Fréttablaðið - 02.10.2010, Blaðsíða 100
52 2. október 2010 LAUGARDAGUR52
menning@frettabladid.is
KLASSÍK Í KIRKJUHVOLI Hallveig Rúnarsdóttir sópransöngkona og Gerrit Schuil píanóleikari flytja verk eftir Hugo Wolf
og Hector Berlioz í Kirkjuhvoli, safnaðarheimili Vídalínskirkju í Garðabæ klukkan 16 á morgun.
Kvikmyndin Brim segir frá því þegar ung
kona ræður sig sem háseta á fiskveiðibát
þar sem fyrir er harðger og samheldinn
hópur karla. Smám saman kemur í ljós
að plássið sem hún fékk losnaði vegna
hörmulegra atburða og vera hennar um
borð fer illa í áhöfnina. Sjóferðin tekur
hins vegar óvænta stefnu með þeim
afleiðingum að þessi sundurleiti hópur
þarf að láta innbyrðisátök sitja á hakanum
og standa saman í baráttu gegn náttúru-
öflunum.
Með helstu hlutverk fara Ólafur Egill
Egilsson, Nína Dögg Filipusdóttir, Ingvar
E. Sigurðusson, Gísli Örn Garðarsson,
Björn Hlynur Haraldsson, Ólafur Darri
Ólafsson, Víkingur Kristjánsson og Nanna
Kristín Magnúsdóttir.
Það gengur ekki að gera
sjóaramynd sem er greini-
lega plat – allra síst á
Íslandi, segir Árni Ólafur
Ásgeirsson, leikstjóri kvik-
myndarinnar Brim sem
verður frumsýnd í kvöld.
Hann kveðst hafa heillast
af hinum kunnuglega en
um leið framandi heimi sjó-
mennskunnar.
Kvikmyndin Brim byggir á sam-
nefndu verðlaunuðu leikriti Jóns
Atla Jónassonar, sem leikhópur-
inn Vesturport setti upp í leik-
stjórn Hafliða Arngrímssonar.
Fyrir nokkrum árum afréð Vest-
urportshópurinn að gera mynd
eftir verkinu og var Árni Ólafur
Ásgeirsson, sem áður hafði gert
myndina Blóðbönd, fenginn til að
leikstýra. Tökur fóru fram fyrir
rúmum tveimur árum og hefur
myndin verið í eftirvinnslu síðan.
Árni segir gerð myndarinnar þó
ekki hafa verið neina þrauta-
göngu.
„Það spilaði auðvitað inn í að
Ísland hrundi í millitíðinni en fyrst
og fremst vildum við vanda okkur.
Sagan er það flókin að við vildum
gefa okkur góðan tíma til að klippa
myndina. Þetta var tímafrek vinna
sem útheimti öðru fremur þolin-
mæði.“
Berskjaldað fólk úti á ballarhafi
Brim gerist úti á sjó; fjallar um
sjö manneskjur um borð í báti sem
rekur vélarvana meðan stormur
nálgast. Árni Ólafur segist fyrst
og fremst hafa heillast af fjöl-
breyttu og litríku persónugall-
eríi.
„Þetta er fólk sem er mjög
auðvelt að samsama sig við og
umhverfið býður líka upp á að
karaktereinkennin skíni sterkt
í gegn. Fólk verður mjög ber-
skjaldað þegar það er einangrað
úti á ballarhafi; dæmt til að vera
saman hvort sem því líkar betur
eða verr. Mér fannst mjög áhuga-
vert að vinna með það konsept;
þetta er mjög sammannleg saga,
sem gæti þó eiginlega hvergi gerst
nema úti á sjó.“
Fjarlægur heimur sjómennskunnar
Strax í upphafi var ákveðið að
reyna að gera umhverfi myndar-
innar eins raunsætt og hægt var,
sem þýddi að tökur þurftu að fara
fram um borð í skipi og tækni-
brellum þyrfti að halda í lág-
marki. Þótt aðstæður hafi verið
krefjandi segir Árni tökur hafa
gengið vonum framar.
„Við renndum dálítið blint í sjó-
inn – bókstaflega. En við vorum
með sjómenn og áhöfn um borð
sem lóðsuðu okkur um og sögðu
okkur til.
