Fréttablaðið - 04.09.2010, Page 18

4. september 2010 LAUGARDAGUR
Á undanförnum mánuðum og árum hafa borist daprar frétt-
ir af atvinnuástandi á Suðurnesj-
um. Tekist hefur verið á um upp-
byggingu atvinnutækifæra tengdri
stóriðju og virkjunum á sama tíma
og sköpun smærri atvinnutæki-
færa lítið verið sinnt að því er séð
verður. Menn hafa beðið eftir stóra
vinningnum.
Nú virðast flest teikn á lofti um
að stóri vinningurinn muni láta bíða
eftir sér í nokkur ár að minnsta
kosti. Nú þýðir ekki lengur að sitja
með hendur í skauti og viðhalda
deilum um hvar sakar er að leita.
Nú þarf að leita nýrra kosta, og þar
þurfa allir sem vettlingi geta vald-
ið að koma að málum. Ríki, sveitar-
félög ásamt samtökum launþega og
atvinnurekenda þurfa að taka saman
höndum um að skapa íbúum á Suður-
nesjum möguleika á mannsæmandi
framtíð.
Ljóst er að tilkoma mennta- og
fræðasetursins Keilis á gamla varn-
arsvæðinu hefur lyft Grettistaki
hvað framhaldsmenntun á svæð-
inu varðar, og margir þeir sem áður
hafa horfið frá námi hafa tekið upp
þráðinn á nýjan leik. En menntun er
lítils virði ef ekki er möguleiki á að
nýta þá menntun sem fengin er. Úr
því þarf að bæta.
Mörg undanfarin ár hefur sam-
starf sveitarfélaganna verið að því
er virðist máttlaust er komið hefur
að sköpun nýrra og fjölbreyttra
atvinnutækifæra sem nauðsynleg
eru eigi blómlegt samfélag að ná að
þróast á svæðinu. Atvinnumálaskrif-
stofa er hér til að mynda engin, og
lítil sem engin áhersla verið lögð á
atvinnuþróun með heildarhagsmuni
svæðisins og íbúanna að leiðarljósi.
Þessu þarf að breyta.
Reykjanesið sem heild býr yfir
fjölmörgum ónýttum og fjölbreytt-
um möguleikum. En til þess að nýta
þá möguleika og tækifæri þarf for-
ystu. Og það er hlutverk sveitar-
félaganna og ríkisins að taka þá
forystu sameiginlega. Láta hlutina
gerast í stað þess að bíða efir því að
þeir gerist.
Nýsköpun og eftirfylgni eru þau
orð sem við íbúar á Suðurnesjum
eigum að gera að kjörorðum okkar.
Kortleggja þau tækifæri sem innan
seilingar eru, og ráða til okkar fær-
ustu sérfræðinga til þess að gera
þau að veruleika. Fjölbreyttur efna-
iðnaður sem byggir á hitanum úr
iðrum jarðar, ásamt ferðaiðnaði og
sjávarútvegsiðnaði, eru þeir mögu-
leikar sem nú þegar liggja fyrir
fótum okkar sé rétt á spilunum hald-
ið. Hver veit hvaða önnur tækifæri
eiga eftir að opnast fyrir okkur.
Ljóst er að slík hugmynd sem viðr-
uð er hér kemur til með að kosta. En
jafnframt ljóst að verði rétt að henni
staðið og af metnaði mun hún skila
árangri og bættum lífskilyrðum íbú-
anna í formi fjölbreyttra atvinnu-
tækifæra. Í þessu efni megum við
ekki láta pólitískar þrætur hvers-
dagsins rugla okkur sýn, heldur
standa saman öll sem eitt. Við eigum
að blása til sóknar á Suðurnesjum.
Sókn á Suðurnesjum
Atvinnumál
Hannes
Friðriksson
atvinnulaus íbúi í
Reykjanesbæ
Nú beinist athygli okkar að Alþingi þegar það kemur
aftur saman. Þingið er mikil-
vægasta stofnun samfélagsins og
mikið undir því komið að þar sé
vel starfað og skilað árangri. Virð-
ing almennings fyrir löggjafar-
samkundunni virðist í lágmarki
þegar rúmlega einn af hverjum
tíu eru ánægðir með vinnubrögðin
samkvæmt skoðanakönnun. Stund-
um er hlutfallið hærra. Undarlegt
má það heita að þingmenn virð-
ast ekki hafa áhyggjur af þessu.
