Fréttablaðið - 24.04.2010, Blaðsíða 72
24. apríl 2010 LAUGARDAGUR
timamot@frettabladid.is
GEIR JÓN ÞÓRISSON FÆDDIST
ÞENNAN DAG ÁRIÐ 1952.
„Maður verður að hafa
kraftinn á milli fótanna,
finnst mér, og komast leið-
ar sinnar almennilega.“
Geir Jón Þórisson er yfirlög-
regluþjónn hjá lögreglunni á
höfuðborgarsvæðinu. Hann
er sérlegur áhugamaður um
mótorhjól og meðlimur í mót-
orhjólaklúbbnum Trúboð-
unum, samtökum kristinna
bifhjólamanna.
Írsku sjálfboðaliðarnir gerðu
vopnaða uppreisn gegn bresk-
um yfirráðum á Írlandi 24. apríl.
Uppreisnin er frægasta tilraun
herskárra írskra lýðveldissinna
til að ná fram sjálfstæði Írlands
með valdi. Patrick Pearse fór
fyrir hópnum sem náði yfirráð-
um á aðalpósthúsinu og lýstu
yfir sjálfstæði Írlands. Næsta
morgun höfðu þeir náð yfir-
ráðum víðast hvar um borgina.
Bretar brutu uppreisnina á bak
aftur 29. apríl. Pearse og fleiri
voru líflátnir. Vopnuð átök héldu
áfram eftir uppreisnina og fögn-
uðu Írar sjálfstæði 1922. Sex
sýslur í norðurhluta landsins eru
þó enn undir stjórn Bretlands.
ÞETTA GERÐIST: 24. APRÍL 1916
Páskauppreisnin hófst
ÁTÖK Þjóðernissinnar innan Írska
lýðveldishersins, IRA, héldu áfram
baráttunni fyrir sjálfstæði Írlands.
Allir nemendur í hópum fullorðinna í
Myndlistarskóla Mosfellsbæjar eiga
verk á vorsýningu í Hraunhúsum, Völu-
teig 6 í Mosfellsbæ. Þau eru valin af
kennurum skólans og gefa góða hug-
mynd um þau fjölbreyttu viðfangsefni
sem fólkið hefur verið að spreyta sig
á.
Sýningin verður opin til sunnudags-
ins 2. maí nema á mánudag. Opið er
flesta daga frá klukkan 11 til 17 og
á fimmtudögum klukkan 22. Sunnu-
daginn 25. apríl kl. 15 munu kennar-
arnir, þær Anna Gunnlaugsdóttir,
Soffía Sæmundsdóttir og Þuríður Sig-
urðardóttir, verða með leiðsögn um
sýninguna.
Myndlistarskóli Mosfellsbæjar fagn-
aði 10 ára afmæli sínu á síðasta ári og
á þeim áratug, sem hann hefur starfað,
hafa fjölmargir stundað þar myndlist-
arnám, bæði börn og fullorðnir. Skóla-
stjórinn, Ásdís Sigurþórsdóttir, kennir
barna- og unglingahópum en hún hefur
einstakt lag á að ná til unga fólksins og
virkja áhuga þess og sköpunargleði.
Hraunhús er frumkvöðla- og sprota-
hús, þar er hönnunarverslun og kaffi-
hús og um helgina 24. og 25. apríl verð-
ur þar einnig handverksmarkaður.
- gun
Fjölbreytt list í Hraunhúsum
VORSÝNING Einbeitingin er mikil hjá nem-
endum og skilar sér í verkin.
„Hér er einfaldlega verið að lýsa sam-
félaginu í nærmynd á hverjum tíma og
breytingum sem fylgdu stórum við-
burðum,“ segir Sigurður Bogi Sæv-
arsson um nýútkomna bók sína, Fólk
og fréttir, sem ber undirtitilinn Fjöl-
miðlamenn og málin sem mörkuðu skil.
„Ég valdi að ræða við fjölmiðlafólk
sem hafði verið á vettvangi atburða og
sýna fram á hvernig það og umfjöllun
um það hefði haft áhrif til lengri tíma.
Allt eru þetta mál sem ég vissi um og
eru þess virði, að mínum dómi, að setja
þau í samhengi við þjóðfélagsþróun-
ina,“ segir hann. „Ég man til dæmis
hvernig lifnaði yfir samfélaginu í kjöl-
far þess að Rás 2 hóf útsendingar 1983.
Það kom nýr taktur.“
Glíma við skriftir eru bæði atvinna
og áhugamál Sigurðar Boga sem er
blaðamaður og kveðst rekinn áfram
af ástríðu fyrir starfinu. Hann hefur
skrifað þúsundir greina og viðtala í
blöð og tímarit en þetta er hans fyrsta
bók. „Að vísu hefur alls konar efni
frá mér skolað inn í aðrar bækur en
þessi er mitt einkaframtak,“ segir
hann brosandi. Sem eru orð að sönnu
því hann tók viðtölin og margar mynd-
anna, aflaði heimilda í aukaefni, gefur
bókina út og dreifir henni. „Ég hafði
skýrar hugmyndir um hvernig ég vildi
hafa hlutina og langaði að fylgja þeim
eftir,“ segir hann. „Þetta tók eitt ár en
ég er búinn að ganga með hugmyndina
lengi,“ upplýsir hann.
