Fréttablaðið - 27.11.2010, Side 8

8 27. nóvember 2010 LAUGARDAGUR
1. Hvaða ráðherra hefur tekið
fæðingarorlof?
2. Hvaða lið er á toppi N1-
deildar karla í handbolta?
3. Hver er vinsælasti sjónvarps-
þáttur þjóðarinnar?
SVÖR1. Árni Mathiesen. 2. Akureyri. 3. Útsvar.
TILBOÐ MÁNAÐARINS
HJARTAMAGNÝL
689 KR.
...af því að hann er traustur,
heiðarlegur og vandaður maður."
Guðfinna S. Bjarnadóttir, fv. rektor
...vegna þess að hann er rökfastur
og hugmyndaríkur.“
Kolbeinn Bjarnason, flautuleikari
„Ég styð Þorkel Helgason ...
www.thorkellhelgason.is
1. val
2. val
2 8 5 3 EVRÓPUMÁL Það er misskilningur
sem heyrist á Íslandi að fara þurfi
í grundvallarbreytingar í stjórn-
sýslu áður en gengið er í ESB, að
sögn Grahams Avery, heiðursfram-
kvæmdastjóra ESB.
Avery, sem er ráðgjafi European
Policy Center í Brussel, hélt í gær
fyrirlestur hjá Alþjóðamálastofn-
un. Hann hefur starfað að stækk-
unarmálum sambandsins um ára-
bil: fyrir Breta þegar þeir gengu
inn og fyrir ESB þegar önnur ríki
gengu inn síðar.
„Það sem ESB þarf frá umsókn-
arríki er trúverðug skuldbinding,
áætlun um að frá fyrsta degi aðild-
ar verði hægt að framfylgja sam-
eiginlegu reglunum. ESB er ekki
að biðja um og hefur engan beðið
um að framfylgja þessum reglum
áður en viðræður klárast,“ segir
hann í viðtali við blaðið. Íslend-
ingar njóti trúverðugleika í þess-
um efnum vegna reynslunnar af
EES.
„Því held ég að þetta sé mis-
skilningur að þið þurfið að setja
upp strúktúr í stjórnsýslu og láta
hann virka áður en hann er nauð-
synlegur. Í raun er ekki hægt að
framfylgja sameiginlegu landbún-
aðarstefnunni eða fiskveiðistefn-
unni áður en þið gerist aðildarríki.
ESB vill bara vera öruggt um að
þið getið það þegar þar að kemur,“
segir hann.
Avery hefur haldið því fram
að þátttaka Íslands í EES geri
að verkum að landið geti komist
hraðar en ella í gegnum viðræður.
Hann gefur þó ekki mikið fyrir
hugmyndir um tveggja mánaða
hraðferð, ekki ef tilgangurinn er
að ná góðum samningi.
Hann telur viðræðurnar ýta
undir vilja Breta og Hollendinga
til að ljúka við Icesave.
„ESB hefur aldrei sagt að lausn
málsins sé skilyrði fyrir því að
aðildarferlið nái fram að ganga,
og það sannast á því að aðildar-
ferlið gengur ágætlega. Bretar og
Hollendingar hafa ekki leyst þenn-
an vanda enn, en bæði löndin eru
hlynnt því að þið gangið í ESB. Að
mínu viti vilja nýju ríkisstjórn-
irnar, bæði í Haag og Lundúnum,
losna við þetta vandamál fljót-
lega svo það kasti ekki skugga á
lokafrágang viðræðnanna,“ segir
Avery.
Um fjárhagsraunir Íra, hvort
þær hafi ekki sannað að lítið sé á
evrunni að græða, segir Avery:
„Írar þjást eins og þið vegna
stjórnlausrar hegðunar banka-
manna. Ég held að Írar, ef þeir
væru utan evrusvæðisins, og
jafnvel það sem væri enn verra,
ef þeir væru fyrir utan ESB, að
þeir stæðu núna frammi fyrir enn
erfiðari valkostum en ella.“
klemens@frettabladid.is
ESB vill að ríki
séu undirbúin
fyrir aðild
Heiðursframkvæmdastjóri ESB segir það á misskiln-
ingi byggt að ríki þurfi að breyta stjórnsýslu sinni
áður en gengið er í ESB. Bretar og Hollendingar vilji
losna við Icesave-málið sem fyrst.
GRAHAM AVERY Telur að nýju ríkisstjórnirnar í Hollandi og Bretlandi vilji ljúka við
Icesave-málið sem fyrst til að „kasta ekki skugga á lokafrágang viðræðnanna“ milli
Íslands og ESB. FRÉTTABLAÐIÐ/ANTON
LÖGREGLUMÁL Karlmanni á fimm-
tugsaldri, sem grunaður er um
kynferðisbrot gegn að minnsta
kosti tveimur einstaklingum,
þegar þeir voru börn, var sleppt
úr gæsluvarðhaldi í fyrradag.
