Fréttablaðið - 25.03.2010, Side 50

34 25. mars 2010 FIMMTUDAGUR
menning@frettabladid.is
Ath kl. 21 í Múlanum
Næstu tónleikar tónleikaraðar Jazz-
klúbbsins Múlans fara fram í kvöld.
Fram kemur Kvartett söngkonunnar
Maríu Magnúsdóttur. Meðreiðarsveinar
hennar eru gítarleikarinn Rafn Emils-
son, á bassa leikur Valdimar Kolbeinn
Sigurjónsson og trommuleikarinn Scott
McLemore. Tónleikar Múlans í Jazz-
kjallaranum á Café Cultura, Hverfis-
götu 18.
> Ekki missa af …
gestaleikjum á Akureyri um
páskana, Norðlendingar.
Hellisbúinn mætir í Sjallann
3. apríl og verður aðeins ein
sýning af þessum vinsæla
einleik. Þá er LA með gestaleik
í boði fyrir alla fjölskylduna,
Horn á höfði, sem frumsýnt
var í Grindavík í haust og
fékk frábæra dóma. Sýningar
hefjast í Rýminu 31. mars.
Sjá nánar á vef Leikfélagsins,
WWW.leikfelag.is.
Í dag verður opnuð, í Studio
Stafni Ingólfsstræti 6, sölu-
sýning á tuttugu listaverkum
eftir Guðmund Thorsteinsson
„Mugg“. Verkin eru úr einkasafni
sem samanstendur af olíu-
málverkum, vatnslitamyndum,
litkrítarmyndum og blek- og
blýantsteikningum. Langt er
síðan jafn mörg verk eftir Mugg
hafa verið til sýnis í einu og leita
þarf allt aftur til yfirlitssýningar
Listasafns Íslands árið 1990 til
að finna fleiri verk eftir Mugg á
einni sýningu. Muggur vann sér
strax á unga aldri ást og aðdáun
hér á landi og reyndi fyrir sér á
mörgum sviðum en myndlist varð hans líf, og
þótt verkin væru sundruð og
dreifðust á marga staði þá bera
þau flest höfundareinkennin,
persónulega teikningu, fjölbreytt
svið viðfangsefna. Gefur þessi
sýning kjörið tækifæri til þess
að sjá verk hans, sem mörg hver
hafa ekki sést áður opinberlega.
Áhugasömum um verkasafn
hans gefst einstakt tækifæri til
að komast yfir verk eftir þennan
dáða myndlistarmann sem féll
frá í blóma lífsins.
Sýningin er opnuð kl. 20.00
fimmtudagskvöldið 25. mars og
stendur til 10. apríl. Opið verður
alla virka daga frá kl. 14.00-
17.00, nema mánudaga.
Tuttugu verk eftir Mugg til sölu
Á laugardagskvöldið er
frumsýning í Borgarleik-
húsinu á nýju íslensku
leikverki sem kallast Eilíf
óhamingja. Höfundarnir
eru þeir Andri Snær
Magnason og Þorleifur Arn-
arsson. Verkið er sjálfstætt
framhald verksins Eilíf
hamingja, sem hlaut mjög
góðar viðtökur gagnrýn-
enda sem og áhorfenda.
Í kynningartextum leikflokksins
Lifandi leikhúss, sem Þorleifur
Arnarsson stendur fyrir, segir svo
um erindi hópsins sem að sýning-
unni stendur: „Um hvað á að skrifa
leikverk á Íslandi í dag? Hvernig á
að skrifa dramatík þegar hún blas-
ir alls staðar við? Hver vill fara í
leikhús til að upplifa aftur harm-
leik hversdagsins þegar embætt-
ismenn lofa skýrslum sem munu
láta karlmenn gráta?“ Verkið er
kallað samtímaleikrit enda sett
saman á síðustu mánuðum og þar
er reynt, reyndar í Góðum Íslend-
ingum sem einnig var á fjölum
Litla sviðsins fyrr í vetur, að tak-
ast á við núið, það sem er að ger-
ast, og ekki gerast, í samfélagi
okkar í dag. Hér og nú.
Andri Snær og Þorleifur segja
um sýninguna: „Það er skylda leik-
hússins að kryfja og rannsaka.“
Þeir hafa rætt við þúsund Íslend-
inga segja þeir og hlustuðu á fimm
þeirra og settu þá á svið: Við erum
stödd í óræðu herbergi. Fimm
manneskjur eru komnar saman.
Ólíkar manneskjur en samt allar
tengdar á einhvern hátt. Dr. Matt-
hildur fær þetta fólk til meðferð-
ar. Hún setur skýrar leikreglur.
Það er bannað að segja Ísland,
það er bannað að segja hrun. Það
er bannað að segja útrás, IceSave
og stjórnarskrá. Matthildur krefst
fullkomins heiðarleika, fullkom-
ins gegnsæis. Allt verður að koma
fram – það má ekki leyna neinu.
