Fréttablaðið - 27.11.2010, Síða 88

Hjálparstarf kirkjunnar10
Þegar lífið snýst um að lifa af er
umhverfisvernd ekki á lista yfir
viðfangsefni dagsins. En samt er
hún lykill að lífinu og framtíð
þess á jörðinni. Þess vegna er
hún samþætt öllum verkefnum
Hjálparstarfsins í Afríku. Fólk er
frætt um samhengi hlutanna.
Hvernig gróðureyðingin sem eykst
við það að höggva eldivið verður
til þess að vatn tollir ekki í jörðinni.
Vatnið flýtur burt á yfirborðinu
eða gufar upp þegar engar rætur
halda í það og laufskrúð veitir ekki
skugga. Nýtanlegum vatnsbólum
fækkar. Þess vegna er fólki kennt
að rækta upp græðlinga og planta
meðfram ám og lónum til að halda
í jarðveg og raka. Stallar eru gerðir
til að rækta á svo jarðvegur skolist
ekki burt. Hraðvaxta trén má um
leið nýta í eldivið. Með spar-
hlóðum verkefnisins þarf helmingi
minni við en áður. Trén bera sum
ávöxt og þau veita matjurtum
skugga. Tegundir eru ræktaðar
á víxl til að draga úr næringartapi
í ökrum. Gróðurleifar eru nýttar
í moltugerð og tað til áburðar.
Náttúruleg hringrás verndar
auðlindir. Á Indlandi berjast
samstarfsaðilar Hjálparstarfsins
fyrir lífi aðal fljóts héraðsins. Það
sér ríkum og fátækum fyrir vatni.
Gosdrykkjaframleiðendur og fleiri
atvinnurekendur taka of mikið á
kostnað íbúa. Sandnám opinberra
og einkaaðila úr árfarveginum
dregur úr rakadrægni hans og áin
heldur ekki jafn miklu vatni.
Dæmi um það sem gert er í
verkefnum Hjálparstarfsins:
Eþíópía
- Unnið með íbúum að því auka
vitund um hringrás vatns,
viðhald og endurnýjun gróðurs
- Námskeið fyrir bændur um
lífrænar og tæknilegar aðferðir
til að hefta jarðvegseyðingu
- Vettvangsferð bænda og
opinberra starfsmanna til að
kynna sér nýjar aðferðir
Malaví
- Námskeið um lög og reglur um
vatn, verndun þess og ábyrgð
einstaklingsins
- Námskeið og leiðtogaþjálfun til
að geta betur stuðlað að
viðhorfabreytingum
- Kennt að gera lífrænan áburð til
að auka næringargildi jarðvegs
Indland
- Verkalýðsfélög
mannréttindasamtakanna okkar
berjast fyrir vatnsrétti
- Fræðslumynd um ána Palar og
umhverfisfræðsla í skólum
Sjálfbærni og sátt við náttúru
Sparhlóðir í Eþíópíu spara eldsneyti
Vertu með!
Þú getur komið
með þína gjöf
í útibú okkar og
við komum henni
til skila svo allir
geti haldið
gleðileg jól.
Starfsfólk Íslandsbanka
safnar gjöfum fyrir
Jólaaðstoð
Hjálparstarfs kirkjunnar,
Mæðrastyrksnefndar,
Rauða krossins í Reykjavík
og Hjálpræðishersins.
Söfnum jólagjöfum
fyrir Jólaaðstoðina