Þingið getur aldrei orðið venjuleg-
ur vinnustaður. Eðli þingstarfa á
sér enga hliðstæðu í fyrirtækjum
eða stofnunum í þjóðfélaginu. Á
engum vinnustað öðrum skiptast
menn í tvo hópa þar sem annar
ræður en hinn gagnrýnir þann
sem ræður. Hjá þessu verður ekki
komist, þarna skipa menn sér í
meirihluta og minnihluta, ríkis-
stjórn og stjórnarandstöðu. Samt
virðist greinilegur vilji á Alþingi
að víkja frá þessum starfsháttum
og mynda samstarfshópa þessara
tveggja fylkinga um ákveðin mál.
Ég tel að þjóðin myndi fagna því
ef slík samstaða gæti náðst í stór-
um málum. Markmið beggja þess-
ara fylkinga er að ljúka málum á
farsælan hátt fyrir þjóðina, finna
leiðir til þess sem ganga upp og
þeir verða að taka gagnrýni með
jákvæðu hugarfari.
Starf í nefndum
Meginstarf þingsins er unnið í
nefndum og er greinilegt að hlut-
verk þeirra hefur vaxið að undan-
förnu. Nokkrar þeirra eru sístarf-
andi, halda fundi yfir sumarið
þegar hlé er á fundum þingsins.
Nefndirnar kalla á sinn fund hags-
munaaðila sem frumvarpið snert-
ir sem rætt er og mættu þær fá
betri lögfræðiaðstoð við þá vinnu.
Þessa fundi ætti að opna almenn-
ingi betur en gert hefur verið. Það
vekur áhuga á starfi Alþingis og
almenningur myndi átta sig betur
á hve vandasamt starfið getur
verið og vegur þingsins aukist. Á
vissum fundum nefnda yrði orðið
gefið laust áheyrendum sem gætu
spurt og komið með athugasemd-
ir. Taka mætti saman spurning-
ar fyrir nefndafundi sem reynt
yrði að svara á fundunum sem
almenningur mætti sækja. Þess-
ar spurningar eða atriði gæti
fólk fengið fyrir fundi og komið
þannig undirbúið á þingfund ætl-
aðan almenningi. Samstarf þings
og þjóðar getur birst í smækkaðri
mynd í þessu.
Landið eitt kjördæmi
Landið hefur skipst í kjördæmi
frá því Alþingi var endurreist
á 19. öld. Þau hafa verið smá og
önnur stór eftir staðháttum og
tímabilum. Ísland er ekki leng-
ur landbúnaðarsamfélag þar sem
sú atvinnugrein einkennir þjóð-
félagið. Hér er iðnaðar- og þjón-
ustusamfélag. Fjarlægðir horfn-
ar í reynd og löngu orðið eðlilegt
að líta á þetta dvergríki okkar
sem eitt kjördæmi. Þingmenn
verða hvort sem er að hugsa
heildstætt og lögin sem þeir setja
gilda um allt land. Við myndum
hætta að tala um landsbyggðar-
þingmenn og þingmenn þéttbýlis.
Togstreitan milli þessara byggð-
aeinkenna myndi minnka. Fram-
bjóðendur til Alþingis kæmu alls
staðar að og flokkarnir gættu
þess að jafnvægi þarna á milli
væri á listum þeirra við kosn-
ingar. Gamli hugsunarháttur-
inn þarf að hverfa þegar menn
segja að hneisa sé að samgöngu-
ráðherra sé ekki af landsbyggð-
inni heldur úr þéttbýli. Halda
menn að ráðherra samgöngu-
mála horfi ekki út fyrir þétt-
býli ef hann er þaðan? Getur
ekki verið að hugsunarháttur
þingmanna geti breyst við þetta
og verði stærri í sniðum og
músarholusjónarmiðum fækki?
Alþingi ætti að geta risið sem
fuglinn Fönix í nýjar hæðir og
tekið greinilega forystu um þau
málefni sem brenna á þjóðinni.
