Ægir - 01.09.1996, Side 86

BP skip:
Endurnýjunarþörf
safnast upp í flotanum
„Það er ekki nokkur vafi á að það er að safnast upp mikil endurnýjun-
arþörf í íslenskum fiskiskipaflota. Núverandi úreldingarreglur njörva
okkur niður og dæma okkur til að hjakkast á gömlum og úr sér gengn-
um skipum alltof lengi," sagði Björgvin Olafsson skipasali og forstjóri
í BP-skip í samtali við Ægi.
Björgvin hefur starfrækt skipasölu og
umboðssölu undir nafni BP-skip í sex ár
og umsvif fyrirtækisins fara stöðugt vax-
andi og sérstaklega á alþjóðlegum vett-
vangi. Björgvin segir að einungis 20% af
þeim viðskiptum sem hans fyrirtæki
annast sé á íslenskum markaði. Annað
er alþjóðlegt enda skipasala löngum
verið alþjóðleg starfsgrein.
„Við litum á það sem mikla viður-
kenningu á okkar starfi þegar við vomm
beðnir nýlega að annast sölu á 76 metra
löngum nýsjálenskum verksmiðjutog-
ara, þriggja ára gömlum. Fyrirtækið var
gert upp og dómsyfirvöld á Nýja-Sjá-
landi fólu BP-skipum ásamt öðrum al-
þjóðlegum miðlara að koma skipinu og
vinnslunni í verð. Skipið seldist fljótlega
til alþjóðlegs fyrirtækis sem er í eigu
Ameríkana, Rússa og Norðmanna og
verður sent á veiðar í Barentshaf. Verðið
var í kringum 350 milljónir sem er gjaf-
verð."
Annað alþjóðlegt verkefni sem Björg-
vin og félagar hans vinna að um þessar
mundir er gífurlega stórt í sniðum og
felst í því að aðstoða indónesísk stjórn-
völd við að koma á fót útgerð og fisk-
vinnslu. Þetta er verkefni sem á að taka
þrjú ár að koma á fót og stefnt er að því
að veita 250 milljónum dollara til verks-
ins og þegar upp verður staðið verður
búið að koma upp höfn, fiskvinnslu, ís-
verksmiðju og kaupa fast að 300 skip og
báta.
„Þetta er gífurlega spennandi verk-
efni sem margir vilja fjárfesta í enda eru
Björgvin Ólafsson forstjórí BP-skipa.
miklir möguleikar fólgnir í veiðum og
vinnslu á þessum slóðum og stórir
markaðir rétt við bæjardyrnar. Þarna er
sjávarútvegur fremur frumstæður og
minnir að mínu viti um margt á okkar
sjávarútveg eins og hann var í kringum
1950. Við eigum að útvega þeim skip,
verktaka og tæknikunnáttu og þekk-
ingu," segir Björgvin. Hann segir að iðu-
lega komi það í hlut fyrirtækisins að út-
vega kaupendum skipstjóra og menn
sem kunna til fiskveiða og útgerðar.
Þannig hefur BP-skip verið þátttakandi
og jafnvel upphafsaðili að þeirri alþjóð-
legu útrás sem átt hefur sér stað í ís-
lenskum sjávarútvegi undanfarin ár. Á
stuttum tíma hafa íslendingar haslað
sér völl í Suður-Afríku, Suður-Ameríku,
Nýja-Sjálandi og víðar og Björgvin seg-
ist búast við að hann eigi eftir að aug-
lýsa eftir skipstjórum fyrir indónesíska
útgerðarmenn.
Annað verkefni sem BP-skip er að
fást við er að koma í verkefni 15 úkra-
ínskum vinnsluskipum af stærri gerð-
inni. Hér er um að ræða tæplega 100
metra löng skip sem hefur gengið vel að
koma í verkefni. En hvað er að gerast á
íslenska markaðnum?
„Það er ekkert óskaplega mikið. Ég tel
að úreldingarreglur standi okkur fyrir
þrifum eins og ég minntist á. Það er
ekkert sérstaklega mikið framboð af
notuðum skipum og ekki mikil hreyfing
hér innanlands. Þó önnuðumst við sölu
á Særúnu frá Njarðvík á dögunum og
fór hún til Hafnarfjarðar.
Um þessar mundir eru margir að láta
endurbyggja loðnubáta þegar þeir ættu
að vera að láta smíða nýtt en lögin
koma í veg fyrir það. Það er ekki mikið
af notuðum nótaskipum á markaðnum,
nema helst það sem Norðmenn, írar og
Skotar eru að leggja vegna endurnýjun-
ar og selja á uppsprengdu verði.
Hvað varðar togara þá koma stund-
um á markaðinn skip á góðu verði sem
vekja áhuga, jafnvel nýlegir skuttogarar
en menn geta þurft að vera snöggir að
taka við sér. Það er stutt síðan að komu
á markaðinn þrjú skip svipuð Þerneynni
sem voru föl á rúmlega 500 milljónir.
Um það leyti sem íslenskir útgerðar-
menn fóru að spyrja um þau voru þau
seld. í þessum viðskiptum gildir gamla
sagan, fyrstur kemur, fyrstur fær."
Björgvin segir að því séu fá vandamál
samfara að reka alþjóðlegt fyrirtæki á ís-
landi en þó sjást stundum ljón á vegin-
um.
„Það er ekki hægt að gera allt gegn-
um síma og fax eða tölvu. Oft verður að
fara á staðinn og skoða skip og hitta
menn. Þegar menn með lítinn tíma
hafa komið hingað til lands hefur það
aðallega verið þjónusta Flugleiða sem
hefur gert mér lífið leitt. Þegar önnur
fyrirtæki bjóða flug hingað er ég alltaf
fyrstur til að kaupa miða bara til að
styðja aukna samkeppni og þar með
betri þjónustu." □
86 ÆGIR