Fréttablaðið - 04.09.2010, Síða 96

64 4. september 2010 LAUGARDAGUR
Miðar seldust upp á tvenna
tónleika Páls Óskars og Sin-
fóníuhljómsveitar Íslands á
nokkrum klukkustundum.
Tvennir aukatónleikar
verða haldnir til að anna
eftirspurn.
„Ég er í skýjunum yfir þessum
móttökum. Nú borgar sig bara að
fara og gera gott „show“,“ segir
Páll Óskar.
Miðar á tvenna tónleika hans með
Sinfóníuhljómsveit Íslands 4. og 5.
nóvember seldust upp á nokkrum
klukkustundum á miðvikudag og
lá símkerfi Sinfóníunnar niðri um
stund vegna of mikils álags. Ákveð-
ið hefur verið að bæta við tvennum
aukatónleikum 3. og 6. nóvember.
Á tónleikunum mun Páll Óskar
líta yfir feril sinn og syngja mörg
af sínum vinsælustu lögum, þar á
meðal Allt fyrir ástina, Þú komst
við hjartað í mér, Ég er eins og ég
er, TF-Stuð og nýja lagið, Það geta
ekki allir verið Gordjöss.
Þessa stundina liggja Páll Óskar,
Þórir Baldursson, Samúel J. Sam-
úelsson og tónskáldið Haraldur
Sveinbjörnsson yfir útsetningum
laganna. „Þetta er farið að hljóma
mjög skemmtilega. Við erum að
búa til Las Vegas-útgáfur af þess-
um lögum. Það stefnir í að þetta
verði 70% diskó og 30% ballöður.
Þetta verða mjög grand lög sem
hæfa Sinfóníuhljómsveit Íslands
mjög vel,“ segir Palli.
„Þetta er stærsta verkefni sem
ég hef nokkurn tímann komið
nálægt. Þess vegna ákvað ég að
velja lög sem maður hefur sung-
ið mikið en líka nota tækifærið
og taka lög sem ég hef ekki fengið
tækifæri til að syngja eins mikið.
Það er til dæmis mjög langt síðan
ég hef sungið Anyone Who Had a
Heart og Góða nótt,“ segir hann og
bætir við að hörpuleikarinn Mon-
ika verði gestur á tónleikunum.
Eins og áður sagði verður Las
Vegas-stíllinn í hávegum hafður á
tónleikunum. „Það kallar á mikil
búningaskipti og við ætlum líka
að nota öll leikhúsmeðulin sem
eru til í bókinni. Við ætlum að nota
videóskjái líka,“ útskýrir Palli.
Aftur á móti er óvíst hvort tónleik-
arnir verða teknir upp með útgáfu í
huga, enda er kostnaðurinn við það
töluverður.
„Ég er bara ofsa ánægður. Úr því
að viðbrögðin eru svona sterk get
ég lofað ykkur því að þetta verður
mjög skemmtilegt „show“. Ég ætla
virkilega að gera mitt besta.“
freyr@frettabladid.is
VEGAS-STÍLL HJÁ
PALLA OG SINFÓ
UNDIRBÝR STÓRTÓNLEIKA Páll Óskar Hjálmtýsson undirbýr stórtónleika með Sinfón-
íuhljómsveit Íslands sem verða haldnir í byrjun nóvember. FRÉTTABLAÐIÐ/GVA
Samkvæmt tímaritinu Forbes er
leikarinn Shia LaBeouf sá leik-
ari sem skilar mestum pening-
um í kassann til kvikmyndafram-
leiðenda. Fyrir hvern dollara
sem framleiðslufyrirtækin eyða í
LaBeouf fá þau 81 dollara aftur
í kassann og þykir hinn ungi
leikari því vera góð fjárfesting
um þessar mundir. Í öðru sæti
er leikkonan Anna Hathaway,
en fyrir hvern dollara sem
hún fær greiddan skilar hún
64 dollurum aftur í hagnaði
fyrir framleiðendur.
Aðrir sem komust á listann
eru Daniel Radcliffe, Robert
Downey Jr., Cate Blanchett,
Meryl Streep og Jennifer
Aniston. Athygli vekur að
hvorki Angelina Jolie né
Brad Pitt komust á list-
ann og ekki heldur neinn
leikaranna úr Twilight
kvikmyndaröðinni
sem er ein sú vin-
sælasta í dag.
Shia skilar hagnaði
SHIA LABEOUF
Skilar mestum
peningum inn til
kvikmyndaframleið-
enda í dag.
DANIEL RADCLIFFE
sheimaskólinnlj
Vegur til andlegs þroska og þekkingar
eða
FYRIR
229 KRÓNUR
FÆRÐ ÞÚ:
frábæra skemmtun í
heilan sólarhring fyrir
alla fjölskylduna
Stöð 2, Stöð 2 Bíó og Stöð 2 Extra
kosta aðeins 229 krónur á dag.
Tryggðu þér áskrift í dag!
vhs spólu í
kolaportinu
Öll stílbrigði !
Fyrir byrjendur á öllum aldri og lengra komna
Gítarkennsla er okkar fag !