Fréttablaðið - 25.03.2010, Qupperneq 18

18 25. mars 2010 FIMMTUDAGUR
ELDGOSIÐ Á FIMMVÖRÐUHÁLSI
Gufustrókar úr eldstöðvunum á
Fimmvörðuhálsi hækkuðu veru-
lega þegar líða tók á daginn í gær
og vind lægði.
Áhöfn TF-SIFJAR, eftirlits-
flugvélar Landhelgisgæslunn-
ar, telur gufustrókana hafa
náð um tólf þúsund feta hæð,
en hún flaug yfir svæðið um
kvöldmatarleytið.
Þá var hægur vindur og
strókarnir fuku lítt.
Vísindamenn telja kvikuna,
sem er svipuð kvikunni er kom
upp í Surtseyjargosinu, vera
milli 1.150 og 1.200 stiga heita.
Í viðtali við Stöð tvö í gær sagði
Haraldur Sigurðsson eldfjalla-
fræðingur að hraunið gæti náð
til Þórsmerkur á næstu dögum.
Nú sjást fjórir til fimm gos-
strókar á svæðinu, en voru allt
að tólf fyrstu dagana.
Mælingar gefa til kynna
að þrýstingur í eldstöðinni sé
óbreyttur og ekkert hefur dreg-
ið úr rennsli. Því er enn talin
hætta á að gosið fari undir jökul
og skapi þannig flóð.
Því er umferð um Eyjafjalla-
jökul og Þórsmörk bönnuð. Öku-
tæki mega heldur ekki fara upp
Fimmvörðuháls vegna aurbleytu.
Sú leið er hins vegar opin göngu-
görpum, sem fara upp á eigin
ábyrgð. klemens@frettabladid.is
Gufustrókar hækka í
12.000 fet í logninu
Landhelgisgæslan sá gufustrókana hækka verulega í gærkvöldi. Mæling-
ar benda til að þrýstingur hafi ekki minnkað í eldstöðinni á Fimmvörðu-
hálsi. Því er enn hætta á að gosið fari undir jökul.
HRAUNFOSS Haraldur Sigurðsson eldfjallafræðingur virðist ekki óttast þúsund gráðu heitt hraunið þar sem hann skundar sinn veg um hamfarirnar. FRÉTTABLAÐIÐ/ANTON