19. júní - 19.06.1953, Page 38

Landsfundur K. R. F. í. 1952
var bæjarspítalanefndin því meðmælt. Hringkon-
um var líka sú lausn málsins kærkomin, þar sem
megnið af fé barnaspítalasjóðsins var runnið frá
Reykvíkingum. En það hlýtur að taka langan tíma,
að svo mikil stofnun, sem bæjarspítalinn á að
verða, komist á fór, og fyrir Hringinn var það
mikið atriði, að barnaspítalinn kæmist upp sem
fyrst. Kom því til álita í félaginu, hvort mögu-
leikar væru á að fá keypta hentuga húseign, er
nota mætti sem bráðabirgðaspítala fyrir börn,
þar til fullkomnum barnaspítala yrði komið upp.
Það kom þó brátt í ljós, að á því voru svo miklir
annmarkar, að ófært þótti að fara þá leið.
1951 sneri félagið sér svo enn á ný til ríkis-
stjórnarinnar og hreyfði því, hvort það gæti ekki
flýtt fyrir stækkun Landsspítalans, sem svo brýn
þörf var fyrir, ef Hringurinn legði fram barna-
spitalasjóð sinn til stækkunarinnar, gegn því að
þar yrði komið upp barnaspítala. Eftir nokkrar
viðræður við ráðherra og aðra aðila var komist
að samkomulagi á þessum grundvelli. Síðastliðið
sumar var því byrjað á að undirbúa stækkun
Landsspitalans og hefur verið unnið að þvi síðan.
Teikningar eru þegar fyrir hendi, og nýlega er
fengið leyfi Fjárhagsráðs til þess að byrja á bygg-
ingunni. Um hina fyrirhuguðu stækkun spitalans
í heild mun ég ekki ræða, það munu aðrir gera,
en ég vil aðeins geta þess, að ákveðið er, að barna-
spítalinn fái þarna 56 rúm, og er það að áliti
þeirra lækna, sem um mál þetta hafa fjallað, mjög
hæfileg stærð. Alla tíð síðan Hringurinn fór að
vinna að barnaspítalamálinu hefur stjórn félags-
ins notið ráða og aðstoðar Kristbjarnar Tryggva-
sonar barnalæknis.
Frú Kristín V. Jacobson var formaður Hrings-
ins til dauðadags, en hún andaðist 6. maí 1943
á áttugasta aldursári. í stað hennar var valin Ingi-
björg Cl. Þorláksson, og hefur hún verið formað-
ur félagsins síðan.
Hringkonur gleðjast yfir því, að nú er mark-
verðum áfanga náð í starfi félagsins, en þær munu
ekki halda að sér höndum vegna fengins árangurs,
heldur halda áfram með hjálp góðra manna að
vinna að áhugamáli sínu, þar til fullu marki er
náð og barnaspítalinn tekinn til starfa í stækk-
uðum og endurbættum landsspítala.
24
19. JÚNl