
í afsali fyrir seldri bifreið, dags. 2. desentber 1992, var tekið fram að henni hefði
verið ekið 84.000 kflómetra. Vitni báru að í ágúst 1992 hefði ökumælir bifreiðarinnar
sýnt um 135.000 kflómetra og þótti framburði þeirra ekki hafa verið hnekkt. Þótti
þannig verða að gera ráð fyrir því að akstur bifreiðarinnar hefði sem þessu nam í
reynd verið meiri en þeir 84.000 kflómetrar sem greindi frá í afsali. Af þeirri ástæðu
þótti kaupandi eiga rétt til afsláttar af kaupverði án tillits til þess hvort seljanda mátti
vera kunnugt um þessi atvik.
Upplýsingar um hlutinn og notkun hans koma ntargar fram í leiðbeiningum
sem fylgja honum við afhendinguna. Venjulega er það svo að hluti þessara
upplýsinga hefur ekki komið fram í tengslum við kaupin. Upplýsingar í leið-
beiningunum falla því ekki beint undir orðalag ákvæðisins. Ef hlutur er í sam-
ræmi við samningsskilmála, eða öðrum skilyrðum 17. gr. er fullnægt, skiptir
ekki máli hvort upplýsingar í leiðbeiningum eru réttar eða rangar. Hins vegar er
hugsanlegt að upplýsingar þær sem fram koma í slíkum leiðbeiningum leiði til
216