Búfræðingurinn - 01.01.1939, Qupperneq 122

118
BÚPRÆÐINGURINN
væri. Er þess fastlega vænzt, að Alþingi veiti nú á næstunni
fé til þess að hægt verði að setja vandaðar og varanlegar
hurðir fyrir kirkjuna.
Ýmsir hafa sent skólastjóra áheit á Hóladómkirkju og fer
slíkt vaxandi. Fyrst er farið að heita á kirkjuna 1929. Síðan
hafa safnazt á þennan hátt 336 kr. Þetta fé er nú i Sparisjóði
Hólahrepps undir nafninu: Áheitasjóður Hóladómkirkju.
K. K.
Raflýsing.
Fyrir rúmum 20 árum var gerð áætlun um rafveitu fyrir
Hóla. Átti rafstöðin að standa fyrir neðan Kollugerði, en
vatnið að vera tekið úr Víðisnesá.
Alþingi veitti nokkurt fé til framkvæmda. Fyrirhleðsla
var gerð á Kollugerði. Þar átti að vera vatnsmiðlari. Þegar
vatni var veitt í lónið, kom í Ijós, að jarðvegurinn var ó-
þéttur. Vatnið tapaðist að miklu leyti í gegn um jarðlögin
og kom fram neðar. Varð nú ekki meira af framkvæmdum
í bráð.
Haustið 1935 athugaði Axel Sveinsson verkfræðingur
virkjunarskilyrði við Víðinesá og Hofsá. Sumarið 1936
voru enn gerðar mælingar af þeim verkfræðingunum Jakob
Gíslasyni og Sigurði Thoroddsen.
Veturinn 1936—37 vann Rafmagnseftirlit ríkisins, ásamt
Sigurði Thoroddsen verkfræðingi, úr rannsóknum þeirra og
gerði sundurliðaða kostnaðaráætlun um virkjun Hofsár
handa Hólaskóla.
Gert var ráð fyrir að virkja tæp 100 hestöfl með það
fyrir augum, að það afl myndi nægja til ljósa, suðu, upp-
hitunar og lítilsháttar vélareksturs. Áætlaður stofnkostnað-
ur við þessa virkjun að meðtöldum lögnum í húsum og til-
heyrandi áhöldum var 105000,00 krónur og var miðað við
verðlag, sem var í miðjum febrúar 1936.
Ekki þótti fýsilegt að ráðast í byggingu svo dýrrar raf-
stöðvar, sem þessi áætlun gerði ráð fyrir, með því líka að
um þetta leyti var verðhækkun á öllum rafmagnsvörum og