Tímarit lögfræðinga - 01.06.2004, Síða 60

Framlcvœmdaleyfi: Leyfi til framkvæmda í samræmi við skipulag og til fram-
kvæmda sem ekki eru háðar ákvæðum IV. kafla laga þessara um mannvirki.7
í framsöguræðu formanns umhverfisnefndar Alþingis kom eftirfarandi fram
unt þessar breytingar:
Með 27. gr. er lagt til að bætt verði inn í frumvarpið ákvæði um framkvæmdaleyfi.
Á það við um framkvæmdir sem ekki eru háðar byggingarleyfi og hafa áhrif á
umhverfið og breyta ásýnd þess. Falla skógrækt, landgræðsla og efnistaka til dæmis
þama undir. Framkvæmdir þessar þurfa að vera í samræmi við skipulagsáætlanir og
fara skal um þær eftir lögum um mat á umhverfisáhrifum þar sem það á við. Gert er
ráð fyrir að framkvæmdaleyfi falli úr gildi ef framkvæmdir eru ekki hafnar innan
tólf mánaða frá útgáfu þess.8
Breytingartillögur umhverfisnefndar Alþingis að því er varðaði fram-
kvæmdaleyfi voru samþykktar. Ákvæði 2. gr. um skilgreiningu á hugtakinu
„framkvæmdaleyfi“ svo og ákvæði 27. gr. voru því teknar upp í lög nr. 73/1997
um skipulags- og byggingarmál, eins og hér að framan greinir.
3. LÖG NR. 135/1997 UM BREYTING Á SKIPULAGS- OG BYGG-
INGARLÖGUM NR. 73/1997
Ekki liðu nema rúmlega 6 mánuðir frá samþykkt skipulags- og byggingar-
laga nr. 73/1997 þar til umhverfisráðherra lagði fyrir Alþingi frumvarp til breyt-
inga á lögunum sem enn höfðu þó ekki tekið gildi.9 í almennum athugasemdum
við frumvarpið sagði m.a. svo um ástæður fyrir framlagningu frumvarpsins:
Komið hefur í ljós við vinnu á vegum ráðuneytisins, skipulagsstjóra ríkisins og
Sambands íslenskra sveitarfélaga og á fundum með fulltrúum sveitarfélaganna að
lagfæra þarf nokkur atriði laganna áður en þau öðlast gildi 1. janúar nk. Snerta
lagfæringar fyrst og fremst stjómun innan málaflokksins, svo sem um valdsvið
byggingamefnda gagnvart sveitarfélögunum og jafnframt um heimildir sveitar-
félaganna til gjaldtöku fyrir veitta þjónustu. Þar að auki hafa slæðst inn í lögin villur
sem nauðsynlegt er að leiðrétta. Er gerð nánari grein fyrir einstökum þáttum í
athugasemdum við einstaka greinar.10
Frumvarp umhverfisráðherra hafði að geyma nokkur ákvæði er snertu
framkvæmdaleyfi. í 8. gr. frumvarpsins var lagt til að 53. gr. laganna hljóðaði
svo:
7 Alþt. 1996-1997, A-deild, bls. 5317.
8 Alþt. 1996-1997, B-deild, dálk. 6386.
9 Alþt. 1997-1998, A-deild. bls. 2137.
10 Alþt. 1997-1998, A-deild, bls. 2139.
244