Fréttablaðið - 27.11.2010, Page 52

Hjálparstarf kirkjunnar6
Kjörin setja á manninn mark. Þeir
fátæku sem lifa við kúgun,
þrælahald og vanþekkingu bera
þess merki. Fjöldi fólks sem áður
var vannærður, þreklaus, undir-
gefinn og máttvana gegn yfir-
valdinu hefur nú fengið uppreisn
æru í gegnum mannréttinda-
samtökin Social Action Movement
á Indlandi sem Hjálparstarfið
styður. Einum segist svo frá að sér
finnist sem hann sé loksins orðinn
maður. Hann hefur lært um réttindi
sín, fengið hjálp til að brjótast út
úr þrældómi í steinnámu og börnin
hans eru komin í skóla. Hann er
kominn í verkalýðsfélag frumbyggja
og nýtur nú réttinda sem honum
var ókunnugt um áður. Hann þorir
að horfast í augu við æðri stéttir
og tala máli sínu og sinna. Konan
hans er í stéttarfélagi kvenna og
bæði hafa fræðst um jafnrétti
kynjanna og þau hafa lært að
spara. Þau geta nú fengið lán hjá
sínu stéttarfélagi þegar nauðsyn
krefur, lán sem ekki hneppir þau
sjálfkrafa í ævilanga ánauð hjá
einhverjum vinnuveitandanum.
Þau vita svo margt núna, í gegnum
stéttarfélagið sitt, sem þau vissu
ekki áður. Sonur þeirra hefur lært
á bíl í gegnum verkefnið og vinnur
nú fyrir sér sjálfur og rúmlega það.
Í Afríku er aðstoð æ réttinda-
miðaðri. Fólk er frætt og hvatt til
að sækja rétt sinn til menntunar og
til heilsugæslu, rétt sinn til aukinna
tækifæra til framfærslu og annars
sem á að greiða úr sameiginlegum
sjóðum. Aðstoð snýst ekki lengur
um að afhenda. Fólkið leggur fram
mikla vinnu og lærir að bera sig
eftir rétti sínum. Mikil fræðsla
og það að skapa vettvang til
skipulagðra umræðna allra íbúa
um mikilvæg mál skila árangri
á mörgum sviðum. Jafnrétti kynja
hafa verið opnaðar dyr. Konur ætla
sér hlutdeild í ákvörðunum sem
varða afkomu þeirra. Konur eru
styrktar með atvinnuskapandi
aðgerðum sem færa þeim fjárráð
og áhrif. Unnið er gegn kynbundnu
ofbeldi með leiðtogum, stofnunum
og lögreglu. Þannig næst samverkun
sem skilar meiri árangri. Aðstoðin
verður sjálfbærari.
Viðhorfabreyting er að eiga sér
stað.
Mannréttindi – að finnast maður vera maður
Dæmi um það sem gert er í
verkefnum Hjálparstarfsins:
Indland
- Fólkið hefur sjálft barist fyrir
vatnsréttindum, landi til að búa á
og útgáfu nauðsynlegra skilríkja
- Námskeið fyrir konur um réttindi
í velferðarkerfinu
- Mikil fræðsla og áróður gegn
barnabrúðkaupum
Eþíópía
- Konur þjálfaðar í að greina
atvinnutækifæri, fá lán og aðstoð
til að byrja
- Náið samstarf, námskeið og
þjálfun fyrir opinbera starfsmenn
til að auka árangur af
kvennastarfi
- Unnið gegn skaðlegum hefðum
og um leið fyrir mannréttindum
Malaví
- Þorpsleiðtogar þjálfaðir til að taka
á ofbeldismálum og veita þolendum
stuðning. Nefnd um heimilisofbeldi
fræðir þorpsbúa í gegnum leikrit,
m.a. um tilkynningaskyldu
- Skapaður vettvangur fyrir
alnæmissjúka til að koma fram
með sögu sína og draga úr
fordómum
- Fólk á jaðrinum stutt til að verða
málsmetandi í þorpinu
- Bæði kynin taka jafnan þátt í
verkefnum, öðlast sömu eignar-
tilfinningu og njóta afraksturs
Börn á Indlandi eru leyst úr skuldaánauð og komið í skóla (Kristján Ingi Einarsson)
(Kristján Ingi Einarsson)