Fréttablaðið - 02.10.2010, Blaðsíða 2

2 2. október 2010 LAUGARDAGUR
STJÓRNMÁL Halli ríkissjóðs verður 36 milljarðar
króna á næsta ári samkvæmt fjárlagafrumvarpinu
sem kynnt var í gær. Útgjöld nema 514 milljörðum
en tekjur 477 milljörðum.
Með sértækum aðgerðum er 44 milljarða upp-
söfnuðum halla mætt. Það er gert með 33 millj-
arða niðurskurði og ellefu milljarða nýjum tekj-
um. Nýr bankaskattur á að skila einum milljarði og
aðrar skattahækkanir og breytingar á skattkerfinu
afganginum. Tekjuskattur einstaklinga, virðisauka-
skattur og tryggingagjald breytast ekki.
Steingrímur J. Sigfússon fjármálaráðherra segir
að fjárlög næsta árs séu hin eiginlegu hrunfjárlög.
Vandanum sé að mestu mætt með sparnaði. „Þannig
að ég held að goðsögnin um hina gríðarlegu skatt-
píningu fari nú að heyra sögunni til,“ sagði hann.
Niðurskurðurinn er mismikill eftir málaflokkum
og stofnunum. Skerðingin nemur að jafnaði níu pró-
sentum í almennri stjórnsýslu og fimm prósentum í
velferðarþjónustu, framhaldsskólum og löggæslu.
Að mati Steingríms getur efnahagslífið tekið að
vaxa á ný eftir aðgerðir stjórnvalda á síðasta ári.
- bþs - sh / sjá síðu 24
36 milljarða mínus
en horfurnar góðar
Uppsagnir ríkisstarfsmanna blasa við í nýju fjárlagafrumvarpi. Sparnaðarkröf-
ur nema allt að 40 prósentum. Stjórnsýslan skorin niður um níu prósent. Fjár-
málaráðherra segir fjárlög 2011 eiginleg hrunfjárlög en sér fram á bjartari tíð.
FJÁRLAGAFRUMVARPIÐ 2011 Fjármálaráðherra segir frum-
varpið sýna að orðrómur um skattpíningu ríkisstjórnarinnar sé
goðsögn. FRÉTTABLAÐIÐ/GVA
„Ég geri ráð fyrir að þetta frumvarp
eigi eftir að taka miklum breyting-
um,“ segir Kristján Þór Júlíusson,
fulltrúi Sjálfstæðisflokksins í fjárlaga-
nefnd. „Stærsta athugasemdin er sú
að efnahagslegar forsendur þess,
varðandi hagvöxtinn sérstaklega, eru
mjög veikar svo ekki sé meira sagt.“
Kristján segir að forsendurnar séu
mestan part úr þjóðhagsspá frá því í
júní, þar sem gert sé ráð fyrir því að
stóriðjuframkvæmdir verði burðurinn
í hagvextinum. „Það sjá það allir menn og vita hvernig
statt er fyrir þeim verkum í dag,“ segir Kristján.
Hann segir að það eigi eftir að koma í ljós hvernig
niðurskurðurinn muni bitna á starfsmönnum í heilbrigð-
is- og félagslega geiranum. Þar muni eflaust hundruð
manns missa vinnuna. Þá virðist niðurskurðurinn koma
harkalega niður á ýmsum byggðum landsins. - sh
Veikar efnahagsforsendur
KRISTJÁN ÞÓR
JÚLÍUSSON
Kjarasamningar opinberra starfs-
manna eru lausir í lok nóvember en
Steingrímur J. Sigfússon fjármálaráð-
herra lýsti því yfir í gær að ekki stæði
til að hækka laun þeirra. Elín Björg
Jónsdóttir, formaður BSRB, undrast
þessi orð ráðherrans.
„Ég þykist vita að það verði ekki
sátt um að það verði ekki launa-
hækkanir, ég tala nú ekki um á
lægstu laun,“ segir hún. Nú séu
samningaviðræður fram undan og
þessi ummæli séu ekki gott veganesti inn í þær. „Það
skýtur auðvitað skökku við þegar annar aðilinn er þegar
búinn að ákveða það að niðurstaðan verði núll. Þá eru
það sérkennilegar viðræður,“ segir hann.
