19. júní - 19.06.1984, Side 82

Fjölbreytt starfsemi KRFÍ
Skýrsla stjórnar flutt á aðalfundi 21. mars 1984
Á aðalfundi KRFÍ, sem haldinn var 21. mars s.I. kom fram í skýrslu stjórnar
er formaður félagsins, Esther Guðmundsdóttir, flutti að starfsemi félagsins
hefur verið með hefðbundnum hætti s.I. vetur. Stjórn og varastjórn hefur
komið saman a.m.k. einu sinni í mánuði, en framkvæmdastjórn semí eiga sæti
formaður, varaformaður, ritari og gjaldkeri hafa komið saman reglulega þess
á milli. Félagsmenn eru nú um 460 og aðildarfélög 43.
Skipulagsbreyting var gerð á skrifstofu félagsins s.l. haust. Skrifstofan hafði
aðeins verið opin tvo tíma einu sinni í viku og veitti Júlíana Signý Gunnars-
dóttir henni þá forstöðu. Stjórn KRFÍ ákvað að gera tilraun með að hafa skrif-
stofuna meira opna og hefur hún nú verið opin í vetur frá mánudegi til fímmtu-
dags frá kl. 14-17. Starfsmaður félagsins nú er Ragnheiður Eggertsdóttir.
Félagsfundir
Félagsfundir hafa veriö haldnir í hádeginu
og virðist það fundarform gefast nokkuð vel
þó svo að nokkrar óánægjuraddir hafi heyrst
frá þeim, sem vegna vinnu sinnar komast
ekki í hádeginu.
Fyrsti hádegisfundurinn í vetur var hald-
inn 29. september s.l. að Hótel Loftleiðum.
Salóme Þorkelsdóttir, alþingismaður kom á
fundinn og sagði frá störfum nefndar, sem
menntamálaráðherra hafði skipað og kanna
á möguleika á samfelldum skóladegi og
hvernig efla megi tengsl heimilis og skóla.
Margt fróðlegt kom fram en því miður var
fundurinn mjög illa sóttur.
Annar fundur var haldinn 10. nóvember í
Lækjarbrekku og var Jóhanna Sigurðardótt-
ir, alþingismaður gestur fundarins og talaði
hún um launamál kvenna. Þann fund sóttu
um 30 manns.
Aftur voru launamál kvenna til umræðu á
hádegisfundi 16. febrúar og var hann einnig
haldinn í Lækjarbrekku. Björg Einarsdóttir
sagði frá störfum Framkvæmdanefndar um
launamál kvenna og Guðrún Óladóttir sagði
frá Samtökum kvenna á vinnumarkaðnum.
Fundurinn var líflegur og ágætlega sóttur.
Síðasti fundurinn í vetur er fyrirhugaður
17. maí í Lækjarbrekku og verður þá fjallað
um aðgerðir hér heima og erlendis í lok
kvennaáratugs SÞ. 1985.
Ráðstefnur og aðrir fundir
Þann 1. október s.l. var haldinn fundur
með formönnum aðildarfélaga KRFÍ og
82
félagsmönnum sem búa utan Stór-Reykja-
víkursvæðisins. Tilgangurinn með fundi
þessum var m.a. að koma á betri tengslum
milli aðildarfélaga KRFÍ og félagsins í
Reykjavík. Tenglahópur sem í eiga sæti
Björg Einarsdóttir, Helga Möller, Hlédfs
Guðmundsdóttir og Sigrún Sturludóttir sá
um veg og vanda þessa fundar, sem byrjaði
með morgunkaffi í sal Bandalags kvenna,
því næst voru flutt erindi í húsnæði KRFÍ, og
gerði formaður þar grein fyrir starfi félags-
ins. Elín Pálsdóttir Flygenring fram-
kvæmdastjóri Jafnréttisráðs fjallaði um
stöðuna í jafnréttismálum og um lög og
reglugerðir o.fl. Erna Indriðadóttir frétta-
maður fjallaði um kvennabaráttuna og laun-
þegahreyfinguna. Hádegismatur var í boði
KRFÍ. Þá las Sigrún Valbergsdóttir leikari
úr bókinni Önnu eftir Stefaníu Þorgríms-
dóttur og Sigrún Eðvaldsdóttir lék einleik á
fiðlu. Sérstakir gestir fundarins voru María
Pétursdóttir, formaður Kvenfélagasam-
bands íslands og Unnu Schram Agústs-
dóttir, formaður Bandalags kvenna í
Reykjavík og ávarpaði María fundarmenn
fyrir þeirra hönd. Eftir hádegi voru um-
ræður. Fundinn sátu um 40 konur.
Ráðstefna var haldin 28. janúar í tengslum
við afmæli félagsins sem er 27. janúar. Ráð-
stefnan var haldin að Hótel Loftleiðum og
bar hún heitið Endurmat á störfum í þjóð-
félaginu. Framsöguerindi fluttu: Haraldur
Steinþórsson, framkvæmdastjóri BSRB sem
fjallaði um starfsmatskerfi. Jóhanna Sig-
urðardóttir, alþingismaður um Hvers vegna
þarf að endurmeta störf og kjör láglauna-
hópa? Guðríður Elíasdóttir fulltrúi frá
A.S.Í., Kristján Þorbergsson, fulltrúi frá
VSÍ, og Þorsteinn Geirsson fulltrúi frá
fjármálaráðuneytinu höfðu framsögu um
er endurmat á störfum launþega í þjóðfélag-
inu framkvæmanlegt? Björg Þorleifsdóttir
stjórnarmaður í Starfsmannafélaginu Sókn,
hafði framsögu um Hvernig má meta heimil-
isstörf til launa? Guðrún Agnarsdóttir,
alþingismaður hafði framsögu um Eru störf
kvenna á vinnumarkaðnum vanmetin?
Björg Einarsdóttir, skrifstofumaður hafði
framsögu um Ef störf kvenna á vinnumark-
aðnum eru vanmetin, hvaða leiðir eru þá til
úrbóta? Ráðstefnan tókst með ágætum, en
var fremur fámenn miðað við aðrar ráð-
stefnur KRFÍ.
Hópstarf
Fyrir áramót var gerð tilraun með það að
hafa opið hús öll miðvikudagskvöld og hafa 5
hópa starfandi sem ræddu afmarkað efni er
tengdist konum og atvinnulífinu. Hóparnir
voru: Launakjör/launamismunur karla og
kvenna, hópstjórar Arndís Steinþórsdóttir
og María Ásgeirsdóttir. Hlutastörf og heils-
dagsstörf hópstjóri Ásdís Rafnar. Styttri
vinnutími fyrir alla hópstjóri Erna Bryndís
Halldórsdóttir. Konur og stéttarfélög hóp-
stjórar Björg Einarsdóttir, Hrafnhildur Sig-
urðardóttir og Sigríður Guðmundsdóttir.
Áhrif örtölvubyltingar á störf kvenna hóp-
stjórar Oddrún Kristjánsdóttir og Elín Páls-
dóttir Flygenring. Þetta gekk ekki nógu vel
og lá hópstarf niðri eftir áramót.