Fréttablaðið - 24.04.2010, Blaðsíða 88
52 24. apríl 2010 LAUGARDAGUR
KÖRFUBOLTI Sigurður Þorvaldsson
hefur spilað frábærlega með Snæ-
fellsliðinu í undanförnum þremur
leikjum þar sem hann hefur skor-
að 25,7 stig að meðaltali í leik, hitt
úr yfir 60 prósent skota sinna og
sett niður 89,3 prósent vítanna.
Sigurður eignaðist strák 14.
apríl síðastliðinn og fæðing son-
arins virðist hafa heldur betur
kveikt í kappanum því áður en
hann kom í heiminn var Sigurður
„bara“ með 14,7 stig að meðaltali
og 44 prósent skotnýtingu í fyrstu
sex leikjum úrslitakeppninnar.
Sigurður skoraði meðal annars
28 stig í oddaleiknum á móti KR
og svo 29 stig í sigrinum mikil-
væga á móti Keflavík í öðrum leik
lokaúrslitanna á fimmtudaginn.
- óój
Snæfellingurinn Sigurður Þorvaldsson í úrslitakeppninni:
Sjóðheitur síðan
sonurinn fæddist
SIGURÐUR ÞORVALDSSON Hefur spilað
vel með Snæfelli. FRÉTTABLAÐIÐ/ARNÞÓR
Tölur úr úrslitakeppni
Áður en sonurinn fæddist
Stig í leik: 14,7
Skotnýting: 44,0%
3ja stiga skotnýting: 22,7%
Vítanýting: 81,0%
Eftir að sonurinn fæddist
Stig í leik: 25,7
Skotnýting: 60,5%
3ja stiga skotnýting: 60,0%
Vítanýting: 89,3%
Mætum öll
FÓTBOLTI Sama hver úrslitin verða
í viðureign Manchester Unit-
ed og Tottenham í dag er ljóst að
þau munu hafa stór áhrif á titil-
baráttuna. United er einu stigi á
eftir Chelsea og þarf nauðsynlega
á sigri að halda. Flestir gera ráð
fyrir því að Chelsea taki sigur á
morgun gegn Stoke en aðeins þrjár
umferðir eru eftir af deildinni.
Tottenham hefur gert Englands-
meisturunum greiða síðustu vikur
með því að vinna bæði Arsenal og
Chelsea. „Tottenham hefur ekki
haft á svona sterku liði að skipa
síðan ég tók til starfa hér,“ sagði
Sir Alex Ferguson, stjóri United, á
blaðamannafundi í gær.
„Harry [Redknapp] hefur gert
frábæra hluti með liðið. Ég var að
sjálfsögðu hæstánægður með úrslit
þeirra gegn Arsenal og Chelsea.
Þeir voru frábærir í þeim leikjum
og hefðu vel getað unnið stærri
sigra. Ég býst við stórskemmtileg-
um leik eins og oftast þegar þessi
tvö lið mætast.“
Ferguson tjáði sig meira um
andstæðingana en hann er vanur
á fundinum. „Þeir eru að berj-
ast um fjórða sætið svo ég reikna
með þeim dýrvitlausum. Wil-
son Palacios er mikilvægur leik-
maður fyrir þá og Luda Modric,
Tom Huddlestone og Gareth Bale
verða í stórum hlutverkum. Það
má búast við að Harry stilli upp í
4-4-2 en mér gæti skjátlast. Hann
gæti verið að horfa á þetta viðtal
og ákveður kannski að spila ekki
með neinn frammi!“
Leikur þessara liða á Old
Trafford í fyrra er eftirminnilegur.
Þá hafði Tottenham tveggja marka
forskot í hálfleik en tapaði á end-
anum 5-2. Aaron Lennon verður á
varamannabekknum hjá Totten-
ham í dag eftir fjögurra mánaða
fjarveru vegna meiðsla. Palacios
snýr aftur eftir leikbann og Jerm-
aine Jenas og Ledley King ættu
einnig að vera klárir í slaginn.
Tottenham vonast eftir hjálp úr
óvinsælli átt í dag. Liðið er sem
stendur í hinu eftirsótta fjórða
sæti sem gefur þátttökurétt í
Meistaradeildinni. Erkifjendurnir
í Arsenal eiga leik gegn Manchest-
er City síðdegis en City er stigi á
eftir Tottenham og gerir tilkall til
fjórða sætisins.
