Fréttablaðið - 02.10.2010, Blaðsíða 26

26 2. október 2010 LAUGARDAGUR
H
átt á annað þúsund
manns mættu til
harðra mótmæla
á Austurvelli í
gær þegar Alþingi
var sett með guðs-
þjónustu í Dómkirkjunni klukk-
an hálf tvö. Mótmælendur brutu
rúður í Dómkirkjunni og hentu
eggjum að þingmönnum og öðrum
þeim sem gengu til guðsþjónustu
og neyddist fólk til að fara bak-
dyramegin inn í Alþingishúsið.
Mótmælendur hentu eggjum og
öðrum matvælum í Alþingishúsið.
Friðrik Smári Björgvinsson, yfir-
maður rannsóknardeildar lögregl-
unnar, gat ekki skilgreint hvort
mótmælin væru friðsamleg eður
ei.
„Ætli þetta sé ekki eitthvað mitt
á milli,“ segir hann. Friðrik segir
hátt í hundrað lögreglumenn hafa
verið niðri á Austurvelli. Lögregl-
an brýndi fyrir mótmælendum að
ef ekki færi allt friðsamlega fram
yrði hún tilneydd að beita pipar-
úða, en ekki kom til þess. Geir
Jón Þórisson yfirlögregluþjónn
sagðist skilja að fólk væri reitt og
nauðsynlegt væri í svona málum
að finna sameiginlega línu á milli
mótmælenda og lögreglu.
„Út með ruslið“, „Vanhæf rík-
isstjórn“ og „Vanhæft Alþingi“
ómaði yfir Austurvelli frá klukk-
an eitt og stóðu mótmælin í rúma
þrjá klukkutíma. Einstaka mót-
mælendur köstuðu glerflösk-
um og lítill hópur fólks kveikti
bál. Fyrsti þingfundur var settur
klukkan fjögur og tók þá fólk að
tínast burt.
sunna@frettabladid.is
Skömmum rigndi yfir þingið
Atburðir frá janúar 2009 endurtóku sig við setningu Alþingis í gær. Fjöldi fólks var saman kominn á Austurvelli og lýsti andúð sinni á
stjórnmálamönnum. Forseti, þingmenn og gestir gengu undir fúkyrðaflaumi og eggjahríð frá Dómkirkjunni að bakdyrum Alþingis.
MARGMENNI MÓTMÆLIR Á AUSTURVELLI Hátt á þriðja þúsund manns mætti til mótmæla þegar Alþingi var sett klukkan tvö í gær. Flestir efndu til friðsamlegra mótmæla en
þó var eggjum og öðrum matvælum kastað af afli á húsið, þingmenn og lögreglu. Um hundrað lögreglumenn mættu til mótmælanna. FRÉTTABLAÐIÐ/PJETUR
BEYGLUÐ BÚSÁHÖLD Margt er líkt með ástandinu sem ríkti á Austurvelli í gær og því sem var í janúar 2009
þegar búsáhaldabyltingin stóð sem hæst. Fólkið segir ríkisstjórnina enn á ný vanhæfa. FRÉTTABLAÐIÐ/PJETUR
GENGIÐ ÚR KIRKJU Nokkrir kirkjugestir urðu fyrir eggjakasti á
leið sinni úr guðsþjónustunni í gær FRÉTTABLAÐIÐ/GVA
GENGIÐ INN BAKDYRAMEGIN Forseti, biskup og þingmenn neyddust til að fara bakdyramegin inn í Alþing-
ishúsið eftir guðsþjónustu í Dómkirkjunni til að forðast eggjakast og fúkyrði almennings. FRÉTTABLAÐIÐ/GVA
BÁLIÐ BRENNUR Töluvert var um litlar brennur í mótmælunum þar sem fólk kveikti í
rusli og öðru tiltæku en lögreglan náði að slökkva eldana jafn skjótt og þeir voru tendr-
aðir. FRÉTTABLAÐIÐ/VILLI
„Þetta er í fyrsta sinn í sögunni sem heill þingflokkur
mætir ekki á þingsetningu. Þau hin eru inni að borða
snittur og skála með fína liðinu í erlendu sendinefnd-
unum.“
„Það væri yfirgangur við þjóðina að boða ekki til
kosninga strax.“
Þór Saari, þingmaður Hreyfingarinnar
„Við skiljum fólk.“
Geir Jón Þórisson, yfirlögregluþjónn
„Það á að draga þetta út á eyrunum og reykhreinsa
Alþingi. Einhver annar verður að reka þetta land.“
Lúðvík Lúðvíksson, mótmælandi
„Það vantar hundrað alvöru íslenska víkinga hingað
á völlinn til þess að sýna fólkinu sem stjórnar þessu
landi að svona hlutir gangi ekki. Það þýðir ekki að
byggja upp nýtt Ísland með sama gamla hugsunar-
hættinum.“
Daði Savic, mótmælandi
„Öryggisverðir Landsbankans, ekki lögreglan, slógu
mig í gólfið og hentu mér út,“
Alma Guðmundsdóttir, mótmælandi
AF AUSTURVELLI