Fréttablaðið - 04.09.2010, Page 36

36 4. september 2010 LAUGARDAGUR
H
austið felur í sér
talsverðar breyt-
ingar á högum
rökstólapars vik-
unnar. Auður
Alfífa, sem hefur
verið að læra hagnýta menning-
armiðlun við Háskóla Íslands,
er sest í ritstjórastól Stúdenta-
blaðsins og verður samhliða því
í kennsluréttindanámi. Karl hins
vegar rær á ný mið og fer úr
útvarpinu í Borgarleikhúsið. Það
liggur þá eiginlega beinast við
að hefja umræðurnar á því hvort
haustið leggist ekki glimrandi vel
í parið?
Fífa: Ég væri svo sem alveg til
í að bæta tveimur eða þremur
vikum við sumarið. En september
er svona „nú byrjar allt“ mánuð-
urinn. Það er bara gaman. Það er
alltaf fjör í september og gaman
á veturna, finnst mér.“
Karl: „Það væri kannski búandi á
þessu landi ef við hefðum svona
tvo mánuði í viðbót af sumri ...“
Fífa: „Í mínum vinahópi lifum við
á þeirri möntru að það sé enn þá
sumar, þótt það sé kominn sept-
ember.“
Karl: „Þetta kallast sjálfsblekk-
ing! Eins og að segja að veturn-
ir séu svo skemmtilegir og þorr-
inn svo yndislegur. Þegar það
er í raun og veru bara kalt og
blautt.“
Fífa: „Mér finnst þetta bara fínt.
Veturinn bara er, það þýðir ekk-
ert að vera að væla yfir því.“
Karl: „Nei, það er ekki eins og við
getum gert eitthvað í þessu. Við
getum ekki mótmælt!“
Slökkva ekki ljósin
Talandi um mótmæli. Ætlið þið
að taka þátt í boðuðu rafmagns-
verkfalli [spurt í gær]?
Karl: „Nei, ég ætla ekki að taka
þátt í því. Þegar fólk sameinast
um einhver mótmæli finnst mér
að það þurfi að vera eitthvert
markmið með því. Hverju er fólk
að reyna að ná fram með því að
taka rafmagnið af í nokkrar mín-
útur?
Auður: „Eins mikið og ég þoli ekki
þegar fólk sem ákveður að mót-
mæla er gagnrýnt, finnst mér eig-
inlega merkilegast að þetta skuli
ekki vera miklu róttækara. Við
þurfum ekki rafmagn alltaf. Af
hverju notar fólk ekki bara raf-
magn í 8 tíma á dag og slær það
alveg út þess á milli? Það væri
alvöru.“
Karl: „Rafmagnið er eftir sem
áður ódýrt hérna, miðað við víð-
ast hvar annars staðar. Þetta voru
bara nauðsynlegar aðgerðir. Hins
vegar eru hliðaráhrifin af þessu
slæm, til að mynda áhrifin á vísi-
töluna.“
Auður: „Já, í sjálfu sér finnst
mér ekkert agalegt að Orkuveit-
an hækki rafmagnsreikninginn.
En mér finnst ástæðan fyrir því
að það þarf að hækka hann aga-
leg.“
Besservisserar í leikhúsinu
Útvarpsþáttur Karls, Orð skulu
standa, verður ekki á dagskrá
RÚV í vetur, aðdáendum þáttar-
ins til gremju og aðstandendum
þáttarins að óvörum. Stjórnend-
ur Borgarleikhússins voru hins
vegar ekki lengi að krækja í þátt-
inn, sem verður fluttur vikulega í
vetur fyrir fullum sal fólks, gangi
áætlanir og vonir eftir.
Karl: „Þetta verður í rauninni
eins og útvarpsþátturinn, nema
með alls kyns viðbótum sem leik-
húsið hefur upp á að bjóða. Tón-
list, uppákomur og þátttaka í sal.
