Morgunn - 01.12.1941, Blaðsíða 36

134
M O R G U N N
farið fram hjá efnafræðingum og eðlisfræðingum, við
athuganir þeirra og rannsóknir; og enn fremur, að við
sjaldgæf skilyrði geti það fengið þá líking við fast efni,
að byrgja fyrir innrauða geisla. Ef vér hugsum oss einn-
ig, að við skilyrði, sem sjaldan koma fyrir, geti það haft
áhrif á sjónfæri vor, ef til vill aðeins þeirra manna, sem
meira en venjulega eru móttækilegir fyrir þau áhrif, þá
gæti það hjálpað til að fá skýring á svipum og tvífara-
fyrirbrigðum.
Þannig eru sterk rök að því að hugsa sér, að til sé
ósnertanlegt, ósýnilegt eitthvað. Af því að ég hef ekki
betra nafn, vil ég nefna það „annars-heims efni“.
Nú mætti spyrja, hverja eiginleika sé líklegt, að þetta
efni hafi auk þess að vera óþreifanlegt og ósýnilegt? Ég
sé enga ástæðu til að hugsa, að það sé breytingarlaust,
starflaust og myndlaust, það væri gagnstætt reynslu.
Vér þekkjum efni í þremur myndum — fast, fljótandi og
loftkennd og eru þau mismunandi skynjanleg, fyrir skil-
vit vor. Föst efni eru ávallt þreifanleg og sjaldan ósýni-
leg. Fljótandi efni eru minna þreifanleg og oftar ósýni-
leg. Lofttegundir eru sjaldan sýnilegar og oft óþreifan-
legar eins og t. d. logn. En þau eru ekki í sömu röð mis-
munandi hæf til að verða hluti í efnasambandi, þvert á
móti eru lofttegundirnar — súrefni, vatnsefni og köfnun-
arefni — aðal samsetningarefni í hinum samansettu
öreindum (molekul) lifandi efnis.
Þess vegna er engin ástæða til að ætla, að „annars-heims
efnið“ muni vera miður hæft til að ganga í samefna-
myndun heldur en þær myndir efnis, sem vér skynjum.
Og eins og hinar þrjár myndir efnis, sem vér skynjum,
eiga sinn þátt í bygging og starfsemi líffæra, þannig get-
um vér gert ráð fyrir, að „annars-heims efnið“ eigi þar
einnig sinn þátt, og til hægðarauka vil ég nefna þennan
óþreifanlega hluta í líffærabyggingunni „annars-heims
efnisauka“.