Uppeldi og menntun - 01.01.2009, Blaðsíða 117

Uppeldi og menntUn/icelandic JoUrnal of edUcation 18(1)/2009 117
le iðbe in ingar
Leiðbeiningar fyrir greinahöfunda
Tímaritið Uppeldi og menntun kemur út tvisvar á ári. Greinar sem eiga að koma til birt-
ingar í vorhefti tímaritsins þurfa að berast ritstjóra á tölvutæku formi fyrir 1. október
og greinar til birtingar í haustheftinu fyrir 1. maí – en æskilegt er að greinar berist
þegar þær eru tilbúnar af hálfu höfunda en ekki sé beðið eftir þessum dagsetningum.
Ritnefnd tekur afstöðu til þess hvort grein fæst birt í tímaritinu. Við ákvörðun um
birtingu greina er í fyrsta lagi tekið mið af þeirri stefnu að um sé að ræða fræðilegar
og/eða rannsóknartengdar greinar, í öðru lagi að þær eigi erindi til þeirra sem sinna
uppeldis- og menntamálum og í þriðja lagi verður gætt að heildarsvip tímaritsins
hverju sinni.
Meginreglan er sú að innsendar greinar hafi ekki birst annars staðar. Undantekn-
ing er gerð frá þessari reglu ef ritnefnd telur greinar sem birst hafa í viðurkenndum
erlendum fagtímaritum eftirsóknarverðar til birtingar á íslensku. Erlendum fræði-
mönnum er heimilt að birta efni í tímaritinu á ensku. Fyrsti höfundur greinar er jafn-
framt ábyrgðarmaður og tengiliður við ritstjóra. Nöfn höfunda eru birt í sömu röð og
tilgreint er í handriti. Tilgreina skal sérstaklega hver er fyrsti höfundur.
Ef ritnefnd metur greinina svo að hún eigi erindi í tímaritið og uppfylli kröfur um
efni og framsetningu er hún send til a.m.k. tveggja fræðimanna til ritrýningar. Grein
sem samþykkt er með fyrirvara um að brugðist sé við faglegum ábendingum er send
til greinarhöfundar til lagfæringar í samræmi við ábendingar ritrýna og ritnefndar.
Höfundur sendir greinina síðan aftur til ritnefndar með greinargerð um þær breyt-
ingar sem hann hefur gert á greininni.
Framsetning efnis
Miðað er við að framsetning efnis sé í samræmi við venjur sem gilda í virtum erlend-
um tímaritum um uppeldis- og menntamál. Miðað er við APA-kerfið við framsetn-
ingu efnis, þetta á m.a. við um gerð heimildaskrár, tilvísanir í texta, töflur og myndir,
kaflafyrirsagnir og lengd beinna tilvitnanna. Neðanmálsgreinar verða ekki birtar, en
ef þörf krefur er heimilt að hafa aftanmálsgreinar. Reglur um framsetningu má finna
t.d. í Gagnfræðakveri handa háskólanemum 4. útgáfu (2007) eftir Friðrik H. Jónsson og
Sigurð J. Grétarsson og Publication Manual of the American Psychological Association, nýj-
ustu útgáfu. Vitna skal til skírnar- og föðurnafns íslensks höfundar en ekki föðurnafns
eingöngu eins og gildir um erlenda höfunda. Jafnframt skal raða íslenskum höfund-
um í heimildaskrá samkvæmt skírnarnafni þeirra. Ætlast er til að beinar tilvitnanir úr
erlendum tungumálum séu þýddar á íslensku. Tekið skal fram að um þýðingu höf-
undar sé að ræða, nema annar hafi þýtt.
Mikilvæg atriði varðandi skil handrita:
Lengd handrita skal að jafnaði vera 15–25 blaðsíður. •
Handrit skulu vera með 12 pt. letri (Times New Roman) og línubili 1,5. •
Einfalt orðabil skal vera á eftir punkti.•