Elín segir niðurskurðarkröfuna í fjárlagafrumvarpinu
vera áfall og félagar í BSRB séu mjög uggandi. Hún viti
þó ekki við hversu mörgum uppsögnum megi búast. - sh
Ekki sátt um launafrystingu
ELÍN BJÖRG
JÓNSDÓTTIR
LÖGREGLUMÁL Rannsókn lögreglu á morði Hannes-
ar Helgasonar mun brátt ljúka, og eru niðurstöður
lífsýna sem send voru til rannsóknarstofu í Sví-
þjóð farnar að berast til landsins.
Eins og kunnugt er hefur Gunnar Rúnar Sigur-
þórsson, sem setið hefur í gæsluvarðhaldi undan-
farnar vikur, játað að hafa myrt Hannes. Verknað-
inn framdi hann á heimili Hannesar í Hafnarfirði
þann 15. ágúst síðastliðinn.
Friðrik Smári Björgvinsson, yfirlögregluþjónn
hjá lögreglunni á höfuðborgarsvæðinu, segir
vinnu lögreglu langt komna, en vill ekki segja til
um hvenær búast megi við því að málið fari til
ríkissaksóknara, sem tekur ákvörðun um ákæru.
Friðrik vill ekki upplýsa hvað niðurstöður rann-
sókna á lífsýnum hafi sýnt fram á, en enn eru ekki
komnar niðurstöður úr öllum sýnum sem send
voru utan.
Lögregla bíður þess nú einnig að geðrannsókn
yfir Gunnari Rúnari ljúki. Henni er ætlað að leiða
í ljós hvort Gunnar sé sakhæfur. Þá liggja endan-
legar niðurstöður krufningar ekki enn fyrir.
Friðrik segir rannsókn á lífsýnum ekki hafa
tekið lengri tíma en í öðrum málum. Hann sagðist
í gær ekki geta sagt til um hvenær von sé á niður-
stöðum svo hægt sé að ljúka rannsókn málsins.
- bj
Niðurstöður lífsýna tengdra morðinu á Hannesi Helgasyni farnar að berast:
Styttist í að málið fari til saksóknara
LEIT Kafarar leituðu morðvopnsins í Hafnarfjarðarhöfn fyrr í
mánuðinum. FRÉTTABLAÐIÐ/ARNÞÓR
STJÓRNMÁL Ólafur Ragnar Grímsson forseti
Íslands lagði áherslu á samstöðu og framtíð-
artækifæri Íslands í ræðu sinni við setningu
Alþingis í gær.
Hann sagði mörg spennandi verkefni fram
undan, þar á meðal tengd orkumálum, ferða-
mannaiðnaði og mögulegum umsvifum sem fel-
ast í opnun skipasiglinga um norðurskautið.
Að sögn forseta á Ísland marga bandamenn á
alþjóðavettvangi, meðal annarra Kína, Rússland
og Evrópulönd, sem hafa sýnt mikinn áhuga á
nánara samstarfi.
Ólafur Ragnar sagði að staða Íslands væri
ekki eins slæm og svartsýnustu spár hefðu gefið
til kynna og nú væri lag að leggja grundvöll að
endurreisn efnahagslífsins.
Lykilatriði væri þó að forðast togstreitu og
sundurþykkju og leggja áherslu á samstöðu.
Stjórnmálaflokkar gætu lagt sitt af mörkum
til að skapa samstöðu á erfiðum tímum, en þá
yrði þjóðin líka að vera sátt við niðurstöðurn-
ar.
Á meðan á ræðu forseta stóð fóru fram mót-
mæli á Austurvelli sem undirstrikuðu niðurlag
ræðu hans, þar sem hann minnti á að „Íslend-
ingum hefur jafnan farnast best þegar vilji
þjóðar og þings hefur fallið í sama jarðveg.“
- þj
Ólafur Ragnar Grímsson forseti segir mikil tækifæri í framtíð Íslands þrátt fyrir slæma stöðu:
Vill samræma vilja þings og þjóðarinnar
SETNING ALÞINGIS Í setningarræðu sinni hvatti forseti
til samstöðu og minnti á framtíðartækifæri Íslands.
