Fréttablaðið - 27.05.2010, Blaðsíða 66

38 27. maí 2010 FIMMTUDAGUR
sport@frettabladid.is
15 DAGAR Í HM
Bjarni Þórður Halldórsson var ekki ánægður með vítaspyrnudóm-
inn og rauða spjaldið sem hann fékk á sig í leiknum gegn Selfossi á
þriðjudaginn. Sævar Þór Gíslason, sem var liðsfélagi Bjarna hjá
Fylki, fiskaði vítið og spjaldið eins og hann orðaði sjálfur.
„Þetta var snerting, það var alveg klárt. Ég steig inn í hann og
það kom snerting,” sagði Sævar við Vísi eftir leikinn og bætti svo
við á Rúv: „Ég var bara klókur og sótti vítið.“ Selfoss skoraði úr
vítinu, jafnaði í 2-2, sem urðu lokatölur leiksins.
Bjarna var ráðlagt að fara ekki í viðtöl eftir leikinn,
enda var hann orðinn ansi pirraður. Hann fór varlega í
að tjá sig í gær þegar Fréttablaðið sló á þráðinn til hans.
„Vandamálin og leyndardómarnir gefa lífinu gildi en
sannleikurinn og skýringarnar gera það snauðara,“
sagði Bjarni djúpur. „Þetta er Guðbergur.“
En hvað um atvikið? „Ég tek hendurnar frá og
leggst niður, ég finn ekki snertingu,“ sagði Bjarni en
Sævar féll með tilþrifum og voru uppi skiptar skoðanir
um hvort um víti væri að ræða eða ekki.
„Síðan ef við tökum það líka fyrir, það sem Sævar lætur hafa eftir
sér eftir leikinn. Hann segir „ég fiskaði þetta, ég stíg inn í hann og
sæki vítið“. Hversu heiðarlegt er það? Að stíga inn í liggjandi mann
sem getur ekkert hreyft sig eða farið neitt,“ sagði Bjarni og bætti
við: „Af hverju er það ekki gult spjald fyrir hann eins og rautt fyrir
mig? Í staðinn fæ ég bann fyrir enga snertingu finnst mér,“ sagði
markmaðurinn.
Hann tók nokkur dæmi um markmenn sem fengu gul
spjöld fyrir svipuð brot, til að mynda þegar Hannes Þór Hall-
dórsson markmaður Fram braut á Gilles Ondo í leik Fram
og Grindavíkur í þriðju umferð en hann fékk gult spjald
fyrir það brot.
„Það þarf að leggja línu, hvenær á að gefa rautt og
hvenær ekki,” sagði Bjarni og bætti við:
„Mér þykir alltaf vænt um Sævar Þór Gíslason samt,“ sagði
Bjarni glettinn eftir allt.
BJARNI ÞÓRÐUR HALLDÓRSSON: FÉKK RAUTT SPJALD OG VÍTI Á SIG FYRIR MEINT BROT Á FYRRUM LIÐSFÉLAGA.
Mér þykir alltaf vænt um Sævar Þór Gíslason
Ungverjar settu markamet þegar þeir skoruðu 27 mörk í
5 leikjum á HM í Sviss 1954 (5,4 í leik) en þeim tókst þó
ekki að verða heimsmeistarar. Ungverjar töpuðu úrslita-
leiknum, 2-3, á móti Vestur-þjóðverjum. Ungverska liðið
var aðeins undir í sex mínútur í allri keppn-
inni og það var síðustu sex mínúturnar
í úrslitaleiknum eftir að Helmut Rahn
hafði skorað sigurmark þýska liðsins á
84. mínútu. Ungverjar voru búnir að spila
31 leik í röð án taps fyrir úrslitaleikinn eða
alla leiki sína frá árinu 1950.
FÓTBOLTI Ómar Jóhannsson, mark-
vörður Keflvíkinga, verður frá
í að minnsta kosti fjórar vikur.
Hann er tognaður á vöðva fram-
an á lærinu. „Þetta er mjög slæm
tognun,“ segir Willum Þór Þórs-
son, þjálfari liðsins.
Keflvíkingar hafa þegar talað
við KSÍ og ætla að fá markmann
til sín á svokölluðu neyðarláni.
Árni Freyr Ásgeirsson kom inn á
fyrir Ómar í leiknum gegn KR og
stóð sig vel en hann er aðeins 18
ára. Auk hans er einn markmað-
ur í þriðja flokki til staðar.
„Þetta er full mikil ábyrgð á
hendur þeim tveim,“ sagði Will-
um. - hþh
Ómar Jóhannsson frá í mánuð:
Vilja markmann
að neyðarláni
FRÁ Í MÁNUÐ Ómar er meiddur á lær-
vöðva. FRÉTTABLAÐIÐ/DANÍEL
FÓTBOLTI Lúkas Kostic var í gær
rekinn sem þjálfari Grindavíkur-
liðsins eftir fjórða tapið í jafn-
mörgum leikjum í Pepsi-deild
karla. Grindvíkingar hafa nú
annað árið í röð skipt um þjálfara
eftir aðeins nokkra leiki á Íslands-
mótinu. Í fyrra hætti Milan Stef-
án Jankovic með liðið eftir aðeins
þrjá leiki en þá líkt og nú var liðið
stigalaust á botni deildarinnar.