Það yrði þó varla meðan ríkis-
stjórn situr á þingi og drottnar
þar yfir skoðunum og atkvæðum.
Verður nokkur endurreisn nema
við víkjum frá þingræði? Það
verður verkefni stjórnlagaþings
að taka það til meðferðar.
Hvernig Alþingi?
Stjórnmál
Haukur
Sigurðsson
sagnfræðingur
150 fríar færslur á ári
fyrir Námufélaga
E
N
N
E
M
M
/
S
ÍA
/
N
M
4
3
0
4
9
N
B
I
h
f.
(
L
a
n
d
s
b
a
n
k
in
n
),
k
t.
4
7
10
0
8
-0
2
8
0
.
*G
ild
ir
í L
au
ga
rá
sb
íó
i,
Sm
ár
ab
íó
i,
H
ás
kó
la
bí
ói
o
g
B
or
ga
rb
íó
i m
án
.-
fim
. s
é
gr
ei
tt
m
eð
N
ám
uk
or
ti
Náman leggur námsmönnum lið með því að bjóða hagstæðari kjör,
betri yfirsýn yfir fjármálin, 2 fyrir 1 í bíó*, 150 fríar færslur á ári,
Námu A-kort með Aukakrónusöfnun auk fjölda annarra fríðinda.
NÁMAN | landsbankinn.is | 410 4000
Það er leikur að læra með Námunni.
Kíktu á Námuna á Facebook
Jón Benediktsson,
Námufélagi og nemi í stærðfræði
La
us
n:
P
rí
m
ta
la
Laugavegi 13, 101 Reykjavík
sími 515 5800, rannis@rannis.is
www.rannis.is
● Tækniþróunarsjóður heyrir undir iðnaðarráðherra og starfar
samkvæmt lögum nr. 75/2007 um opinberan stuðning við tæknirannsóknir,
nýsköpun og atvinnuþróun.
● Tækniþróunarsjóður fjármagnar nýsköpunarverkefni í samræmi við meginstefnu
Vísinda- og tækniráðs.
● Umsækjendur geta verið fyrirtæki, einstaklingar, rannsóknastofnanir og háskólar.
● Sjóðurinn veitir framlög til nýsköpunarverkefna sem eru til þess fallin að auka
samkeppnishæfni íslensks atvinnulífs.
● Forsenda fyrir aðkomu sjóðsins er að fyrir liggi vel mótuð hugmynd um hagnýtt gildi
og líklegan ávinning sem þróun viðkomandi verkefnis getur leitt til.
● Tækniþróunarsjóður hefur skilgreint þrjá verkefnisflokka og er umsækjendum
bent á að kynna sér þá, ásamt reglum um viðurkenndan kostnað, á vefsíðu sjóðsins.
Að þessu sinni gefst umsækjendum kostur á að senda inn myndband með
umsókninni til að kynna verkefnið sitt. Sjá frekar í leiðbeiningum sjóðsins.
● Umsóknarfrestur er til kl. 17.00 þann 15. september næstkomandi.
Umsóknareyðublöð og nánari upplýsingar um Tækniþróunarsjóð
eru á heimasíðu Rannís, www.rannis.is
Tækniþróunarsjóður
Hlutverk Rannís er að veita faglega aðstoð og þjónustu við undirbúning og framkvæmd
vísinda- og tæknistefnu Vísinda- og tækniráðs. Rannís er miðstöð stuðningskerfis
vísinda- og tæknisamfélagsins. Í vörslu Rannís eru opinberir samkeppnissjóðir s.s.
Rannsóknasjóður og Tækniþróunarsjóður. Rannís sér um greiningu á rannsóknum og
nýsköpun á Íslandi og gerir áhrif rannsókna og nýsköpunar á þjóðarhag og hagvöxt
sýnilegan. Rannís er miðstöð upplýsinga og miðlunar alþjóðasamstarfs vísinda- og
tæknisamfélagsins.
Styrkir til nýsköpunar
Umsóknarfrestur er til 15. september 2010
H
N
O
T
S
K
Ó
G
U
R
g
ra
fí
s
k
h
ö
n
n
u
n