Fréttablaðið - 27.05.2010, Blaðsíða 2
2 27. maí 2010 FIMMTUDAGUR
HVERAGERÐI Orlof húsmæðra í
Árnes- og Rangárvallasýslu efndi
í fyrra til tveggja orlofsferða
fyrir húsmæður. Alls nam kostn-
aður vegna starfseminnar 3,2
milljónum króna á því ári og er
sveitarfélögum á svæðinu, lögum
samkvæmt, ætlað að greiða tæpar
1,6 milljónir af því.
Reikningur vegna húsmæðra-
orlofsins var sendur Hveragerðis-
bæ og ræddur þar á síðasta fundi
bæjarráðs sem lýsti furðu sinni
á því að boðuð lagabreyting þar
sem orlofsgreiðslur þessar eru
lagðar af skuli ekki hafa náð
fram að ganga.
„Samkvæmt upplýsingum frá
lögmanni Sambands íslenskra
sveitarfélaga er þingmannafrum-
varp um málið komið á dagskrá
Alþingis en það hefur ekki enn
hlotið samþykki. Fá sveitarfélög
ef nokkur gerðu ráð fyrir greiðsl-
um vegna orlofs húsmæðra árið
2010 og Hveragerðisbær er þar
á meðal,“ segir í bókun bæjar-
ráðsins sem síðan tekur fram
að greinilegt sé að greiða verði
reikninginn.
Lögin gera ráð fyrir því að
konur sem veita eða hafa veitt
heimili forstöðu án þess að fá
fyrir það greitt eigi rétt á að
sækja um orlof. Til að standa
straum af því skuli sveitarfélög
leggja fram peninga.
Ferðirnar tvær sem húsmæð-
urnar í Árnes- og Rangárvalla-
sýslu fóru í fyrra voru farnar í
júní og september. Í fyrri ferð-
inni gistu 38 konur í þrjá daga á
Hótel Laka í Landbroti og mis-
munandi staðir voru skoðaðir,
allt frá Dyrhólaey til Hornafjarð-
ar. Seinni ferðin var svokallað
hvíldarorlof í fjóra daga þar sem
þrjátíu konur gistu á Hótel Hvols-
velli og í Smáratúni í Fljótshlíð.
Konurnar skoðuðu merka staði
og nutu víða leiðsagnar fróðra
manna. Á kvöldin undu þær sér
við skemmtan á borð við bingó,
rímur og harmónikkuleik að
ógleymdri kvennasöngsveitinni
Hot Babes.
„Á föstudag kvöddum við svo
alsælar með skemmtilega og til-
breytingarríka dvöl og þakklát-
ar öllu því ágæta fólki sem hlut
átti að máli,“ segir í skýrslu rit-
ara kvennanna um hvíldarorlofið
í september.
Í reikningum sem sendir voru
Hveragerðisbæ kemur fram að
sjálfar greiddu konurnar samtals
tæplega 1,2 milljónir króna fyrir
ferðirnar tvær. gar@frettabladid.is
Óvæntur reikningur
fyrir húsmæðraorlof
Bæjarráð Hveragerðis er ósátt við að þurfa að greiða hlut í 1,6 milljóna króna
reikningi vegna orlofs húsmæðra í Árnes- og Rangárvallasýslu. Ráðið gagnrýnir
að Alþingi hafi ekki komið því í verk að leggja af orlofsgreiðslur til húsmæðra.
DYRHÓLAEY Orlofsferðir húsmæðra í Árnes- og Rangárvallasýslu í fyrra báru konurn-
ar allt frá Hvolsvelli að Höfn í Hornafirði. Meðal þess sem þær tóku sér fyrir hendur
var að aka í rútu í Dyrhólaey, fræðast um Skaftárelda og skoða hafnargerðina í
Landeyjum.
er heildar-
kostnaður við
húsmæðraorlof
í Árnes- og
Rangárvallasýslu.
Sveitarfélögin á svæðinu
þurfa greiða tæpar 1,6 millj-
ónir af þessari upphæð.
3,2
milljónir
STJÓRNMÁL Innan borgarstjórnar-
hóps Samfylkingar er mikið rætt
um að Steinunn Valdís Óskarsdóttir,
þingmaður flokksins, eigi að segja
af sér þingmennsku, að sögn Hjálm-
ars Sveinssonar, sem er í fjórða
sæti listans.
Hjálmar var spurður á Útvarpi
Sögu á þriðjudag hvort honum fynd-
ist að Steinunn ætti að segja af sér
og tekur fram að hann hafi ekki
haft frumkvæði að umræðunni.
