Valsblaðið - 01.05.1991, Síða 51

um ókomna framtíð og þarf því að kenna
yngstu flokkunum og þjálfa þá. Því starfi
skiluðu þjálfararnir vel af sér og náðu í
íslandsmeistaratitil í B-flokki 6. flokks.
Sigurður og Jón (stúka) ætla sér stóra
hluti í ár og vonum við að þeir haldi áfram
að vinna með yngstu kynslóðirnar næstu
árin.
3. og 4. FLOKKUR kvenna undir
stjórn Mikaels stóð sig með ágætum og
náði meðal annars Reykjavíkurmeistara-
titli ásamt því að vinna hið landsfræga
Lego-mót. Stelpurnar stóðu sig vel á
Partille-cup mótinu þótt sumar hafi hugs-
að fullmikið um stráka.
5. FLOKKUR kvenna, undir leiðsögn
Dags Sigurðarsonar, var mjög fjölmenn-
ur og líflegur. Pað býr margt í stúlkum
þess flokks og eigum við eftir að sjá
kvennahandboltann í Val eflast á næstu
árum.
Leikmenn MEIST AR AFLO KKS
KVENNA voru vægast sagt fullfáir á síð-
asta keppnistímabili. Það hefur sem bet-
ur fer breyst á þessu keppnistímabili —
þökk sé Valla Veiðimanni sem fór á
kvennaveiðar síðastliðið sumar og veiddi
vel. Konurnar enduðu fyrir miðri deild
síðasta keppnistímabil og komust í und-
anúrslit í biícarnum — sem er í raun góður
árangur miðað við fámennið á æfingum
og þjálfaraskipti á miðju tímabili. Við í
stjórninni erum alltaf bjartsýnir og með
nýjum þjálfara og nýjum stelpum sjáum
við fram á titil í ár — eða eftir tvö ár.
MEISTARAFLOKKUR KARLA
var sannkallaður gullmoli á síðasta
keppnistímabili. Tímabilið byrjaði þó
með falli úr Evrópukeppni bikarhafa
gegn frændum okkar frá Noregi, Sande-
fjord. Leikirnir voru mjög jafnir — við
töpuðum úti en unnum á heimavelli. Tit-
ilvörn okkar, sem bikarmeistarar, var
heldur ekki eins og vonir stóðu til því
FH-ingar slógu okkur út úr keppninni á
heimavelli sínum. Það er leikur sem við
Valsmenn viljum allir gleyma. íslands-
mótið fór rólega af stað hjá Völsurunum
en stígandinn í forkeppninni var jafn og
þéttur. Víkingar, aðalkeppinautar Vals í
fyrra, fóru af stað á fullu gasi og ætluðu að
taka titilinn með látum. Flestir bjuggust
reyndar við að þeir gerðu það. Víkingum
tókst að vinna forkeppnina og hlaut
aðeins einu sitgi meira en Valur.
í úrslitakeppninni horfðu málin öðru-
vísi við. Valsmenn voru hreint út sagt í
ham og unnu alla leiki sína með miklum
yfirburðum, nema þann síðasta. Þá voru
þeir hvort sem er orðnir íslandsmeistar-
ar. Valdimar Grímsson var markahæsti
leikmaður mótsins og var kosinn leik-
maður ársins af leikmönnum fyrstudeild-
arliðanna. Sú útnefning kom okkur Vals-
mönnum ekki á óvart.
Meistaraflokkurinn skellti sér á fjög-
urra liða mót í september síðastliðnum og
vann það mót með fullu húsi stiga. I mót-
inu léku meðal annars Paris Asniers, sem
Júlíus Jónasson spilaði með síðastliðið ár.
Valsliðið hefur orðið fyrir miklum
missi í sumar því Jón Kristjánsson gekk til
liðs við þýska liðið Schul, sem spilar í
Dagur
Sigurðsson er
einn efnilegasti
handknatt-
leiksmaður
landsins. Hann
var valinn besti
leikmaður
Norðurlanda-
móts unglinga
þýsku úrvalsdeildinni. Einnig yfirgafEin-
ar Þorvarðarson Val og gekk til liðs við
Selfoss sem markvörður og þjálfari. Ein-
ar hefur átt virkilega glæsilegan feril í Val
og kveðjum við hann með eftirsjá.
En maður kemur í manns stað. Lands-
liðsmarkvörðurinn Guðmundur Hrafn-
kelsson gekk í raðir Valsmanna og er
hann góður fengur. Einnig kom Þórður
Sigurðsson aftur heim að Hlíðarenda. Nú
þarf ekki lengur að leita langt yfir
skammt því úrvals handknattleiksmenn í
2. flokki bíða færis á að fá að spreyta sig
með meistaraflokki.
Evrópukeppni meistaraliða stendur nú
yfir og eru Valsmenn komnir í 8-liða úr-
slit eftir að hafa slegið ísraelska liðið Ha-
poel úr keppni. Fyrri leik liðanna á ís-
landi lauk með sigri Vals, 25-20 en Ha-
poel sigraði í ísrael með 28 mörkum gegn
27. Valur fer því áfram á betri markatölu.
í byrjunarumferð Evrópukeppninnar
vann Valur meistarana Drott frá Svíþjóð í
tvígang en báðir leikirnir fóru fram þar.
Leikirnir voru Val til sóma því í liði Drott
eru margir af landsliðsmönnum heims-
meistaranna.
Islandsmótið hefur farið illa af stað
fyrir Valsmenn. f fyrsta leiknum urðum
við fyrir því áfalli að Jakob Sigurðsson,
fyrirliði, meiddist illa og verður frá
keppni í langan tíma. Þetta er mikill miss-
ir fyrir Valsmenn en við gefumst aldrei
upp.
Stjórn handknattleiksdeildar Vals er
skipuð fjölmennum her ákafra Vals-
manna sem hafa það að markmiði að
halda Val ávallt á toppnum og gera deild-
ina fjárhagslega sterka. Hagnaður varð af
rekstri deildarinnar á síðasta rekstarári
en það hafði ekki gerst í mörg ár.
Með Valskveðju!
F.h. stjórnar
handknattleiksdeildar Vals
Lúðvig Árni Sveinsson
51