Af leikmannamálum United er
það helst að frétta að varnarmenn-
irnir Rio Ferdinand og Wes Brown
snúa aftur í liðið eftir meiðsli en
Owen Hargreaves er ekki leikfær.
- egm
Tottenham hefur lagt Arsenal og Chelsea á síðustu vikum en nú er komið að heimsókn á Old Trafford:
Munu meistararnir líka liggja í valnum?
PAUL SCHOLES Getur skorað sitt 150.
mark fyrir United ef hann þenur net-
möskvana í dag. NORDICPHOTOS/GETTY
KÖRFUBOLTI Keflvíkingar sömdu í
gær við Nick Bradford sem mun
spila með liðinu það sem eftir
lifir úrslitakeppninnar í Iceland
Express-deild karla. Staðan í ein-
vígi liðsins við Snæfell um Íslands-
meistaratitilinn er jöfn, 1-1, en
liðin mætast í Keflavík í dag.
Ákveðið var að leita til Brad-
fords eftir að í ljós kom að Drael-
on Burns gæti ekki spilað meira
með Keflvíkingum þar sem hann
er með skaddað liðband í ökkla.
Snæfellingar skiptu einnig um
bandarískan leikmann hjá sér
í vikunni eftir að Sean Burton
meiddist. Þá kölluðu þeir til Jeb
Ivey sem var staddur í Finnlandi
og lagði á sig langt og strangt
ferðalag til að komast í tæka tíð
fyrir leikinn í Stykkishólmi á
fimmtudagskvöldið.
„Það kom í ljós í hádeginu í dag
að Draelon væri ekki heill. Lið-
böndin voru verr farin en við ótt-
uðumst og hann gat varla stigið í
fótinn. Hann var sárþjáður
eftir síðasta leik,“ sagði
Guðjón Skúlason, þjálf-
ari Keflavíkur, við
Fréttablaðið í gær-
kvöldi.
„Það var því aug-
ljóst að hann gat
ekki spilað meira
enda sást á honum
í síðustu leikjum
hvernig komið var
fyrir honum. Hann er
búinn að vera duglegur að harka af
sér en nú gat hann ekki meir.“
Guðjón segir að þetta sé engin
draumastaða fyrir hans lið. „Það
er frekar fúlt að þurfa að standa í
þessu núna. Við hefðum alveg getað
sleppt þessu enda er það engin
töfralausn að fá nýjan leikmann í
liðið á þessum tímapunkti.“
Bradford er þó Keflvíkingum
vel kunnugur enda lék hann með
liðinu í tvö ár. Guðjón var til að
mynda að þjálfa liðið þegar hann
kom fyrst til landsins. Bradford
var svo á mála hjá Grindavík í
fyrra og Njarðvík í vetur.
„Það er þó ákveðinn styrkur
fólginn í því að fá einhvern sem
þekkir vel til og er góður. Fyrst
það stóð til boða að fá hann
gerðum við það,“ sagði Guð-
jón.
Sjálfur sagði Bradford að
hann hefði ekki átt von á
því að fá símtal frá Keflavík
þegar hann vaknaði í gær.
„Nei, ég var að bíða
eftir því að heyra
hvenær ég myndi
fara aftur heim,“
sagði hann. „Mér
finnst auðvit-
að mjög leiðin-
legt fyrir bæði
D raelon og
Sean að meið-
ast á þessum
tímapunkti en
ég nýt þess út í
ystu æsar að spila
körfubolta og þekki
þar að auki vel til í
Keflavíkurliðinu.
Ég er því spenntur
fyrir því að fá að taka þátt í þessu
verkefni.“
Og hann var ánægður með að
hafa ekki þurft að fara jafn langa
leið og Jeb Ivey gerði á fimmtu-
daginn.
„Nei, þó svo að dagurinn hjá mér
hafi tekið óvænta stefnu er það ekk-
ert samanborið við það sem hann
þurfti að ganga í gegnum,“ sagði
hann og hló. eirikur@frettabladid.is
Engin töfralausn að fá Nick
Keflvíkingar urðu fyrir áfalli í gær þegar endanlega kom í ljós að Draelon
Burns mun ekki spila meira með liðinu í úrslitakeppninni vegna meiðsla. Kefl-
víkingar leituðu þá til Nicks Bradford sem lék með Njarðvík í deildinni í vetur.