Lögreglustjórinn á höfuðborg-
arsvæðinu hafði krafist fram-
lengingu á gæsluvarðhaldi yfir
manninum á grundvelli almanna-
hagsmuna. Dómari varð ekki við
því og var maðurinn látinn laus.
Úrskurðurinn var ekki kærður til
Hæstaréttar.
Maðurinn sem um ræðir er
búsettur á höfuðborgarsvæðinu.
Hann var handtekinn um miðjan
mánuðinn og síðan úrskurðaður í
gæsluvarðhald.
Tæplega tvítugur piltur varð
fyrstur til að kæra manninn,
eins og Fréttablaðið hefur greint
frá, og síðan kom önnur kæra frá
stúlku um tvítugt í kjölfarið.
Lögreglan heldur rannsókn
málsins áfram. Meðal annars eru
til rannsóknar tölvugögn sem hald
var lagt á heima hjá manninum í
húsleit. Grunur leikur á að mis-
notkunin hafi staðið um nokkurt
skeið.
Rannsókn lögreglu beinist jafn-
framt að því hvort um fleiri börn
sé að ræða. - jss
HÉRAÐSDÓMUR REYKJAVÍKUR Hafnaði
kröfu um framlengingu á gæsluvarð-
haldi.
Grunuðum brotamanni sleppt úr gæsluvarðhaldi:
Karl og kona hafa
kært kynferðisbrot
LANDSDÓMUR Geir H. Haarde, fyrr-
verandi forsætisráðherra, furðar
sig á að breytingar á lögum um
landsdóm séu byggðar á tillög-
um forseta dómsins til dóms- og
mannréttindaráðherra. Telur hann
afskipti dómsforsetans óeðlileg
eftir að mál hefur verið höfðað á
grundvelli laga um dóminn.
Lýsti hann þeirri skoðun sinni í
bréfi til Ingibjargar Benediktsdótt-
ur, forseta landsdóms, í vikunni og
óskaði jafnframt gagna um málið.Í
bréfinu mótmælir Geir því að dóms-
forsetinn hafi leitað umsagnar sak-
sóknara Alþing-
is um kröfu sína
um skipun verj-
a nda . Hefur
honum enn ekki
verið skipaður
verjandi þó að
tæpir tveir mán-
uðir séu síðan
honum var til-
kynnt um máls-
höfðun fyrir landsdómi.
Geir er einnig ósáttur við að
Ögmundur Jónasson, dómsmála-
ráðherra hafi leitað umsagnar
saksóknara Alþingis um „einhver
atriði“ frumvarpsins til lagabreyt-
inganna.
Ritaði hann í gær ráðherra og
saksóknara bréf og óskaði upplýs-
inga um aðkomu hins síðarnefnda
að málinu. Krefst hann þess jafn-
framt að fá afrit af öllum gögnum
málsins. Geir höfðu síðdegis í gær
engin svör borist.
Í frumvarpinu er fjallað um
skipunartíma dómara, hæfisskil-
yrði, meðferð tiltekinna vafaatriða,
hljóðritun og ákvörðun um kjör
dómara. - bþs
Geir H. Haarde lýsir furðu á vinnubrögðum við landsdómsmálið og krefst gagna:
Óeðlileg afskipti dómsforseta
GEIR H HAARDE
SJÁVARÚTVEGUR Síldveiðum HB
Granda er lokið á þessu ári en
Lundey NS landaði síðasta farmi
vertíðarinnar, um 800 tonnum,
á Vopnafirði. Að sögn Magnúsar
Róbertssonar, vinnslustjóra á
Vopnafirði, máttu skip félagsins
veiða um 4.800 tonn af íslenskri
sumargotssíld á vertíðinni. Eftir-
töðvar kvótans séu nú um 300 tonn
sem færð verða á næsta ár.
Nú þegar síldveiðum er lokið
horfa menn til loðnuveiða en enn
er óvíst hvenær skip HB Granda
fara til loðnuleitar. - shá
HB Grandi skiptir um kúrs:
Síldin búin og
horft til loðnu
DÓMSMÁL Hæstiréttur hefur mild-
að refsingu yfir karlmanni sem
var dæmdur fyrir að stinga mann
í síðuna með hníf árið 2008. Þá var
hann einnig sakfelldur fyrir að
hafa haft fíkniefni undir höndum.
Héraðsdómur dæmdi manninn
í tíu mánaða fangelsi, skilorðs-
bundið til sjö mánaða, fyrir brotið.
Hæstiréttur mildaði dóminn niður
í þrjá mánuði, skilorðsbundinn til
tveggja ára. Maðurinn kvaðst fyrir
dómi hafa verið að verjast árás
fjögurra manna. Hann sagðist að
lokum hafa stungið einn þeirra í
sjálfsvörn. - jss
Hæstiréttur mildaði dóm:
Stakk manninn
í nauðvörn
VEISTU SVARIÐ?