Fréttablaðið - 24.04.2010, Blaðsíða 85
LAUGARDAGUR 24. apríl 2010 49
Sjónvarpsmaðurinn og tónlistarframleið-
andinn Simon Cowell hefur aukið auðæfi
sín um 45 milljónir punda á undanförnu
ári. Nema þau nú 165 milljónum punda,
eða um 32 milljörðum króna. Þetta kemur
fram á árlegum lista dagblaðsins The
Sunday Times yfir ríkasta fólkið í breska
tónlistarbransanum.
Cowell er þekktastur sem hinn eitil-
harði dómari í hæfileikaþáttunum The X-
Factor og American Idol. Helming auðæfa
sinna hefur hann grætt fyrir sjónvarps-
vinnu sína á undanförnum tveimur árum.
Annar dómari í X-Factor, Cheryl Cole, jók
einnig auðæfi sín mikið á síðasta ári, eða
um tíu milljónir punda.
Í efsta sæti á listanum lenti Edgar
Bronf man, formaður útgáfufyrirtækisins
Warner Music, sem er jafnframt í 25. sæti
yfir ríkustu menn Bretlands. Eigur hans
eru metnar á 1,6 milljarða punda, eða
rúma 300 milljarða íslenskra króna.
Athygli vekur að Ronnie Wood, gítar-
leikari Rolling Stone, dettur út af topp
fimmtíu listanum. Auðæfi hans nema
nú 20 milljónum punda en námu áður 35
milljónum. Ástæðan fyrir því er rándýr
skilnaður hans við eiginkonu sína til 24
ára, Jo, á síðasta ári eftir að upp komst
um framhjáhald hans.
Bítlarnir fyrrverandi, Paul McCartney
og Ringo Starr, komust aftur á móti á
lista 50 efstu manna. Auðæfi McCartneys
nema 475 milljónum punda en Ringo
er aðeins neðar með 140 milljónir í
vasanum.
Ákveðið hefur verið að breyta
nýjustu kvikmynd M. Night Shy-
amalan, The Last Airbender, í
þrívíddarmynd. Tæknilið vinnur
nú hörðum höndum við að breyta
myndinni fyrir frumsýningu henn-
ar 2. júlí. Þessi ákvörðun kemur
ekki á óvart því nánast önnur hver
mynd í Hollywood er gefin út í þrí-
vídd eftir velgengni Avatar.
Brellumeistararnir Haukur
Karlsson og Jóhannes Sverrisson
störfuðu við myndina þegar hluti
hennar var tekinn upp á Græn-
landi í fyrra. Hún er byggð á vin-
sælum teiknimyndum í japönskum
manga-stíl og verður athyglisvert
að sjá hver útkoman verður.
Airbender í
þrívídd
SHYAMALAN M. Night Shyamalan frum-
sýnir The Last Airbender í júlí.
Hljómsveitin Quadruplos sem
er skipuð þeim Magnúsi Birki
Skarphéðinssyni og Tómasi Þór-
arni Magnússyni hefur sent frá
sér sína fyrstu plötu. Sveitin
hefur verið starfandi í núverandi
mynd í um eitt ár og hefur á þeim
tíma getið sér gott orð sem ein
kröftugasta tónleikasveit lands-
ins á sviði raf- og danstónlistar.
Nýja platan inniheldur átta fjör-
ug lög sem ættu að falla vel í
kramið á dansgólfum landsins í
sumar. Næstu tónleikar Quadru-
plos verða í plötubúðinni Havaríi
í Austurstræti í dag klukkan 16.
Fyrsta plata
Quadruplos
FYRSTA PLATAN Quadruplos er skipuð
þeim Magnúsi Birki og Tómasi Þórarni.
RÍKUR Eigur Idol-dómarans Simons Cowell nema um 32
milljörðum króna og ætti hann því að eiga fyrir salti í grautinn
á næstunni.
Simon Cowell græðir á tá og fingri
Kvikmyndagagnrýnandinn Roger
Ebert og eiginkona hans mættu
í viðtal til Ophru Winfrey og
ræddu meðal annars um baráttu
Eberts við krabbamein. Í kjölfar
veikindanna missti Ebert getuna
til að tala og tjáir sig aðeins með
rituðu máli. Hann og eiginkona
hans, Chaz, hafa verið gift í átján
ár.
„Þegar ég giftist Roger vissi ég
hversu yndislegur hann er. Það er
erfitt að finna mann eins og hann
og þess vegna vildi ég ekki missa
hann. Ég neitaði að gefa upp bar-
áttuna,“ sagði Chaz í viðtalinu.
Neituðu að
gefast upp