Hlín - 01.01.1922, Blaðsíða 49
Hlin
47
gerðar kostgangara í Reykjavík, eða íá að öðrum kosti
enga tilsögn eða Ieiðbeiningu í því er snertir störf
heimilanna. —
Jeg gat um það hjer að framan, að nauðsyn bæri til,
að konurnar berðust sameiginlega fyrir því að fá komið
upp húsmæðraskólum. Og þær mega ekki láta dýrtíð
eða óáran draga úr sjer kjarkinn. Þeim er alveg óhætt
að treysta því, að hvað vel sem áraði, mundi þing og
stjórn aldrei láta sjer detta í hug, ótilkvatt, að leggja upp
í hendurnar á þeim góða og fullkomna skóla. Slík mál
ná aldrei fram að ganga, ef ekki er barist fyrir þeim af
ósjerplægni og einbeittum vilja. Og ekkert sýndi Ijósar
að konurnar skildu hlutverk sitt, en að einmitt þœr berð-
ust einhuga og ötullega fyrir þessum málum. — Jeg
þekki konur, sem aflað hafa sjer ágætrar mentunar til að
starfa við þannig lagaða skóla, og sem eru ágætum
hæfileikum búnar á því sviði. Pær eru atvinnulausar. Rað
hvetur ekki aðra til að brjótast þá braut. Og ekkert heyr-
ist um það, að nokkur hreyfi hönd eða fót til að hrynda
í framkvæmd húsmæðraskólamáli Vesturlands, þar sem
búið er þó, svo að segja, að leggja öll skilyrði til byrj-
unar upp í hendurnar á manni. Rar er öflugur skólasjóður,
og það sem mest er um vert, skólinn hefir jar$næði.
Og hvað er um húsmæðraskólann norðlenska? — Hvers
vegna ekki að byrja, þó í smáum stíl sje í fyrstu. Pað
þarf ekki fyrir því að setja neinn kotungsbrag á skólana.
Einungis að þeir sem að þeim standa og starfa sjeu
nógu víðsýnir, óeigingjarnir og höfðinglyndir, þá munu
skólarnir stækka og þrifast, þótt smátt sje byrjað.
Langstærsti og ágætasti húsmæðraskóli Norðurlanda
^Fackskola för huslig Ekonomi« í Uppsölum í Svíþjóð,
byrjaði með fjórum nemendum. Núeru þeir mörg hundruð
og sveitabúskapur rekinn í sambandi við skólann. —
Lýsing á starfi þess skóla væri nægilegt efni í heila ritgerð,
en er ekki tími eða rúm til að fjölyrða uni það hjer. En