Búfræðingurinn - 01.01.1939, Page 47

BÚFRÆÐINGURINN
43
maður kemur að Vífilsstöðum, þá er að vísu betra að hafa
„nýja skó“, til þess að skoða hin miklu ræktarlönd þar, en
„nestið“ getur maður skilið eftir heima.
Túnið á Vífilsstöðum er um 52 ha að stærð og gefur af
sér í meðalári um 2000 hestburði af heyi, en auk þess nokkra
kúabeit. Tala nautgripa er um 70, vinnuhestar 6, hænsni
200—300. Kartöfluuppskera er að meðaltali um 100 tunnur,
en rófnauppskera 120 tunnur, auk annars grænmetis. Árið
1928 var byggt á Vífilsstöðum gróðurhús, að stærð 5X20 m
og kostaði 3000 kr. eða 30 kr. á hvern fermetra gólfflatar. Hús
þetta var hitað upp með kolum og eyddust 6—8 tonn á ári.
Þar voru ræktaðar tómötur og ágúrkur. Það hefir nú verið
flutt að Reykjum í Ölfusi.
Að síðustu sýndi Björn okkur minkabú, er stendur í landi
Vífilsstaða, en er eign h.f. Refur. Veturinn 1937—38 voru í
búinu um 270 minkar, en í vor bættust við 626 ungar. Feldir
dýranna seljast fyrir 20—50 kr. Dýrin lifa aðallega á nýjum
hráum fiski og kjöti. Minkabú þetta hefir starfað í 7 ár og
virðast dýrin þróast vel.
Hvergi sáum við í ferðinni jafn fallega dráttarhesta og á
Vífilsstöðum, enda voru þeir vel með farnir. Björn hefir sams-
konar útbúnað á heyhlöðunni og lýst var á Blikastöðum og
lætur hann mikið af honum.
Frá Vífilsstöðum héldum við til Hafnarfjarðar. Þar skoð-
uðum við hið nýbyggð hús Flensborgarskólans undir leiðsögn
dr. Bjai’na Aðalbjarnarsonar, en skólastjóri var ekki heima.
Hús þetta er glæsilegt bæði að utan og innan. Einnig gengum
við um skrúðgarð Hafnfirðinga — Hellisgerði. Er hann bæði
sérkennilegur og fallegur. Til Reykjavíkur var aftur komið
kl. 12 á hádegi og ákveðið að leggja þaðan af stað eftir þrjár
klukkustundir, sem og var gert.
Lá nú leiðin „austur yfir fjall“. Á Kambabrún var stanzað
og höfðum við hið fegursta útsýni yfir suðurláglendið og til
Vestmannaeyja. Var svo ekið niður í Ölfusið. Þar var fyrst
stanzað í Fagrahvammi hjá Ingimar Sigurðssyni. Hefir hann
þar garðrækt mikla og gróðurhús. f þeim eru ræktaðir
ávextir og blóm. Meðal annars sáum við þarna tóbaksjurt,