19. júní - 19.06.1965, Page 7

ANNA BORG
FÆDD 30. JÚLl 1903. — DÁIN 14. APRlL 1963.
Gott er að eiga góðar minningar um þá, sem
eru horfnir héðan. Þær, sem við hér eigum um
leikkonuna önnu Borg eru margar og góðar, þrátt
fyrir það að hún fluttist snemma til Danmerkur
og helgaði sig leikstörfum við dönsk leikhús. Hing-
að kom hún oftsinnis og lék hér, t. d. 1930 hlut-
verk Höilu í leikriti Jóhanns Sigurjónssonar,
„Fjalla-Eyvindur“. Enn eru margir sem muna
leik hennar árið 1923, er hún lék í „Einu sinni
var. . . .“ eftir Holger Drachmann á móti danska
leikaranum Adam Poulsen. Það var einmitt fyrir
atbeina hans að Anna Borg fór til Danmerkur og
hóf leiknám i skóla Konunglega leikhússins í
Kaupmannahöfn 1925. Sitt fyrsta hlutverk sem
starfandi leikkona við það leikhús, lék hún 1929,
í tveggja manna leikriti, „Galgemanden“. Mót-
leikari hennar var Poul Reumert og ári siðar léku
þau sama leikrit hér í Iðnó og 1938 komu þau
hjónin hingað og léku „Það er kominn dagur“ og
„Tovaritsch“.
Anna Borg starfaði við Konunglega leikhúsið í
Kaupmannahöfn frá 1928 til æviloka, þó að und-
anskildum árunum 1933—38, er hún réðist til
Dagmar-leikhússins. Henni féll einkar vel að túlka
hlutverk í harmleikum og lék því mikið í leik-
ritum eftir Strindherg, Ihsen og Kaj Munk. Hlut-
verk Steinunnar í leikriti Jóhanns Sigurjónssonar,
„Galdra-Loftur“, lék hún á sviði Konunglega leik-
hússins og stjórnaði leikritinu „Fjalla-Eyvindur“,
er það var flutt í danska útvarpið.
Auk þessa tók Anna Borg virkan þátt í félags-
málum danskra leikara og átti sinn þátt í því, að
danskir leikarar komu sér upp sérstökum lífeyris-
sjóði. Leikstjóri og kennari við danska Óperuleik-
húsið var hún ráðin 1955 og gegndi því starfi
með mikilli prýði, og er þess að minnast hve vel
tókst, er islenzki söngvarinn Magnús Jónsson kom
þar fyrst fram á sjónarsviðið i apríl 1958 í óper-
unni „II Trovatore“.
Heimsókn þeirra hjóna, Önnu Borg og Poul
Reumerts, haustið 1963 á vegum Norræna félags-
ins er flestum í fersku minni. Anna Borg flutti þar
ljóðið „Svanirnir fimm“ eftir Hans Hartvig Se-
dorf Petersen og einnig sögu Gunnars Gunnars-
sonar „Lille Snjólfur og store Snjólfur“. Og kvöld-
inu lauk með því að þau hjónin léku atriði úr síð-
asta þætti „Fjalla-Eyvindar“ og áheyrendur fögn-
uðu þeim með slíkri alúð og hlýju, að seint gleym-
ist þeim er þar voru.
Hildur Kalman.
1 9. Júní
5