Heimurinn fylgist með og vill læra
af okkur. Matthildur kemur af stað
uppgjöri og það kemst enginn út –
fyrr en allt liggur á borðinu!
Leikstjóri og annar höfundur,
Þorleifur Örn Arnarsson, var að
ljúka námi frá einum helsta leik-
listarskóla Þýskalands, Ernst
Busch í Berlín. Á síðustu tveimur
árum hefur hann leikstýrt sýning-
um á stórum leiksviðum í Þýska-
landi við góðan orðstír, nú síðast
með uppsetningu á Clockwork
Orange, og hefur hún hlotið mikið
lof áhorfenda og gagnrýnenda.
Andra Snæ Magnason þarf vart
að kynna enda löngu landsþekktur
fyrir verk sín og hugmyndaauðgi.
Andri Snær hlaut hin virtu Kairos-
verðlaun í Þýskalandi nýlega fyrir
framlag sitt til samfélagsumræðu
með verkum sínum. Verk hans
hafa verið gefin út eða sýnd í 22
löndum og þau hafa hlotið marg-
víslegar innlendar og alþjóðlegar
viðurkenningar.
Aðrir aðstandendur sýningar-
innar eru þau Símon Örn Birgis-
son dramatúrg, leikmynd annast
Drífa Freyju-Ármannsdóttir, bún-
inga gerir Judith Amalía Jóhanns-
dóttir, Kjartan Þórisson lýsir en
leikendur eru Atli Rafn Sigurðs-
son, Guðjón Þorsteinn Pálma-
son, Orri Huginn Ágústsson, Sara
Dögg Ásgeirsdóttir og Sólveig
Arnarsdóttir. Verkið er sett upp
í samstarfi við Leikfélag Reykja-
víkur og Borgarleikhúsið.
pbb@frettabladid.is
Meðferðarúrræðin duga
LEIKLIST Átök í merðferðarprógramminu? Við bíðum og sjáum hvað setur: Orri og
Sara að slást. MYND LIFANDI LEIKHÚS/GUÐMUNDUR RÚNAR KRISTJÁNSSON
Von er á góðum gesti hingað til
lands um næstu helgi. Dick Ring-
ler, prófessor og Íslandsvinur,
er höfundur bókarinnar Bard of
Iceland sem kom út hjá Máli og
menningu í liðinni viku. Þar rekur
Ringler ævi Jónasar Hallgríms-
sonar og útlínur af sögu Íslands
fram að tíma hans en þorri bók-
arinnar, sem er 474 síður, eru
rómaðar þýðingar Dicks á ensku
á ljóðum og prósa eftir þetta höf-
uðskáld Íslendinga. Bard of Ice-
land er viðamesta og markverð-
asta bók sem út hefur komið um
íslenskt þjóðskáld á erlendu máli
og um leið afar áhugavert fræðirit
um ljóðaþýðingar.
Höfundurinn Dick Ringler,
prófessor emeritus í enskum mið-
aldabókmenntum og norrænum
fræðum við Wisconsin háskóla,
fjallar um Jónas af víðsýni og ein-
stöku innsæi og birtir jafnframt
þýðingar sínar á lykilverkum
hans með ítarlegum skýringum.
Ringler hefur skrifað fjölda
bóka og ritgerða um íslenskar og
enskar bókmenntir og verið vin-
sæll kennari og fyrirlesari bæði
í heimalandinu og hér á landi um
áratugaskeið. Bard of Iceland
kom fyrst út í Bandaríkjunum
árið 2002 en er nú loksins fáanleg
hérlendis.
Í bókinni rekur Ringler sögu
Jónasar, kynnir landshætti hér
og í Danmörku og tengir skáldið
við strauma og stefnur síns tíma,
m.a. við skáldskap samtímamanna
hans í Evrópu. Einnig er í bók-
inni ítarleg umfjöllun um bragar-
hætti sem Jónas notar, íslenska og
erlenda.
Endurútgáfa þessi er styrkt af
sjálfseignarstofnuninni Hannes-
arholti (http://www.hannesarholt.
is/) og ætlunin er að halda upp á
hana í húsinu sem Hannes Haf-
stein byggði á Grundarstíg 10. Það
hús er nú verið að endurgera. - pbb
Ævisaga Jónasar á ensku
BÓKMENNTIR Loks opnast heimur
Jónasar enskum lesendum.
1
3
5
7
9
2
4
6
8
10
Góða nótt, yndið mitt - Kilja
Dorothy Koomson
Fíasól og litla ljónaránið
Kristín Helga Gunnarsdóttir
Veröld sem var - kilja
Stefan Zweig
Bankster - kilja
Guðmundur Óskarsson
Póstkortamorðin - kilja
Liza Marklund/J. Patterson
Meiri hamingja
Tal Ben-Shahar
Risasyrpa - Í grænum sjó
kilja - Walt Disney
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
17.03.10 - 23.03.10
Sálmabók
Skálholtsútgáfan
Loftkastalinn sem hrundi -
kilja - Stieg Larsson
Þegar kóngur kom - kilja
Helgi Ingólfsson