Fréttablaðið - 12.06.2010, Page 36

4 FERÐALÖG
með skjalatöskur. Hins vegar er
mjög líklegt að þú finnir Belgana
utandyra – á útikaffihúsi. Belgar
sitja úti allt árið um kring þannig
að borgarlífið koðnar aldrei niður.
Á veturna draga þeir bara hita-
svepp úti á stétt og halda áfram
að sötra bjórinn. Brussel er full
af útikaffihúsum og í kringum eitt
aðaltorg Brussel, Grand Place,
má finna ótal slíka staði. Grand
Place er æðislegt torg sem á sér
merka byggingarsögu en torgið
er á Heimsminjaskrá UNESCO.
Annað hvert ár þekja garðyrkju-
menn torgið með blómum yfir eina
helgi og búa til alls konar mynst-
ur og myndir. Þessar blómahátíðir
eru oft tileinkaðar þekktum Belg-
um, svo sem belgískum arkitekt-
um og listamönnum. Mörg belg-
ísk nöfn eru heimsþekkt í þeim
efnum og Belgar stoltir af þeirri
arfleifð sinni sem sjá má í ótal
lista- og hönnunarsöfnum. Ferða-
menn eiga þess kost að skoða arki-
tektúr Victors Horta, eins helsta
frumkvöðuls Art Nouveau-stíls-
ins í Evrópu, listaverk súrrealist-
ans René Magritte sem og ótrúleg
verk sjálfs Peters Pauls Rubens.
Flæmsku stóru nöfnin í listaheim-
inum eru ótal mörg.
Matarbiti á hverju horni
Matur í Brussel er sælkerafæði.
Það er himneskt að geta keypt sér
hvítan dúnmjúkan konfektmola á
stærð við hænuegg og látið hann
duga sér í klukkutímagöngu um
borgina og hver einasti Brussel-
fari þarf að tylla sér niður á heit-
um degi á útiveitingahúsi og panta
sér fat af hvítvínssoðnum kræk-
lingi, sem er eins konar þjóðar-
réttur þeirra. Íslendingar eiga
reyndar ýmislegt sameiginlegt
með Belgum þar sem Belgar eru
ein fárra þjóða sem borðar alls
kyns innmat, hjörtu, nýru og hrút-
spunga. Matarmenning þeirra á
sér reyndar mjög fjölbreytta sögu
og franskar kartöflur eru upphaf-
lega belgískar. Kramarhús, fyllt
af frönskum kartöflum með hvít-
um majónespolli í miðjunni til að
dýfa í er himneskur förunautur í
göngum, eða þá stökk vaffla með
rjóma, súkkulaði, ávöxtum og til-
heyrandi. Öllu er svo skolað niður
með belgíska bjórnum, ljósum eða
dökkum, en Belgar eru mjög stolt-
ir af framleiðslu sinni
Antík og afrískar vörur
Gott er að versla í Brussel, hvort
sem er í ódýru eða fínu dýru búð-
unum, Chanel og vinkonum henn-
ar. Mikið er um markaði, sérstak-
lega um helgar. Á Sablontorgi,
sem er eitt fallegasta svæði Brus-
sel, er hagstætt að kaupa antík-
muni, stærri sem smærri, og á
laugardögum er þar hægt að fá
antík á kílóamarkaði. Svæðið er í
raun einn allsherjar rjómatoppur
fyrir ferðalanga því mikið er um
listgallerí í kring, fallegar bygg-
ingar, styttur og minnisvarða.
Annað skemmtilegt og allt öðru-
vísi hverfi er innflytjendahverf-
ið þar sem arabískra og afrískra
áhrifavalda gætir. Á sunnudögum
er þar að finna æðislegan matar-
og textílmarkað með vörum frá
framandi slóðum. Segja má að í
Brussel finnist vörur og matur frá
öllum heimshornum
- jma
Lostæti Það dvelur enginn í Brussel án þess að smakka á hvítvínssoðnum kræklingi, belg-
ískum vöfflum, súkkulaði og alvöru frönskum kartöflum – sem Belgar uppgötvuðu manna
fyrstir.
Einstakt mannlíf Á Grand Place torgina, sem er á Heimsminjaskrá Sameinuðu þjóðanna, er líflegt mannlíf allan ársins hring, blómamarkaðir, útikaffihús
Victor Horta , einn þekktasti arkitekt heims,
þekktastur fyrir Art Nouveau-stílinn, var
Belgi. Í Brussel má meðal annars líta
stórfenglegt hótel sem hann hannaði, Hotel
Tassel, og fleiri byggingar.
FRAMHALD AF FORSÍÐU