„Ég svaraði bara undanbragða-
laust og sagði það sem mér finnst,
að það sé óhjákvæmilegt að hún geri
þetta. Hins vegar væri það lúalegt
af okkur borgarstjórnarframbjóð-
endum að fara að krefjast þess núna
rétt fyrir kosningar, og ekki okkar
hlutverk. Hún hlýtur að komast að
þessari niðurstöðu sjálf. Það tekur
sinn tíma og ég spái því að það sé
ekkert mjög langt í að það ger-
ist, án þess að ég hafi heimild-
ir fyrir því,“ segir hann.
Aðspurður segist Hjálm-
ar ekki sjá nein merki þess að
þetta gerist fyrir kosningar á
laugardag.
Spurður hvort sama eigi að
gilda um Dag B. Eggertsson,
oddvita Samfylkingarinnar í
borginni, segir Hjálmar þar ólíku
saman að jafna. Dagur hafi þegið
ríflega fimm milljónir, og takmark-
að styrki við 500 þúsund krónur frá
hverjum. Að sjálfsögðu sé enginn
stikkfrír, en Dagur sé hæfur
til að leiða listann.
Steinunn Valdís segist
þegar hafa skýrt afstöðu
sína til þessa máls. Ekkert
samhengi sé milli gjörða
hennar og styrkjanna.
Afstaða hennar sé óbreytt.
- kóþ, bj
„Óhjákvæmilegt“ segir frambjóðandi Samfylkingar í borgarstjórnarkosningunum:
Steinunn Valdís segi af sér
HJÁLMAR SVEINSSON
Árni, er búið að slá skjaldborg
um þitt heimili?
„Nei, ætli það nokkuð. Ekki frekar
en annarra.“
Kvikmyndin Backyard, í leikstjórn Árna
Sveinssonar, vann áhorfendaverðlaun
heimildarmyndahátíðarinnar Skjaldborgar
sem fram fór á Patreksfirði um liðna
helgi.
UMHVERFISMÁL Sigurvegari í spar-
aksturskeppni Félags íslenskra
bifreiðaeigenda (FÍB) og Atlants-
olíu sem fram fór í gær eyddi
2,93 lítrum á hverja 100 kíló-
metra. Afrekið vann Margeir K.
Eiríksson á Volkswagen Polo,
árgerð 2010, með 1,6 lítra dísilvél.
Alls tóku fimmtán bílar frá sex
bílaumboðum þátt. „Aldrei áður
hefur náðst eins góður árangur
en tveir bílar eyddu minna en 3,0
lítrum af eldsneyti á hundraðið,“
segir á vef Atlantsolíu. Í öðru
sæti var Friðrik Þór Halldórsson
á Skoda Octavia, árgerð 2009.
Eknir voru rúmir 140 kílómetr-
ar, upp Mosfellsdal, meðfram
Þingvallavatni, framhjá Selfossi
og Þrengslin til Reykjavíkur. - óká
Fimmtán kepptu í sparakstri:
Besti árangur-
inn hingað til
SPARAKSTUR Í gær var haldin fimmta
árvissa sparaksturskeppni FÍB og Atl-
antsolíu. MYND/ATLANTSOLÍA
LÖGREGLUMÁL Vegfarendum á
Suðurlandsbraut varð hverft við
þegar lögreglumenn á bílum og
vélhjólum dreif að byggingu Hótel
Nordica upp úr klukkan hálf þrjú í
gær. Lögregluliðið safnaðist fljót-
lega saman á bílastæðinu að baki
hótelinu. Almennir borgarar sem
urðu vitni að atganginum áttu
erfitt með að koma auga á glæp-
inn í öllu saman enda hafði enginn
glæpur verið framinn.
„Við erum bara að æfa okkur
fyrir sumarið,“ útskýrði einn lög-
reglumaðurinn þegar hann kom á
vettvang. Fyrr um daginn höfðu
lögreglumennirnir æft forgangs-
akstur á Reykjanesbraut. - gar
Lögreglumenn á æfingum:
Undirbúa sig
fyrir sumarið
ALLT Í PLATI Hópur lögreglumanna við
Hótel Nordica var á æfingu en ekki að
eltast við glæpamenn.
EVRÓPUMÁL Samtökin Sterkara
Ísland – þjóð meðal þjóða stend-
ur fyrir tveimur fræðslufundum,
öðrum um laun, kaupmátt og rétt-
indi og hinum um það sem kallað
er viðskiptaáætlun Íslands.