Þetta á fyrst og fremst að vera
notaleg og skemmtileg samveru-
stund.“
Auður Alfífa: „Mér líst vel á
þetta. Það eina sem mælir gegn
því að mæta er að maður gæti
ekki verið að tala við sjálfan sig.
Ekki sagt upphátt: „Ég er löngu
búin að fatta þetta! Ég er svo klár,
djöfull eru þau lengi að fatta þetta
...“
Karl: „Það verður reyndar þannig
að ef þau Hlín og Davíð Þór verða
eitthvað að vandræðast, og það er
augljóst að einhver úti í sal veit
svarið, þá sný ég mér auðvitað að
honum.“
Auður: „Verður þá ekki allt fullt
af besservisserum í salnum?“
Karl: „Jú ég geri ráð fyrir því.
Það er nóg pláss fyrir þá.“
Bæði rekin frá NFS
Sástu einhvern tímann þáttinn
Óþekkt á NFS, Karl?
Karl: Eitthvað rámar mig í hann
... voru ekki einhverjir gargandi
femínistar með hann?“
Auður: Jú, jú. Ég og Kristín Tóm-
asdóttir. Ertu ekki í Facebook-
grúppunni Látum Óþekkt lifa?“
Karl: Nei, ég tek ekki þátt í svona
grúppum. Það vantar svoleiðis
hjarðhegðun í mig.“
Auður: „Mér finnst alveg dásam-
legt að tilvist þessa þáttar sé rifj-
uð upp. En við vorum mjög með
puttann á púlsinum. Vorum með
feminísk viðtöl og flottar tónlist-
arkonur sem tróðu upp. Ég held
alveg örugglega að Lay Low hafi
til dæmis komið fyrst opinberlega
fram hjá okkur.“
Karl: „Já, það var synd að NFS
skyldi deyja. Þetta var skemmti-
leg sjónvarpsstöð sem opnaði alls
kyns möguleika.“
Auður: „Annars vorum við vin-
konurnar einhvern tímann með
þá pælingu í gangi að það þyrfti
fleiri feitar og ljótar konur í sjón-
varpið. Í framhaldi af því kom-
umst við að því að við værum
alveg fullkomnar fyrir útvarp
...“
Karl: „Já, útvarpið hefur eitthvað
sérstakt við sig. Það er eitthvert
látleysi og hógværð í því sem er
ekki í sjónvarpi.“
Auður: „Já, enda ert þú útvarps-
maður og mjög hógvær!“
Karl: „Ég hef reyndar líka verið í
sjónvarpi. Var með vikulega pistla
á NFS en bað Róbert Marshall að
reka mig, því mér leiddist þetta.
Þetta var hálfasnalegt, að vera
með útvarpspistla í sjónvarpi.“
Auður: „Hann hefur líka rekið
mig! Þá eigum við eitthvað sam-
eiginlegt.“
Engin sátt um þátt
Ætli það sé ekki ýmislegt fleira
sem þið eigið sameiginlegt?
Gætuð þið ekki hugsað ykkur að
vera saman með þátt einhvern
tímann?
Auður Alfífa: „Ég sé fyrir mér
mjög feminískan og beittan
útvarpsþátt.“
Karl: „Hmm ...“
Auður Alfífa: „Við værum sting-
andi á kýlum alls staðar. Þú gætir
verið svona útsendari sem kemur
þér inn í alls konar kreðsur og
þykist vera mikill pungur en ert
síðan að taka allt saman upp.
Ahaha!“
Karl: „Já, þú segir nokkuð. Þetta
er samt ekki alveg að kveikja í
mér.“
Auður Alfífa: „Nú?!“
Karl: „Ég er ekki viss um að ég
myndi vilja vera með útvarpsþátt
með einhverjum öðrum ... með
fullri virðingu fyrir þér. Ég er
bara þannig gerður að ég hef allt-
af rétt fyrir mér.“
Auður Alfífa: „Ég veit hvort sem
er ekki hversu góður díll það væri
fyrir mig og minn frama að byrja
að vera með útvarpsþátt með
manni sem er nýbúið að segja upp
á Ríkisútvarpinu!“
Tími til að skera á strenginn
Aldrei hafa fleiri snúið baki við
þjóðkirkjunni og undanfarn-
ar vikur. Hvað finnst ykkur um
kirkjumálin?
