Ægir - 01.09.1996, Síða 98

ísboltar hf., festingameistarar:
Litlir boltar, stórir boltar,
sterkir boltar
„Þegar Isboltar voru settir á fót árið 1989“ segir Jón Rúnar Gunnarsson
framkvæmdastjóri, „var hugmyndin sú að byggja upp eins fjölþættan
og öflugan lager á sviði festinga eins og kostur var á hverju sinni. Upp-
byggingin var róleg í byrjun enda þá nokkur lægð í íslensku efnahags-
og atvinnulífi. Aukningin í umfangi fyrirtækisins hefur hinsvegar verið
mikil síðustu tvö til þrjú árin. Þá teljum við að markaðssetning okkar
og markviss uppbygging birgða og þjónustu sé að skila sér. Við tökum
heim vörur í hverri viku, þannig að endurnýjun er ör.
Hér starfa sjö manns við sölu og
þjónustu. Við höfum reynt að halda
mannskap alveg í lágmarki og tekist það
með mikilli elju starfsfólks. Viðskipta-
mannahópurinn er fjölbreyttur. Véla-
verkstæði og stálsmiðjur, útgerðir skipa,
frystihús og margskonar fyrirtæki á
sviði bygginga og framkvæmda, bæði
nýsmíða og viðhalds. Þjónusta okkar
við skipaflotann fer gjarnan fram beint
við vélstjórana um borð. Þeir senda okk-
ur símbréf með óskum sínum og við af-
hendum síðan vöruna, þegar skipin
koma í land.
Við reynum að fylgjast sem best með
því hvað viðskiptavinir okkar eru að fást
við. Þá getum við betur en ella brugðist
fljótt við óskum þeirra. íslenskur mark-
aður er lítill og fyrir kemur að við leys-
um vanda manna með því að fá sér-
smíðaða bolta eða aðrar festingar er-
lendis. Festingar frá okkur koma við
sögu í framleiðsluvörum ýmissa fyrir-
tækja sem framleiða vélar og tæki til út-
flutnings.
Eins og ég sagði áður þá höfum við
lagt mikla áherslu á uppbyggingu mikils
og trausts lagers. Nú eru þar um það bil
30 þúsund vörunúmer. Til gamans má
geta þess að heildarþyngd hans er rúm-
lega 200 tonn. í nóvember fluttum við í
nýtt og stærra húsnæði sem er um það
bil 1000 m2. Það er á jarðhæð við
Strandgötu 75 í Hafnarfirði. Með til-
komu þess hefur allur flutningur með
vörur og aðkoma viðskiptavina batnað
til muna.
Reynslan hefur sýnt að til að þjóna
viðskiptavinum okkar þá nægir ekki
ávallt að vera með góðan lager. Stund-
um þarf meira til. Dæmi eru um að við
höfum leyst bráðan vanda í samvinnu
við samstarfsmenn okkar erlendis. Stað-
reyndin er sú að oft á tíðum liggur verð-
mæti bolta e.þ.h. fyrir viðskiptavini
okkar í því, að hann sé þeim til reiðu á
þeim tíma og þeim stað, sem hentar,
þegar þeir þurfa hans með. Þá er hefð-
bundið framleiðsluverð aðeins dropi I
hafið. Taka má dæmi af viðgerðarfyrir-
tæki, sem á jafnvel dagsektir á hættu
eða af stórum frystitogara, þar sem
rekstrartap hvers dags, sem hann er í
landi reiknast upp á nokkrar milljónir.
Þær festingar sem vantar í svona tilvik-
um koma með hraðsendingum. Ekki er
heldur hikað við að senda mann með
þessa hluti hingað ef það getur orðið til
að flýta fyrir. Slík dæmi þekkjum við
mörg.
Starfstími margra viðskiptavina okkar
er alls ekki innan hefðbundins vinnu-
tíma í Iandi. Fiskiskipin stunda mörg
veiðar allan sólarhringinn. Afgreiðslu-
tími okkar er frá kl. 8-18 virka daga og
einnig er opið á laugardögum. Utan
þess tíma er ávallt hægt að ná til okkar
símleiðis" sagði Jón Rúnar Gunnarsson,
framkvæmdastjóri.
Auk bolta og festinga af ýmsu tagi
eru ísboltar hf. m.a. með handverkfæri
frá Gedore og Rahsol, rafmagnsverkfæri
frá Hitachi, boltarnir og festingarnar
eru seldar undir nafninu Fabory/ísbolt-
ar. □
Hraðsending
afgreidd; tveir af
starfsmönnwn
ísbolta, þeir Jön
Rúnar Gunnars-
son og Hafsteinn
Kjartansson af-
henda Unnari
Hjaltasyni fram-
kvœmdastjóra
Vélav. Hjalta
Einarssonar sér-
pantaða bolta.
98 ÆGIR