Morgunn - 01.12.1941, Qupperneq 94

192
MORGUNN
íslandi gerðust mörg slík fyrirbrigði, einkum um drauma,
forspár og vitranir.
I síðasta hefti ,,Ganglera“, tímarits Is-
„Sambands- ian(jsdeildar Guðspekifélagsins, er prent-
að erindi, sem höfundurinn nefnir „Sam-
bandsmálið“, og áður er flutt í Guðspekifélaginu og einnig
í S. R. F. f. Höfundurinn er Grétar Ó. Fells, en „sambands-
málið“ er spiritisminn. Greinin er yfirleitt rituð af vin-
samlegum skilningi á málinu, og munu spiritistar flestir
taka bendingum höfundarins vel, þegar hann er að vara
við ýmsum þeim misfellum, sem vissulega hefir borið tals-
vert á í meðferð manna á málefninu, hér eins og annars
staðar. Því hefir bæði verið haldið fram í MORGNI og á
fundum S. R. F. í., að á engu riði meira um málið en því,
að menn gættu varúðar og dómgreindar til hins ítrasta,
og að dómgreindarlaus trúgirni sumra þeirra, sem við mál-
ið eru að fást, væri einn versti Þrándurinn í Götu fyrir
framgangi málsins. En hinu hefir verið haldið fast fram,
að sannanirnar væru svo yfirgnæfandi miklar, að þær
ættu að fullnægja hverjum þeim, sem af sanngirni og
sannleiksást vill meta þær og vega. Hr. Grétar Ó. Fells
tekur alveg réttilega fram, að sökina á vitleysunum og
þeim fáránlegu fullyrðingum, sem sumir menn bera fram
af þekkingarleysi, beri ekki miðlarnir einir, heldur einnig
og engu síður það fólk, sem er samvistum við miðilinn og
situr fundina með honum. Vafalaust hefir það orðið mörg-
um miðlum að tjóni — og einnig hér í Reykjavík — að
þeir hafa valið sér að samstarfsmönnum þá, sem engin
skilyrði höfðu til þess og ekkert höfðu til brunns að bera
annað en samúð með málinu og oft ákaflega barnalega
aðdáun og lotningu fyrir hæfileikum miðilsins. Þetta fólk
hefir að jafnaði tilhneiging til að gera meira úr fyrirbrigð-
unum en rétt er, og þegar miðillinn vaknar af meðvitund-
arlausum transi, hefir hann ekkert annað við að styðjast
en það, sem þetta fundarfólk segir honum. Bresti það dóm-
greind og þekkingu er sú hætta ævinlega fyrir dyrum, að