Sjómennskan er heimur sem ég
þekkti lítið til og það heillaði mig.
Þetta er svo stór hluti af okkar
samfélagi og menningararfleifð
en samt er þetta flestum fjarlæg-
ur heimur. Við reyndum því að
undirbúa okkur vel; fórum á sjó
og töluðum við aragrúa sjómanna
í þeim tilgangi að gera þetta eins
trúverðugt og hægt var. Það geng-
ur ekki að gera sjóaramynd sem
er greinilega plat – allra síst á
Íslandi.
Frábært að vinna með Vesturporti
Árni Ólafur ber samstarfinu við
Vesturport vel söguna.
„Þetta er ótrúlega flottur og dug-
legur hópur. Sterkir persónuleikar
þannig að það var mikið rifist og
mikið hlegið. Þau áttu líka svo stór-
an hlut í þessum persónum þegar
ég kom til sögunnar því þau höfðu
þegar sett upp leikritið. Mitt hlut-
verk var að heimfæra það yfir á
hvíta tjaldið.“
Hann segir það ekki hafa verið
auðvelt að koma utan að inn í svo
samrýmdan hóp og Vesturport er.
„Þvert á móti, það var mjög
spennandi og ég held að það hafi
gert öllum gott að fá einhvern með
nýtt sjónarhorn. Þetta var líka nýtt
fyrir mér að vinna í svona „fusion“-
samstarfi og kenndi mér margt.“
Krefjandi og lærdómsríkt
Á heildina litið segir Árni að að frá-
taldri fyrstu myndinni sem hann
gerði í kvikmyndaskóla, hafi hann
ekki lært jafn mikið af nokkurri
mynd og af Brimi.
„Það eru nokkrar ástæður fyrir
því. Í fyrsta lagi er þetta svonefnd
„ensamble“-mynd; það eru sjö per-
sónur og jafnmargar sögur sem
fléttast saman. Uppbyggingin er
óheðfbundin að því leytinu til og það
er mjög krefjandi að halda utan um
svona mörg brot sem þurfa samt að
mynda eina heild.
Í öðru lagi var auðvitað ótrú-
lega krefjandi að vinna við þessar
aðstæður. Hafið er ekki hentugur
staður fyrir kvikmyndatökur. Það
var heilmikill skóli. Vonandi er ég
orðinn betri leikstjóri fyrir vikið.
Fær í flestan sjó.“
bergsteinn@frettabladid.is
RENNDUM BLINT Í SJÓINN
ÁRNI ÓLAFUR ÁSGEIRSSON „Við reyndum því að undirbúa okkur vel; fórum á sjó og töluðum við aragrúa sjómanna í þeim
tilgangi að gera þetta eins trúverðugt og hægt var. Það gengur ekki að gera sjóaramynd sem er greinilega plat.“ FRÉTTABLAÐIÐ/ANTON
FLJÓTANDI AÐ FEIGÐARÓSI
FJÖREGG
Barnamenning
í Norræna húsinu
Vinsælustu
fjölskyldusýningu
ársins lýkur um helgina
Viltu nokkuð missa af
Tilraunarlandinu?
Tilraunaland Norræna hússins og Háskóla Íslands
hefur slegið í gegn hjá fjölskyldum landsins frá
opnun í apríl. Í Tilraunalandinu kynnast börn og
ungmenni undraheimi vísindanna í gegnum leik
og skemmtun.
Við hvetjum nýja gesti – og hina sem fá aldrei nóg
– til að líta inn þessa allra síðustu helgi.
Norræna húsið og Háskóli Íslands þakka frábærar
viðtökur.
Námskeið í Neskirkju
Á þriðjudögum í október kl. 18.00-20.30
Fjársjóðir messunnar
Hvernig nærir hún líf okkar og virkar sem
smyrsl á lífsins mein og sár?
Dr. Sigurður Árni Þórðarson
stýrir námskeiðinu.
Trú og tilvist á 21. öld
Námskeið um grunnstef trúarinnar.
Sr. Örn Bárður Jónsson, D.M.
stýrir námskeiðinu.
Námskeiðið er ókeypis en hver máltíð kostar kr. 1.000
Skráning í síma 511 1560 eða á runar@neskirkja.is