Fréttablaðið - 27.11.2010, Qupperneq 49

Hjálparstarf kirkjunnar 3
Með ACT-Alliance
í 130 löndum
Neyðarhjálp á Haítí er veitt í gegnum ACT Alliance
Hjálparstarf kirkjunnar veitir mest
af sinni neyðarhjálp í gegnum
ACT-Alliance, en einnig beint til
samstarfsaðila á hverju svæði.
Hjálparstarf kirkjunnar er einn 100
aðila að ACT-Alliance. Samtökin
veita neyðarhjálp, vinna að
uppbyggingu í kjölfar neyðar og
að langtíma þróunarstarfi.
ACT-Alliance eru ein umfangs-
mestu hjálparsamtök í heimi.
Samtökin starfa í 130 löndum að
því að bjarga lífum og styrkja
samfélög í baráttu fyrir réttlæti.
ACT-aðilar hafa á að skipa 30.000
starfsmönnum og sjálfboðaliðum
og veita um 1,5 milljónum dala á
ári til bágstaddra. Á ACT-
skrifstofunni í Genf starfa 18
manns. Þeir afla nauðsynlegra
upplýsinga frá hjálparsvæðum og
miðla þeim til ACT-aðila. Þeir
koma framlögum og sérhæfðu
starfsfólki á leiðarenda og samræma
aðgerðir. ACT sér til þess að gæða -
stöðlum sé fylgt og að skýrslugerð,
eftirlit og mat sé faglegt.
Eskihlíð 3 105 Reykjavík S: 552 9500 info@icelandcongress.is www.icelandcongress.is
Er ráðstefna
eða fundur á döfinni?
Hjá Iceland Congress vinnur vel menntað og sérhæft starfsfólk
með yfir tuttugu ára reynslu á sínu sviði. Við aðstoðum viðskiptavini
okkar við að skipuleggja og undirbúa allar stærðir og gerðir af
fundum, ráðstefnum og öðrum atburðum. Iceland Congress býður
persónulega þjónustu og hefur áhuga á þér og þínum markmiðum.
„Nú á ég marga vini á Íslandi“
Fermingarbarnasöfnun fyrir
vatnsverkefni Hjálparstarfs
kirkjunnar tókst afar vel. Um 3.000
börn knúðu dyra um allt land á
tímabilinu 1.–9. nóvember með
frábærum árangri. Þegar þetta er
skrifað er upphæðin sem safnast
hefur komin í 7,5 milljónir króna
og enn hafa ekki allir talið það sem
kom inn og lagt inn á söfnunar-
reikninginn svo hún á eftir að
hækka. Um 1.700 fermingarbörn
hittu í undanfara söfnunarinnar
Stephen og Charity frá Úganda
sem komu til landsins sérstaklega
til að hitta þau og fræða um líf sitt
og aðstæður sem mörg börn búa
við í Afríku. Heimsóknin þótti
takast mjög vel og Stephen og
Charity náðu vel til barnanna.
„Fyrsta ferð mín til útlanda var til
Íslands og nú á ég marga vini á
Íslandi sem ég ætla að halda áfram
að hafa samband við í gegnum
Facebook“, sagði Charity sem er í
háskólanámi í ferðamannafræðum
í Kampala höfuðborg Úganda, áður
en hún yfirgaf landið.
Börn við brunn í Malaví