BURNS ÚT
Meiddist á versta tíma og getur
ekki spilað meira á tímabilinu.
FRÉTTABLAÐIÐ/VILHELM
BRADFORD INN Byrjaði í Keflavík, fór svo
í Grindavík, þá í Njarðvík og er nú aftur
kominn í Keflavík. FRÉTTABLAÐIÐ/VILHELM
FÓTBOLTI Mario Balotelli, leikmað-
ur Inter, hefur beðið stuðnings-
menn liðsins afsökunar á hegðun
sinni eftir leikinn gegn Barce-
lona í undanúrslitum Meistara-
deildar Evrópu í vikunni.
Inter vann glæsilegan 3-1 sigur
en það skyggði á gleðina að Balo-
telli þótti sýna afar óíþrótta-
mannslega hegðun gagnvart
stuðningsmönnum liðsins og
grýtti svo treyju sinni í grasið.
„Ég vil biðja alla afsökunar á
hegðun minni á þriðjudagskvöld-
ið,“ skrifaði Balotelli á heimasíðu
sinni. „Þegar ég fór inn á völlinn
og heyrði blístrin og öskrin frá
áhorfendum missti ég stjórn á
skapinu. Ég skildi ekki hvað hafði
gerst og grýtti treyjunni frá mér
í reiðikasti.“ - esá
Mario Balotelli hjá Inter:
Biðst afsökunar
á hegðun sinni
REIÐUR Mario Balotelli í leikslok á
þriðjudaginn. NORDIC PHOTOS/AFP
FRJÁLSAR „Ég nenni ekki að keppa
í 400 metra hlaupi líka. Það eru
margir sem vilja að ég keppi líka
í þeirri grein en ég vil það ekki.
En ef það er það sem þarf til að ég
verði goðsögn í íþróttinni þá geri
ég það bara.“
Þetta sagði Jamaíkumaðurinn
Usain Bolt við fjölmiðla í gær en
hann er sem kunnugt er heims-
metshafinn í báðum spretthlaups-
greinunum, 100 og 200 m hlaup-
um. „Það er mjög erfitt að æfa
fyrir 400 metrana. Afar erfitt,“
bætti Bolt við.
Hann sló eftirminnilega í
gegn á Ólympíuleikunum í Pek-
ing þegar hann vann gull og setti
heimsmet í báðum spretthlaups-
greinunum. Hann gerði svo enn
betur á HM í Berlín í fyrra þegar
hann stórbætti metin sín í báðum
greinum. - esá
Usain Bolt:
Nenni ekki í
400 metrana
USAIN BOLT Bregður hér á leik á golfvell-
inum. NORDIC PHOTOS/GETTY
FÓTBOLTI Pep Guardiola, knatt-
spyrnustjóri Barcelona, segir að
vikan sem er fram undan hjá lið-
inu sé gríðarlega mikilvæg fyrir
tímabilið sem senn fer að ljúka.
„Þetta er úrslitavika fyrir
okkur. Við þurfum að hafa trú á
því sem við erum að gera og gef-
ast ekki upp,“ sagði Guardiola á
blaðmannafundi í gær.
Barcelona mætir Xerez í
spænsku úrvalsdeildinni í dag en
liðið á í harðri baráttu við Real
Madrid á toppnum.
„Xerez hefur ekki tapað í
þremur leikjum í röð og við þurf-
um að taka liðið mjög alvarlega,“
sagði Guardiola en í næstu viku
mætir Barcelona svo Inter frá
Ítalíu í heimsókn í síðari viður-
eign liðanna í undanúrslitum
Meistaradeildar Evrópu.
„Það verður mjög erfitt að
hugsa ekki um þann leik. Við
verðum bara að halda áfram og
treysta á að við búum yfir nægi-
lega miklum andlegum styrk til
að geta gert það.“ - esá
Pep Guardiola:
Úrslitavika hjá
Barcelona
GUARDIOLA Kröftugur á hliðarlínunni í
leik með Barcelona. NORDIC PHOTOS/AFP