Hlín - 01.01.1922, Page 23

Hlin 21
uglur, hrislur, vendi o. fl. f’ar fæst líka nóg af skógviðar-
laufinu til litunar.
Á sjernámsskeiðum öllum greiddu nemendur kenslu-
gjald og efni, en kennaramentunina þarf ríkið að veita.
Sýningar þarf að hafa að loknu hverju námsskeiði og
auk þess við og við til og frá um landið, sýningar eru
mjög fræðandi og vekjandi.
Yrði fræðsla þessi góð og samband og samvinna milli
þeirra, sem numið hafa og þeirra, sem um markaðinn
sjá, mætti framleiða firnin öll til sölu að loknu námi,
auk þess, sem unnið yrði til heimanotkunar. — Hver
einn tæki vissa tegund til framleiðslu ög næði flýti og
leikni með æfingu. Tekjurnar ykust að sama skapi og
menn legðu kapp á störfin.
Sem dæmi þess, hvað þegar hefir verið gert hér á landi,
þar sem áhugi, dugnaður og einhuga framleiðsla er
annarsvegar, má nefna stólkambagerð Sigmundar bónda
Björnssonar á Hóli í Eyjafirði. Hann hefir ásamt fjöl-
skyldu sinni gert á 3. þúsund pör af stólkömbum á
undanförnum árum (ígripavinna á vetrum); eru kambar
þessir komnir um land alt. Ennfremur má nefna smá-
bandstóskap Eyfirðinga. í hitteð fyrra vetur var lagður
inn í verzlanir á Akureyri prjónasaumur (sokkar og vetl-
ingar) fyrir alt að 1000 kr. frá sumum heimilum í Eyja-
fjarðarsýslu.
Mjer er ennfremur kunnugt um, að nokkrir menn og
konur hafa haft dálítinn arð af framleiðslu sem nú skal
greina: Þorskalifur brædd í meðalalýsi, gulrófufræ-ræktun,
smíðuð orf og hrífur eða hrífusköft, spengdur leir og
bætt gleruð suðuáhöld, tekið ofan af ull fyrir tóvinnu-
verksmiðjur, táinn hampur til að hampþjetta skip með og
fljettaðar gólfmottur úr hampi.
F*að er margt sem hægt er að gera, ef menn vilja
leggja sig fram og láta sjer lynda lítið kaup þann tíma,
sem enginn arðvænlegri vinna býðst.