Karl: „Æ, mér finnst þetta bara
sorglegt. En um leið þörf áminn-
ing um hvað er löngu orðið tíma-
bært að skera á naflastrenginn
milli ríkis og kirkju. Láta þetta
trúfélag sjá um sig sjálft, eins og
önnur trúfélög í landinu þurfa að
gera.“
Auður: „Mér finnst áhugavert
að sjá hvernig samfélagið hefur
breyst. Það þótti miklu fleir-
um þetta óþægileg umræða um
biskupinn fyrir fimmtán árum.
Ef maður vill vera jákvæður
getur maður allavega glaðst yfir
því hvað fræðsla hefur þó skilað
miklu í þessum málaflokki. Fólk
segir fyrirgefðu hægri vinstri
og allir skammast sín í klessu.
En svo er líka merkilegt að velta
allri þessari samstöðu valdakarl-
anna fyrir sér.“
Karl: „Áttu við „æ, lentir þú í
þessu?“ samstöðuna?“
Auður: „Nákvæmlega. Hún er
náttúrlega algjörlega fríkuð. Og
ég er ekki viss um að það hafi
mikið breyst, þótt allir séu alfar-
ið á móti ofbeldi í prinsippinu er
svo oft reynt að afsaka sérstök
tilvik með gamla góða klæða-
burðar- og drykkjutalinu.“
Karl: „Það hefur nú samt margt
breyst í þeim efnum. Það ríkir
miklu meira fjölræði núna en var
á þessum tíma.“
Skítsama um reykingarnar
Úr einni valdastofnun samfélags-
ins yfir í aðra. Nú er stór hluti
borgarstjórnar kominn í reyk-
bindindi á sama tíma. Er það
ekki stórhættulegt?
Auður: „Mér er eiginlega skít-
sama hvort þetta fólk reykir eða
ekki.“
Karl: „Ekki mér. Það er ekki gott
ef hluti borgarstjórnar er í ein-
hverju ójafnvægi. Ég sting upp á
að þau byrji aftur að reykja. Að
lágmarki fram yfir afgreiðslu
fjárhagsáætlunar. Í alvöru talað.
Það er alvarlegt mál að afgreiða
fjárhagsáætlun.“
Auður: „Ég nenni nú eiginlega
ekki að gera ráð fyrir að eitthvert
svona reykleysi eða ekki reyk-
leysi hafi úrslitaáhrif á hvort
fólk vinni vinnuna sína. Fólk er
ráðið til að vinna. Reyklaust eða
ekki. Það eru allir að díla við eitt-
hvað.“
Nóg pláss fyrir
besservissera
Það kveikir ekki í tilvonandi leikhúsmanninum Karli Th. Birgissyni að hefja beitt-
an feminískan útvarpsþátt með Auði Alfífu Ketilsdóttur, nýjum ritstjóra Stúd-
entablaðsins. Fífa er hvort sem er ekki viss um að það væri gott framaskref fyrir
hana að leggja lag sitt við mann sem er nýbúið að reka frá RÚV. Hólmfríður Helga
Sigurðardóttir átti fund með rökstólapari vikunnar í verbúð tvö niðri við höfn.
REYKIR OG REYKIR EKKI Karli Th. Birgissyni þykir slæm hugmynd að fulltrúar Besta flokksins í borgarstjórn hafi tekið upp á því að
hætta að reykja, allir á sama tíma. Hann stingur upp á því að þeir hætti við að hætta, í það minnsta fram yfir afgreiðslu fjárhags-
áætlunar. Fífa er á öðru máli. Hún vill að fólk vinni bara vinnuna sína og láti hvorki reyk né reykleysi trufla sig við hana.
FRÉTTABLAÐIÐ/ANTON