Í bókinni Fólk og fréttir segir
Gerður Kristný frá tilurð bókarinnar
Myndin af pabba – Saga Thelmu, sem
opnaði umræðu um kynferðislega mis-
notkun á börnum; Annar viðmælandi
er Gunnar V. Andrésson sem hefur
myndað fjóra forseta lýðveldisins og
fylgst með ferli þeirra; Árni Gunn-
arsson var á vígaslóð í Víetnam á sjö-
unda áratugnum; Kári Jónasson segir
frá æfingaferðum tunglfara til Íslands
og birtir myndir sem hann tók í fylgd
þeirra; Steinunn Ásmundsdóttir var á
vaktinni þegar mestu framkvæmdir
Íslandssögunnar stóðu yfir á Austur-
landi; Kristinn Hrafnsson hefur sitt-
hvað reynt í ferðum sínum til Írak;
Finnbogi Hermannsson og Benedikt
Sigurðsson lýsa ógnaratburðunum á
Vestfjörðum 1995 þegar snjóflóð urðu
mörgum að aldurtila og Þorgeir Ást-
valdsson og Páll Þorsteinsson voru
fremstir í flokki þegar Rás 2 og frjáls-
ar útvarpsstöðvar hófu starfsemi sína.
Þá segir Hjálmar Sveinsson útvarps-
maður frá umfjöllun um Hrunið og
mál sem voru í deiglunni í aðdraganda
þess. Auk viðtala er gluggað í fjölmiðla
og bætt inn alls konar fróðleik um
þessi tilteknu efni.
Viss mál grípa Sigurð Boga sterkt að
eigin sögn. „Ég var til dæmis að skrifa
áhrifamikinn þátt um ferð Árna Gunn-
arssonar, síðar alþingismanns, til Víet-
nams á stríðstíma þegar ég sá auglýsta
ferð þangað og dreif mig,“ nefnir hann
sem dæmi. „Því birtast í bókinni spán-
nýjar myndir frá landinu eins og það
lítur út nú.“ gun@frettabladid.is
SIGURÐUR BOGI SÆVARSSON BLAÐAMAÐUR: GEFUR ÚT SÍNA FYRSTU BÓK
Ég er rekinn áfram af ástríðu
BLAÐAMAÐUR OG RITHÖFUNDUR „Ég valdi að ræða við fjölmiðlafólk sem hafði verið á vettvangi atburða og sýna fram á hvernig það og
umfjöllun um það hefði haft áhrif til lengri tíma,“ segir Sigurður Bogi. FRÉTTABLAÐIÐ/GVA
Hjartans þakkir fyrir auðsýnda samúð,
vináttu og hlýhug við andlát og útför
okkar ástkæra,
Björns Árnasonar
kennara, Bakkavör 14, Seltjarnarnesi.
Þökkum innilega þeim sem önnuðust hann af hlýju og
fagmennsku í veikindunum. Starfsfólki líknardeildar
LSH í Kópavogi sendum við sérstakar þakkir fyrir ein-
staka umhyggu.
Guðrún Haraldsdóttir
Haraldur, Arnar og Brynjar Björnssynir
Árni Jónsson Gisela Schulze
Ingunn G. Árnadóttir Stefán Pétursson
Ingveldur Dagbjartsdóttir
Magnús Haraldsson Sigríður Gunnarsdóttir
Kristín Haraldsdóttir, Haukur Örvar Pálmason
Okkar innilegustu þakkir til allra
þeirra sem sýndu okkur samúð og hlý-
hug við andlát eiginmanns míns , föður
okkar, tengdaföður og afa,
Ingvars Þorgilssonar,
fyrrverandi flugstjóra,
Vogatungu 19, Kópavogi .
Sérstakar þakkir til starfsfólks á Hjúkrunarheimilinu
Sunnuhlíð í Kópavogi fyrir góða umönnun og hlýju.
Guð blessi ykkur öll.
Inga Thorlacius
Ágústína Ingvarsdóttir Kristinn Sigtryggsson
Haraldur Ingvarsson Nanna K Árnadóttir
Þorgils Ingvarsson Hólmfríður Benediktsdóttir
og barnabörn.
Ástkær móðir okkar, tengdamóðir,
amma og langamma,
Vilhelmína S. Jónsdóttir,
Arnarhrauni 5, Hafnarfirði,
verður jarðsungin frá Hafnarfjarðarkirkju
mánudaginn 26. apríl kl. 11.00.
Þórarinn Smári Steingrímsson Elínbjörg Stefánsdóttir
Jónína Steiney Steingrímsdóttir Helgi Ívarsson
Anna Pálsdóttir Ólafur Ingi Tómasson
barnabörn og barnabarnabörn.
Haukur Hafsteinn
Gíslason
rakari,
lést á Sjúkrahúsi Akraness
þriðjudaginn 20. apríl 2010 og
Hanna Þóranna
Samúelsdóttir
húsmóðir,
lést á Sjúkrahúsi Akraness, mið-
vikudaginn 21. apríl 2010.
Foreldrar okkar, tengdaforeldrar,
dóttir mín, afi, amma, langafi og
langamma.
Bryndís G. Hauksdóttir Hauth Ólafur G. Gunnarsson
Ellý Hauksdóttir Hauth Jón Viðar Gunnarsson
Gísli Friðrik Hauksson Ragnheiður K. Óladóttir
Samúel Smári Hreggviðsson Sigríður Kr. Jóhannsdóttir
Ólafur Magnús Hreggviðsson
Guðgeir Veigar Hreggviðsson Sigrún Gestsdóttir
Margrét Dögg Hreggviðsdóttir Hallgrímur Sigurðsson
Margrét Hannesdóttir
barnabörn og barnabarnabörn.