Þetta er heldur ekki í fyrsta sinn
sem Grindavík skiptir um þjálfara
á miðju tímabili á undanförnum
árum því þetta er í fjórða sinn á
sex árum sem það gerist.
Leikmenn Grindavíkur voru í
fríi í gær en ekki er ákveðið hver
stýrir æfingu í dag. Grindvíkingar
hófu leit að nýjum þjálfara í gær-
kvöldi á stjórnarfundi. „Við erum
bara á byrjunarreit,“ sagði formað-
urinn Þorsteinn Gunnarsson.
Hringt var í leikmenn Grinda-
víkur í gær og þeir látnir vita af
ákvörðun stjórnarinnar. „Við virð-
um þessa ákvörðun bara og verð-
um að horfa bjartir fram á veg-
inn,“ sagði Orri Freyr Hjaltalín,
fyrirliði. „Lúkas er drengur góður
og hann lagði sig allan fram fyrir
félagið.“
Þrálátur orðrómur um óánægju
meðal leikmanna í garð Lúkas-
ar hefur gengið lengi. „Sumir eru
ósáttir við hann, aðrir eru bara
ánægðir. Það er eins og gengur
og gerist,“ sagði Orri. Næsti leik-
ur liðsins er á móti Íslandsmeist-
urum FH í Kaplakrika á mánu-
daginn kemur en þar vann liðið í
fyrra einn sinn stærsta sigur undir
stjórn Lúkasar Kostic.
Þetta er ekki í fyrsta skipti sem
Lúkasi er sagt upp eftir aðeins
nokkra leiki á öðru ári. Það varð
sem dæmi allt vitlaust í KR fyrir
þrettán árum þegar hann var rek-
inn sem þjálfari liðsins eftir aðeins
fimm leiki. Leikmenn KR fóru þá
í verkfall í þrjá daga og meðal
þeirra voru þrír núverandi þjálfar-
ar í Pepsi-deild karla, Heimir Guð-
jónsson (FH), Ólafur Kristjánsson
(Breiðabliki) og Guðmundur Bene-
diktsson (Selfossi). - óój, hþh
Grindavík búið að skipta um þjálfara á miðju tímabili í fjórða sinn á sex árum:
Kostic rekinn frá Grindavík í gær
LÚKAS KOSTIC Grindavík vann 6 af 23 leikjum
undir hans stjórn 2009-2010.
FÓTBOLTI Það fer fram heil umferð
í Pepsi-deild kvenna í kvöld og
stórleikur kvöldsins er fyrir
norðan þegar Þór/KA tekur á
móti toppliði Vals í uppgjöri
tveggja efstu liða deildarinnar.
Valskonur hafa ekki tapað stigi
eða fengið á sig mark síðan þær
mættu einmitt Þór/KA síðast.
Þór/KA vann þá 2-1 sigur á Hlíð-
arenda en Valskonur hafa frá
þeim leik unnið
6 deildarleiki
í röð, hald-
ið marki sínu
hreinu í 540
mínútur og
skorað 29
mörk í röð án
þess að mót-
herjar hafi
náð að svara.
- óój
Pepsi-deild kvenna í kvöld:
Ná þær aftur
að stoppa Val?
FÓTBOLTI Diego Maradona, þjálf-
ari argentínska landsliðsins, er
tilbúinn að gera allt fyrir heims-
meistaratitil, meira að segja að
koma nakinn fram.
Maradona gaf athyglisvert lof-
orð í útvarpsviðtali daginn eftir
leikinn sem var síðasti æfinga-
leikur liðsins fyrir HM. „Ef við
vinnum HM þá mun ég hlaupa
nakinn í kringum Obelisk,” sagði
Maradona en Obelisk er minnis-
varði í miðbæ höfuðborgarinnar
Búenos Aíres og einn þekktasti
staður borgarinnar. - óój
Maradona, þjálfari Argentínu:
Hleypur nak-
inn vinnist HM
FRÁBÆRT VERÐ
Hlíðasmára 13, Kóp - S. 554 0400
FULLT VERÐ
69.900
49.900
Er frá Þýskalandi
FÆST EINNIG HJÁ
ORMSSON -
ÁRVIRKINN SELFOSSI
MODEL AKRANESI
RADÍÓNAUST AKUREYRI
GEISLA Í EYJUM
viðargrind
Mjög öflugt
grill fyrir Íslenskar
aðstæður
SANYL
ÞAKRENNUR
• RYÐGA EKKI
• PASSA Í GÖMLU RENNUJÁRNIN
• STANDAST ÍSLENSKT VEÐURFAR
• AUÐVELDAR Í UPPSETNINGU
• ÓDÝR OG GÓÐUR KOSTUR
HANDBOLTI Íslenska kvennalandslið-
ið þarf að bíða þar til á laugardag-
inn til þess að tryggja sér sögulegt
sæti í lokakeppni EM eftir þriggja
marka tap fyrir Frökkum, 24-27, í
Laugardalshöllinni í gærkvöldi.
