Morgunn - 01.06.1938, Page 72

66
MORGUNN
v
um, að þeir geta ekki verið aðrir en þeir segjast vera. Og
þeir hafa reynt þá að sannsögli, miklu meiri sannsögli en
við eigum hér alment að venjast.
Öllum sem tekist hefir að gjöra vart við sig, ber saman
um það, að hinu megin séu margar og misjafnar vistar-
verur, og líðan manna fari þar mikið eftir því, hvernig
þeir hafi varið lífi sínu hér á jörðinni, hvernig hugsanir
þeirra orð og verk hafi verið. Öllum ber saman um það,
að sá maður eða sú kona, sem sýndu mesta fórnfýsi og
kærleika hér á jörðu, þeim líði bezt þar. En líðan þeirra, sem
lengst hafa gengið í hatri og illum hugsunum til meðbræðra
sinna, sé alveg hörmuleg. Þeir segja að hver maður fari
í þann stað hinu megin, sem samsvari andlegum þroska
hans. Og eftir því sem mér skilst, er andlegur þroski ekki
metinn eftir því, hve mikla þekkingu og lærdóm maðurinn
hefir tileinkað sér hér, nema að svo miklu leiti sem hann
hefir notað þennan lærdóm eða þekkingu í þjónustu kær-
leikans. Eftir öllum fregnum að dæma er það kærleikurinn,
sem má sín mest þegar þangað kemur. Hinu megin eru
sögð vera mörg tilverusvið, mér skilst að flestir fari á
annað sviðið. En á hverju sviði eru mörg önnur smærri,
og skiftast menn niður á þau eftir þroska. Neðarlega á
öðru sviðinu er líðanin ekki góð. Þangað safnast þeir, sem
eigingirni og sjálfselska hefir verið mest ráðandi aflið hjá
á meðan þeir dvöldu í jarðneska líkamanum. Það er ekki
þar með sagt, að þessir menn líði neinar sérstakar kvalir.
Það virðist margt benda til, að þeim sé mörgum hverjum
alls ekki ljóst, að þeir séu komnir í annan heim. Þegar kem-
ur ofarlega á annað sviðið fer líðanin að verða miklu betri
en hér á jörðinni, þegar bezt lætur. En efst á þessu sviði
og á þriðja sviðinu er h'ðanin betri en hægt er að lýsa
með orðum. Á þriðja svið fara engir þegar er þeir »deyja«
nema mjög þroskaðir menn og smábörn, svo það lítur út
fyrir að það hefði verið alveg óhætt að grafa óskírðu
börnin í vígðri mold þess vegna, að þeim er ekki ætlaður
óvirðulegri staður í hinum heiminum en flestum öðrum.