19. júní - 19.06.1988, Side 81

dóttir sagði okkur sitt af hverju urn jóla-
hald fyrr og nú.
f>ann 27. janúar sl. hélt félagið hátíðlegt
81 árs afmælið með félagsfundi að Litlu-
Brekku. Lar var fjallað um það ákvæði 3.
greinar jafnréttislaga sem heimilar sérað-
gerðir til hagsbóta konum. Vilborg Harð-
ardóttir hélt erindi um aðgerðir í þessu
sambandi, og á eftir voru fjörugar umræð-
ur. Var það mat allra þeirra sem töluðu að
leggja bæri áherslu á að nýta þessa heimild
í jafnréttisbaráttu komandi ára.
Þann 12. mars sl. var svo fundur um
vinnutíma. Þar fjölluðu Bolli Þór Bolla-
son, Þórir Daníelsson og fleiri um vinnu-
tíma. Loks var svo fundað íLitlu-Brekku í
hádeginu 5. maí um konur og kjaramál.
Fóru fram pallborðsumræður þeirra
Bjarnfríðar Leósdóttur, Oddrúnar Kristj-
ánsdóttur og Ingibjargar R. Guðmunds-
dóttur.
Auk félagsfunda hefur ýmislegt verið
að gerast í félaginu. Á aðalfundi félagsins
1987 var samþykkt'svohljóðandi tillaga:
„Aðalfundur KRFÍ beinir þeim ein-
dregnu tilmælum til forseta Islands, Vig-
dísar Finnbogadóttur, að gefa kost á sér til
endurkjörs í embætti forseta Islands að
loknu yfirstandandi kjörtímabili. Jafn-
framt beinir félagið því til aðildarfélaga
sinna að samþykkja sams konar áskorun
og senda hana skrifstofu KRFÍ fyrir 1. maí
1987.“ Undirtektir voru mjög góðar, og
héldu stjórnarkonur KRFÍ á fund forseta
þann 15. október með áskorun unt að gefa
kost á sér áfram. Skömmu síðar tilkynnti
Vigdís að hún myndi gefa kost á sér áfram,
öllum til mikillar ánægju. Óþarft er að
fara mörgum orðum um frammistöðu
hennar í embætti og hversu mikilvæg fyrir-
mynd Vigdís er öllum konum í landinu.
Rót
Nú nýlega hóf rekstur ný útvarps-
stöð, Rót. Erindi barst félaginu um að
það taki þátt í hópvinnu nokkurra
kvcnnasamtaka um að sjá um reglu-
bundinn útvarpsþátt á útvarpsstöð-
inni, og var það samþykkt af stjórn-
inni. Framkvæmdastjóri félagsins,
Björg Jakobsdóttir, hefur verið full-
trúi okkar í þeim hópi sem sér um
þessa útvarpsþætti, sem nú þegar eru
orðnir nokkrir. Fyrsti þátturinn var
allur helgaður Kvenréttindafélaginu,
en hann var sendur út daginn eftir af-
mæli félagsins, þann 28. janúar síðast-
liðinn.
Hallveigarstaöir
Asíðastliðnu sumri óskaði yfir-
borgardómari eftir því við fé-
lagið að embættið fengi leigt
hluta af því húsnæði sem félagið
hafði til afnota að Hallveigarstöðum. Var
hér um að ræða um helming skrifstofunn-
ar á 3. hæð að Hallveigarstöðum. Tillaga
um að leigja embættinu húsnæði var rædd
ítarlega í stjórn félagsins og samþykkt að
ganga til samninga við embættið. Leigu-
samningur við borgardómaraembættið
tók síðan gildi 1. janúarsl. Varþetta liður í
þeirri viðleitni að bæta fjárhag félagsins og
marka því örugga tekjustofna. Nú er
framkvæmdum við þessar breytingar lok-
ið og mun sú starfsemi sem áður fór fram í
húsnæði KRFÍ öll rúmast í því húsnæði
sem nú er til afnota. Jafnframt veitist fé-
laginu nú kleift án verulegra þrenginga að
hafa framkvæmdastjóra í starfi.
Ásamt þessu hefur nú verið samþykkt í
hússtjórn Hallveigarstaða að greiða félög-
unum út hluta af leigutekjum hvers mán-
aðar. Þessi skipan komst á 1. nóvember sl.
og léttir félaginu starfsemina.
Á árinu barst félaginu erindi frá IAW
(International Aliance of Women) þess
efnis hvort ísland vildi halda næstu al-
heimsráðstefnu samtakanna 1989. Þessar
ráðstefnur eru haldnar 3ja hvert ár og
sækja þær um 200 manns. Eftir samráð við
Ferðaskrifstofu ríkisins var samþykkt í
stjórn félagsins að bjóða IAW að hér yrði
haldin næsta ráðstefna samtakanna dag-
ana 24. júní til 1. júlí 1989. Endanlegt svar
um hvort boðinu verður tekið hefur ekki
borist, en vitað er að fleiri lönd hafa boðist
til að halda ráðstefnuna.
í maí sl. var formanni félagsins boðið að
vera heiðursgestur á Landsfundi mál-
freyja sem haldinn var á Hótel Loftleið-
um, og hélt hún fræðsluerindi um félagið,
tilgang þess og starf.