FRÉTTABLAÐIÐ/GVA
DÓMSMÁL Karlmaður um þrítugt
situr í gæsluvarðhaldi grunaður
um hrottafengna árás á fyrrver-
andi unnustu sína í Hveragerði á
mánudagsmorgun. Í gæsluvarð-
haldsúrskurði segir að árásin
kunni að flokkast sem tilraun til
manndráps.
Lögreglu var tilkynnt um árás-
ina árla mánudagsmorguns.
Þegar hún kom á vettvang blæddi
mjög úr höfði konunnar og blóð
var um allt í herbergi hennar,
á gólfi, í rúmi og upp um veggi.
Hún þorði ekki að tjá sig af ótta
við hefndaraðgerðir.
Meintur gerandi var handtek-
inn skömmu síðar og í bíl hans
fannst blóðugt hnúajárn og blóð-
ugir vettlingar. Hann neitar sök
en var engu að síður úrskurðaður
í gæsluvarðhald til mánudags. - sh
Grunaður hrotti í varðhaldi:
Blóðugt hnúa-
járn í bílnum
SAMKEPPNISMÁL Þrjú kjötvinnslu-
fyrirtæki hafa gert sátt við Sam-
keppniseftirlitið og munu aðstoða
eftirlitið við rannsókn á sam-
keppnishömlum á kjötmarkaði.
Fyrirtækin þrjú, Sláturfélag
Suðurlands, Reykjagarður og
Kaupfélag Skagfirðinga, hafa
samþykkt að greiða samtals 85
milljónir króna í sektir.
Fyrirtækin leggja áherslu á
að þau hafi ekki ætlað sér að
raska samkeppni. Málið snýst
um forverðmerktar kjötvörur
og afslætti í verslunum Bón-
uss. Þáttur annarra fyrirtækja;
Kjarnafæðis, Norðlenska, Kjöt-
bankans, Síldar og fisks og Mat-
fugls, eru enn til rannsóknar.
- bj
Sátt vegna samkeppnisbrota:
Kjötvinnslur
greiða sekt
Sigurður, færðu að taka bart-
ana hans Ragnars Reykáss með
frá RÚV eða þarftu að safna?
Við getum sagt að söfnun standi
yfir.
Sigurður Sigurjónsson og félagar hans í
Spaugstofunni hafa þurft að endurnýja
mikið af búningum við flutninginn yfir á
Stöð 2.
DANMÖRK Danski íhaldsflokkur-
inn vill undir engum kringum-
stæðum mynda ríkisstjórn með
Danska þjóðar-
flokknum.
Lene Esper-
sen, leiðtogi
íhaldsmanna,
lýsti þessu yfir
í viðtali við
Jyllandspos-
ten í gær. Hún
sagði að mál-
efnaágreining-
ur flokkanna
um Evrópumál, skattamál, rík-
isumsvif og umbætur í opinbera
lífeyriskerfinu væri of mikill til
að þeir gætu starfað saman í rík-
isstjórn.
Danski Þjóðarflokkurinn er
þjóðernissinnaður hægri flokkur
sem hefur veitt minnihlutastjórn
Íhaldsmanna og Venstre stuðn-
ing án þess að eiga beina aðild að
henni. - pg
Ágreiningur í Danmörku:
Íhaldsmenn úti-
loka samstarf
við Þjóðarflokk
LENE ESPERSEN
MÓTMÆLI Það er einsdæmi í sög-
unni að friður sé rofinn við guðs-
þjónustu, eins og gerðist við þing-
setningu í gær,
segir Hjálmar
Jónsson dóm-
kirkjuprestur.
Alþingi var
sett með guðs-
þjónustu í
Dómkirkjunni í
gær. Fjölmenn
og hávær mót-
mæli voru á
Austurvelli á
meðan og tvær rúður í kirkjunni
voru brotnar.
„Það hefur aldrei gerst í sög-
unni að ráðist hafi verið að kirkju
undir guðsþjónustu, hér á landi
og mér er til efs að það hafi gerst
í nágrannalöndunum heldur,”
segir Hjálmar. Hann segir það
fámennan hóp sem gangi svo
langt að ráðast að kirkjunni. - jhh
Rúðubrot við þingsetningu:
Einsdæmi við
guðsþjónustu
HJÁLMAR JÓNSSON
SPURNING DAGSINS