Jafntefli hefði dugað íslenska
liðinu til að tryggja farseðilinn og
um tíma leit allt út fyrir að frá-
bær barátta og mikill vilji væri að
skila liðinu á EM en þær frönsku
voru sterkari í lokin og tryggðu sér
nauman sigur.
Íslensku stelpurnar gáfu allt sitt
í leikinn og sýndu mikinn styrk
með því að gefast ekki upp þegar
á móti blés og franska liðið virt-
ist vera að stinga af. Íslenska liðið
skoraði fimm mörk í röð um miðj-
an seinni hálfleik og komst yfir í
leiknum en tókst ekki að halda út á
móti einu besta liði í heimi.
„Mér fannst við betri aðilinn á
löngum köflum, við vorum líka
með betri samstöðu og betri liðs-
heild,” sagði sársvekkt Anna
Úrsúla Guðmundsdóttir eftir leik.
„Við spiluðum góðan varnarleik
og þetta var góður leikur af okkar
hálfu. Nú förum við bara út í nótt
og tökum þessar Austurríkisgell-
ur!” sagði Anna ákveðin. „Þær eru
vanari því að spila stóra leiki og
þetta reddaðist einhvernveginn
hjá þeim. Svona er handboltinn
upp og niður og þessar tölur segja
ekki neitt,” sagði Anna sem var
sérstaklega svekkt að hafa brennt
af færinu á lokamínútunni. „Það
sem einkennir Íslendinga er bar-
áttuvilji, það skiptir ekki máli hvar
við spilum, við trúum alltaf að við
getum unnið. Íslenska hjartað er
sterkt, það er einn möguleiki í við-
bót og við ætlum að nýta hann,”
sagði Anna.
Frakkar náðu fjögurra marka
forskoti í fyrri hálfleik og aftur í
seinni hálfleik en íslensku stelp-
urnar komu sér í bæði skipt-
in aftur inn í leikinn. Stelpurn-
ar spiluðu frábærlega á þrettán
mínútna kafla um miðjan seinni
hálfleik sem vannst 7-2. Íslenska
liðið komst þá yfir í leiknum í 19-
18. Hanna Guðrún Stefánsdóttir,
sem átti frábæran leik gær, skor-
aði fimm mörk á þessum kafla.
Íslenska liðið hélt þó ekki forskot-
inu lengi og franska liðið var með
frumkvæðið á lokakaflanum.
Fyrirliðinn Rakel Dögg Braga-
dóttir var gríðarlega svekkt í leiks-
lok. „Þetta er ógeðslega grátlegt að
ná ekki að jafna þetta. Þetta er leið-
inlegt. Mér fannst við alveg geta
unnið þennan leik. Það sem fór
með okkur var að klikka á dauða-
færum og við gerðum of mörg
mistök í sókninni. Við erum með
gott lið og við höfum verið að taka
miklum framförum. Þessi hópur á
heima á stórmóti. Það er svekkj-
andi að klára þetta ekki í kvöld en
ef við vinnum Austurríki þá kom-
umst við á EM,” sagði svekkt en
ákveðin Rakel sem hrósaði áhorf-
endum fyrir stuðninginn.
ooj@frettabladid.is, hþh
Fannst við geta unnið
Íslenska kvennalandsliðið í handbolta mætir Austurríki í hreinum úrslitaleik
um sæti í lokakeppni EM eftir grátlegt tap á móti Frökkum í Höllinni í gær.
Ísland-Frakkland 24-27
Mörk Íslands (Skot): Hanna Guðrún
Stefánsdóttir 13/6 (20/8), Rakel Dögg
Bragadóttir 3 (6), Ásta Birna Gunnars-
dóttir 2 (4), Hrafnhildur Skúladóttir 2
(7), Anna Úrsúla Guðmundsdóttir 2 (3),
Berglind Íris Hansdóttir 1 (1), Rut Arnfjörð
Jónsdóttir 1(1), Rebekka Rut Skúladóttir
(1), Sunna Jónsdóttir (1), Karen Knúts-
dóttir (3), Stella Sigurðardóttir (4).
Varin skot: Berglind Íris Hansdóttir 11
(33/2, 33%), Íris Björk Símonardóttir
1(6, 17%).
FRÁBÆR LEIKUR HJÁ STELPUNUM Anna Úrsúla Guðmundsdóttir og félagar í íslenska
kvennalandsliðinu léku vel á móti silfurliði Frakka í gær. FRÉTTABLAÐIÐ/STEFÁN