Á fyrri fundinum, í kvöld, fjall-
ar Halldór Grönvold, aðstoðar-
framkvæmdastjóri ASÍ, um aðild
Íslands að ESB með hliðsjón af
hagsmunum launafólks. Næsta
fimmtudag fjallar Gísli Hjálm-
týsson, framkvæmdastjóri Thule
Investments, um þróun íslensks
atvinnulífs næstu ár og hvaða
máli aðild skiptir. - sh
Samtökin Sterkara Ísland:
Ræða um Evr-
ópu og atvinnu
VIÐSKIPTI Helstu hlutabréfavísitöl-
ur í kauphöllum í Asíu og Evrópu
leituðu upp á við í gær. Netútgáfa
Börsen segir fjárfesta hafa séð
tækifæri í hagstæðu gengi eftir
verðfall síðustu daga.
Hagtölur í Bandaríkjunum,
sérstaklega 40 prósenta vöxtur
framleiðslu og aukin eftirspurn,
gáfu góð fyrirheit, að sögn AP-
fréttastofunnar. Engu að síður
sigu vísitölur vestra síðdegis
líkt og undanfarna sjö viðskipta-
daga. Dow Jones-vísitalan endaði
í 9.974 stigum. - jab
Helstu markaðir réttu við sér:
Sumir sjá tæki-
færi í fallinu
STJÓRNMÁL Fulltrúar C-listans í Grímsnes- og Grafn-
ingshreppi gagnrýna utankjörfundaratkvæða-
greiðslu á Sólheimum í Grímsnesi í dag.
Hörður Óli Guðmundsson, efsti maður á C-listan-
um, bendir á að Guðmundur Ármann Pétursson, for-
stöðumaður Sólheima, sé í 2. sæti á K-listanm, hinu
framboðinu í sveitarfélaginu. Hörður segir heimilis-
menn á Sólheimum vera um tólf prósent kjósenda.
Hann telji að þeir eigi að mæta á almennan kjörstað.
Hörður kveðst telja K-listann njóta forskots með
atkvæðagreiðslunni á Sólheimum. „Auðvitað stóla
heimilismenn á Sólheimum á sitt fólk og treystir því
og trúir í öllu og er svolítið undir þeirra verndar-
væng,“ segir hann.
Guðmundur Ármann Pétursson segir langa hefð
fyrir utankjörfundaratvæðagreiðslum á Sólheimum.
Þær séu hugsaðar til þess að heimilsfólkið þar hafi
traust tækifæri til að neyta kosningaréttar síns.
Guðmundur spyr hvort þeir sem vinni á dvalar-
heimilum aldraðra eða annars staðar þar sem fram
fer utankjörfundaratvæðagreiðsla séu þess vegna
vanhæfir til pólitískrar þátttökustarfa. „Ég get ekki
séð að listinn sem ég er á njóti einhvers forgangs
þótt íbúar í sömu byggð og ég njóti kosningaréttar,“
segir forstöðumaðurinn.
Þess má geta að fulltrúar C-listans kærðu utan-
kjörfundaratkvæðagreiðslu á Sólheimum fyrir fjór-
um árum en félagsmálaráðuneytið úrskurðaði að
úrslitin stæðu. - gar
Efsti maður á C-lista gagnrýnir utankjörfundaratkvæðagreiðslu á Sólheimum:
Segir keppinauta njóta forskots
SÓLHEIMAR Heimilismenn eiga þess kosta að greiða atkvæði
utankjörfundar á Sólheimum í dag líkt og í sveitarstjórnarkosn-
ingum fyrir fjórum árum.
VIÐSKIPTI Búist er við að eignir
Landsbanka Íslands dugi fyrir 89
prósentum forgangskrafna, þar
á meðal krafna vegna Icesave.
Þetta var haft eftir Lárentsínusi
Kristjánssyni, formanni skila-
nefndar bankans í kvöldfréttum
Stöðvar tvö í gær.
Kynna á kröfuhöfum nýtt verð-
mat á eignum Landsbankans
fyrir hádegi í dag. Haft var eftir
Lárentsínusi að áætlanir skila-
nefndarinnar haldi og að „eigna-
safnið hafi ekki súrnað“ frá síð-
asta verðmati. - óká
Eignir fara upp í níu tíundu:
Fundað með
kröfuhöfum
SPURNING DAGSINS
Samþykkjum
aldrei fátækt
Vi
ns
tri
hr
ey
fin
gi
n
- g
ræ
nt
fr
am
bo
ð
vil
l b
ei
ta
sé
r f
yr
ir
ró
ttæ
ku
m
þjóðfélagsumbótum almenningi til hagsbóta, hefja vernd náttúru og umhverfis til vegs á Íslandi og treysta byggð um
allt land. // sjá m
eira á w
w
w
.vg.is/stefna/
Kynntu þé
r
málið á vg
.is
Andrea Hjálmsdóttir
VG Akureyri