Ægir - 01.09.1996, Side 10

Rannsóknastofnun fiskiðnaðarins:
Nýtt skipulag
„Rannsóknastofnun fiskiðnaðarins verður í tengslum við sjávarútvegs-
sýninguna með kynningu á starfsemi stofnunarinnar sem vonandi mun
vekja athygli á hlutverki stofnunarinnar sem mætti ef til vill skilgreina o
þannig að hún sé hinn vísindalegi bakhjarl fiskiðnaðarins og matvæla-
iðnaðarins í heild," sagði Hjörleifur Einarsson aðstoðarforstjóri Rann- |
sóknastofnunar fiskiðnaðarins í samtali við Ægi. I
Nú liggur fyrir nýtt skipurit fyrir
stofnunina sem er m.a. ætlað að auka
skilvirkni og hæfni hennar í samstarfi
við iðnaðinn. Nú verða aðeins þrjú svið
í stað tíu deilda og útibúa áður og hlut-
verk þeirra eru í samræmi við það víð-
tækari en deildanna áður.
„bað er einkum tvennt sem við vilj-
um ná fram með þessum breytingum.
Annars vegar er að nálgast vandamál á
þverfaglegan hátt með myndun vinnu-
hópa og auknu samstarfi einstakra vís-
indagreina innan stofnunarinnar sem
verður auðveldara með því að hafa svið-
in færri.
Hinn tilgangurinn er að skilja ákveð-
inn þátt starfseminnar, sem lýtur að
þjónustustarfsemi á markaðnum, frá
annarri starfsemi í rekstrarlegum skiln-
ingi án þess þó að um hana verði stofn-
að sjálfstætt fyrirtæki. Rannsóknastofn-
un fiskiðnaðarins innir af hendi marg-
víslegar mælingar fyrir iðnaðinn og til
þess að samkeppnisskilyrðum nútímans
sé fullnægt þarf þessi starfsemi að
standa undir sér og lifa sjálfstæðu lífi,"
sagði Hjörleifur.
Rannsóknastofnun fiskiðnaðarins er
rúmlega 60 ára gömul stofnun en hlut-
verk hennar hefur nokkuð breyst á und-
anförnum árum. Hlutfall sértekna á
stofnuninni hefur aukist og hlutfall
hins opinbera til rekstrarins að sama
skapi minnkað. Á þessu ári er gert ráð
fyrir 95 milljóna króna framlagi af fjár-
lögum en heildarvelta stofnunarinnar
er urn 220 milljónir.
Sérteknanna er aflað með tvennum
hætti. Annars vegar eru gerðar mæling-
ar fyrir stofnanir og fyrirtæki. Hins
vegar tekur stofnunin þátt í fjölda verk-
efna af ýmsu tagi sem opinberir sjóðir
styrkja í meira eða minna mæli.
„Þessi þáttur hefur farið vaxandi að
undanförnu. Rannsóknarráð íslands,
Norræni iðnþróunarsjóðurinn og sjóðir
Evrópusambandsins hafa veitt mest til
okkar síðustu ár og munu verða okkar
stærstu bakhjarlar í framtíðinni.
Sú breyting hefur orðið að Norræni
iðnþróunarsjóðurinn hyggst breyta
áherslum sínum og tengja í auknum
mæli rannsóknir og fyrirtæki á Norður-
löndum saman og gera þeim þannig
kleift að sækja meira í sjóði Evrópu-
sambandsins. Okkar stefna er að taka
þátt í þessu."
Algengt er að sjóðir setji það sem
skilyrði að til þess að rannsóknirnar
komi að notum séu fyrirtæki í atvinnu-
lífinu virkir þátttakendur í rannsóknun-
um. Þetta þýðir að tengsl Rf og fyrir-
tækja verða enn ?.
„Okkar hlutverk er að efla samkeppn-
ishæfni íslensks iðnaðar, sérstaklega
sjávarútvegs, og það gerum við með því
að koma okkar niðurstöðum út í iðnað-
inn."
Samfara aukinni kröfu um sértekjur
hefur samstarf Rf við fyrirtæki í mat-
Hjörleifur Einarsson aðstoðarforstjóri Rf.
vælaiðnaði aukist mjög á undanförnum
árum og mörg áhugaverð verkefni ver-
ið leyst sem hafa skilað auknum út-
flutningsverðmætum og bætt stöðu ís-
lenskra framleiðenda í harðri sam-
keppni. Hér yrði of langt mál upp að
telja það sem gert hefur verið en flestar
rannsóknir á Rf tengjast þó gæðum,
öryggi og vinnsluferlum.
„Við ætlum að aðstoða iðnaðinn við
að finna lausnir á einstökum vandamál-
um og auka þannig hæfni þeirra og
hins vegar að fylgjast glöggt með þró-
uninni, gera sjálfstæðar rannsóknir í
takt við hana þannig að þegar vanda-
mál koma upp þá séu vísindalegar for-
sendur þeirra þekktar og lausnin sé þá í
sjónmáli. Við munum einnig leggja
áherslu á samstarf við fyrirtæki og
stofnanir. Þannig getur stofnunin best
uppfyllt hlutverk sitt, með því að vera
alltaf skrefi á undan." □
10 ÆGIR