Fréttablaðið - 12.06.2010, Qupperneq 81

LAUGARDAGUR 12. júní 2010 49
Hinn mexíkóski Guillermo del
Toro ætlar að leikstýra og skrifa
handrit nýrrar myndar um
vampírubanann Abraham Van
Helsing, höfuðandstæðing greif-
ans Drakúla. Del Toro ákvað á
dögunum að hætta við að leik-
stýra Hobbitanum vegna taf-
anna í kringum þá mynd og svo
virðist sem Van Helsing verði
næstur á dagskránni hjá honum.
Aðeins sex ár eru liðin síðan
Stephen Sommers leikstýrði
myndinni Van Helsing með
Hugh Jackman og Kate Beck-
insale í aðalhlutverkum. Hún
fékk slæmar viðtökur og talið
er að del Toro skili frá sér mun
vandaðri afurð.
Mynd um
Van Helsing
GUILLERMO DEL TORO Del Toro ætlar
að leikstýra og skrifa handritið að nýrri
mynd um Abraham Van Helsing.
Hlustendaverðlaun FM 957 voru haldin á Nasa á fimmtu-
dagskvöld. Fjölmörg kunn andlit létu sjá sig á hátíðinni,
þar á meðal söngkonan Jóhanna Guðrún sem mætti með
nýjan kærasta upp á arminn. Dikta var sigurvegari
kvöldsins með fern verðlaun.
Með nýja kærastanum á FM-hátíð
RIKKA OG AUDDI Sjónvarpsfólkið Friðrika Hjördís Geirs-
dóttir og Auðunn Blöndal veittu verðlaun.
Stutt er síðan Séð og heyrt greindi
frá því að Jóhanna Guðrún væri
kominn með nýjan kærasta. Hann
heitir Steinþór Guðjónsson og er
gítarleikari í hljómsveitunum
Perla og Bermúda. Þau héldust í
hendur á verðlaunahátíðinni og
virtist fara vel á með þeim.
Hljómsveitin Dikta stal senunni
á hátíðinni með því að hrifsa til
sín fern verðlaun. Hún var valin
besta hljómsveitin og fékk verð-
laun fyrir besta lagið, Thank You,
og bestu plötuna, Get It Together.
Haukur Heiðar Hauksson úr
Diktu var sömuleiðis valinn besti
söngvarinn.
Söngkona ársins var kjörin
Emilíana Torrini og Páll Óskar
hlaut verðlaun fyrir frammistöðu
sína á tónleikum. Þá var poppar-
inn Friðrik Dór valinn besti nýlið-
inn og rapparinn Erpur Eyvindar-
son besti sólótónlistarmaðurinn.
„Þetta gekk fínt. Það var kjaft-
fullt hús og ógeðslega góð stemn-
ing. Dikta var klárlega sigur-
vegari kvöldsins,“ segir
Svali á FM 957, sáttur við
hátíðina. - fb
MEÐ NÝJAN KÆR-
ASTA Söngkonan
Jóhanna Guðrún
á FM-hátíðinni
ásamt nýja
kærastanum.
ERPUR Rapparinn Erpur Eyvindarson
tekur á móti verðlaunum sem besti
sólótónlistarmaðurinn.
FRÉTTABLAÐIÐ/VILHELM