Starfið út á viö
/
IJafnréttisráð tilnefnir félagið full-
trúa skv. ákvæði jafnréttislaga. Full-
trúi félagsins í ráðinu var Esther
Guðmundsdóttir og til vara Arndís
Steinþórsdóttir fram til 1. desember sl., eri
þá var nýtt Jafnréttisráð skipað, og varð
þá Arndís Steinþórsdóttir aðalmaður í
ráðinu og Esther til vara.
Hússtjórn Hallveigarstaða kom saman
til nokkurra funda á sl. ári. Fulltrúar
KRFÍ í hússtjórn eru Lára V. Júlíusdóttir,
Arndís Steinþórsdóttir og Björg Jakobs-
dóttir. Þær breytingar urðu á hússtjórn á
sl. ári að María Pétursdóttir lét af for-
mennsku, um leið og hún lét af for-
mennsku í Kvenfélagasambandi íslands,
og Unnur Schram hætti sem fram-
kvæmdastjóri hússtjórnar. Nýr formaður
hússtjórnar er Stefanía María Pétursdótt-
ir, formaður KÍ. Störf hússtjórnar lutu
eins og áður að rekstri hússins. Sl. sumar
var undirritaður nýr húsaleigusamningur
við Borgardómaraembættið til ársloka
1991, nýr húsvörður var ráðinn 1. apríl sl.
og viðhaldsverkefni hússins voru aðallega
fólgin í hitalögn á stétt í kring um Hall-
veigarstaði.
Kvenréttindafélagið á fulltrúa í ýmsum
félagssamtökum og hafa þeir sótt fundi á
þeirra vegum. Þannig sat formaður KRFÍ
fund í UNESCO nefndinni 16. des. sl.
Skipti urðu á árinu á fulltrúum KRFI í
Framkvæmdanefnd um launamál kvenna.
Helga Sigurjónsdóttir tók við af Arndísi
Steinþórsdóttur, en varamaður er áfram
Ásthildur Ketilsdóttir. Nefndin stóð m.a.
fyrir opnum fundi með fulltrúum aðila
vinnumarkaðarins og stjórnvalda 2. júní
1987, þar sem rætt var um launamál
kvenna, lágmarkslaun og fleira. Nefndin
vinnur nú að undirbúningi á bæklingi um
launamál kvenna, ásamt því að reynt er að
fylgja eftir kröfum kvenna íkjarasamning-
um. Guðrún Ágústsdóttir hefur nú tekið
við fundarstjórn í nefndinni af Láru V.
Júlíusdóttur. Nefndin fundar hálfsmánað-
arlega og hefur aðsetur að Skipholti 50a.
Aðalfundur Landverndar 1987 var
haldinn að Flúðum í nóvember sl. og sat
hann fulltrúi félagsins, Valborg Bents-
dóttir.
Þorbjörg Daníelsdóttir, fulltrúi KRFÍ í
Landssambandinu gegn áfengisbölinu, sat
fulltrúafund þess 24. nóv. sl. Þá tók félag-
ið þátt í starfi Mæðrastyrksnefndar og
Áfengisvarnarnefndar kvenna í Reykja-
vík og Hafnarfirði, sem störfuðu með líku
sniði og áður. Signý Gunnarsdóttir hefur
verið fulltrúi félagsins í Friðarhreyfingu
íslenskra kvenna.
Loks á KRFÍ fulltrúa í starfshópi um
Kvennasögusafn, sem er starfandi innan
áhugahóps um Kvennarannsóknir. Situr
Guðrún Gísladóttir þar fyrir hönd félags-
ins.
Erlend samskipti
Norrænt kvennaþing. Félagið hef-
ur tekið þátt í undirbúningi nor-
ræns kvennaþings sem haldið
verður í Osló í ágúst n.k. Frá
þinginu er sagt annars staðar í blaðinu.
Nordisk kvinnesaks samorganisation,
NKS. Haldnir voru tveir fundir í norræn-
um samtökum kvenréttindafélaga á sl.
ári, enda auðvelt með fundarhöld þar sem
öll norrænu kvenréttindafélögin eiga full-
trúa í undirbúningsnefnd undir norrænt
kvennaþing. Fyrri fundurinn var haldinn í
mars 1987 í Svíþjóð, þar sem ákveðið var
að sameiginlegt framlag kvenréttindafé-
laga á Norðurlöndum á norrænu kvenna-
þingi yrði um konur og vald. Síðari fund-
urinn var haldinn í janúar 1988 í Oslo, þar
sem fjallað var nánar um útfærslu á sam-
eiginlegu framlagi félaganna. Fyrri fund-
inn sótti Arndís Steinþórsdóttir, en þann
síðari Jónína Margrét Guðnadóttir.
Fréttabréf félagsins hefur komið út
nokkrum sinnum á árinu eftir þörfum.
Umsjón þess annast nú Ragnheiður Harð-
ardóttir og sér Þórhildur Jónsdóttir um
útlit þess sem fyrr.
Enn er of snemmt að spá um hvenær
söguritun félagsins fer að komast á útgáfu-
stigið. Sigríður Erlendsdóttir sagnfræð-
ingur sér um skráningu og nýtur hún að-
stoðar Valborgar Bentsdóttur við verkið.
81