19. júní - 19.06.1971, Side 39

Inga
heitir
dúkkan
mín
„Aldrei ert þú óþæg eða löt eða ómyndarleg, aldrei rífst þú í aumingja
mömmu . . . . á mamma kannski að færa þig í nýjan kjól .... nei, nei, þú
ert ekki óhrein, þú óhreinkar þig aldrei .... sjáðu, er þessi ekki fínn? . . . .
Ekki vilt þú vera i óhreinum gallabuxum allan daginn og með hárið
niðri í augum. Nú skal mamma punta litlu stúlkuna sína og þá verður
allt eins og í gamla daga, þegar mamma fór út með þig og allir sögðu:
en hvað dúkkan þín er fin .... Og svo spurðu sumir: Og hvað heitir nú
dúkkan þín? Og þá sagði mamma .... hvað sagði mamma þá? Já, Inga,
sagði mamma þá, Inga heitir dúkkan mín.“
Kunningi I: Það veit hamingjan, að ekki vildi ég þurfa að ala upp
dóttur á þessum síðustu og verstu tímum.
Áður en maður veit af, eru þær búnar að demba króga í kjöltu manns
og maður situr þarna bundin í báða skó. Nei, þá er nú þrátt fyrir allt
betra að eiga eintóma stráka.
Móðir Ingu: Hún átti þetta með strák.
Móðir Ingu: Hún vill endilega ljúka stúdentsprófinu . . . ég reyni að
létta svolítið undir með henni með litla kút.
Kunningi I: Já, mér finnst nú sjálfsagt að létta undir með þeim með-
an þær eru að lœra ...
Kunningi II: ... en hitt skil ég ekki, þegar konur láta binda sig yfir
barnabörnunum ár og síð ...
Kunningi III: ... bara til þess að mæðurnar geti verið á einhverju
renneríi á vinnustaði af eintómri peningagræðgi .. .
Kunningi IV: ... og nenna ekki sjálfar að hugsa um börnin sín.
Móðir Ingu: Hún ætlar að byrja í banka í haust.
Kunningjar: ? ? ? ? ?
Móðir Ingu: Meðan lutnn er að ljúka viðskiptafræðinni.
Kunningjar: Já, svoleiðis! Auðvitað!
MeSan
hann
er
að
lœra
19. JÚNÍ
37