Frjáls verslun - 01.08.2002, Qupperneq 44

LflUSflMENNSKfl í STJÓRNUN
Kostur að þekkja til aðstæðna Reynir er einn þeirra einstaklinga
sem hafa tekið að sér tímabundin sþórnunarstörf, í hans tilviki
má segja að aðeins hafi verið um eitt slíkt starf að ræða en hann
var fenginn til að gegna starfi framkvæmdastjóra stjórnunarsviðs
Ríkisspítala frá mars til júlí 1999. Starf hans beindist fyrst og
fremst að því að koma á skipulagsbreytingum varðandi starfs-
mannahald, fjármál og ijármálastýringu í samstarfi við aðra.
Reynir segir að á svona stuttum tíma gefist ekki tími til þess fyrir
stjórnandann að kynna sér alla þætti starfseminnar til hlítar og
þvi hafi hann ákveðið að einbeita sér að þeim breytingum sem
þurfti að vinna að.
„Það gilti svipað um mig og Oskar hjá Landssímanum. Eg
þekkti nokkuð vel til aðstæðna sem var kostur. Eg kannaðist við
starfsfólkið úr fyrri verkefnum og hinir stjórnendurnir könnuð-
ust við mig þannig að færri hindranir voru fyrir hendi en ella. Eg
held að starfsfólkið hafi ekki verið órólegt við að fá mig inn þvi að
það vissi hver ég var. Það að ég þekkti til aðstæðna hafði líka tíma-
sparandi áhrif, það fór lítill tími í að kynnast aðstæðum. Eg gat
gengið strax í þau verkefni sem lágu fyrir,“ segir hann.
- Hveraig fannst þér þessi upplifiin vera?
„Hún var mjög góð. Mér tókst að koma í framkvæmd þeim verk-
efnum sem mér var falið og leið ágætlega með það,“ svarar hann.
Ekki 3( neinu offorsí Persónuleg málefni eru alltaf viðkvæm og
auðvitað koma reglulega slík mál inn á borð stjórnenda. Einn af
kostunum við stjórnanda í tímabundnu starfi er að tílfinninga-
samband blandast síður inn í ákvarðanatöku. Það getur bæði
verið kostur og galli í viðkvæmum málum. Reynir segir að mál
sem vörðuðu persónur hafi komið upp í sinni stjórnunartíð hjá
Ríkisspítölum en telur að þau hafi fengið farsæla lausn. „Eg held
að það sé ekki mikil hætta á því að stjórnendur sem koma inn
tímabundið taki á viðkvæmum málum af of lítilli tillitssemi til
aðstæðna eða umhverfisins. Yfirleitt eru þetta mjög reyndir ein-
staklingar sem fara heldur ekki fram af neinu offorsi. Þeir taka
bara á málum af þeirri festu sem þarf við viðkomandi aðstæður."
Þegar tímabundinn stjórnandi er ráðinn í fyrirtæki er gott að
hafa skýra stefnu frá verkkaupa þannig að ljóst sé hver áherslu-
atriðin eru, hugsanlega nokkurs konar verkefnalista. Með þessu
móti ætti að fást hámarks nýting því að ekki er líklegt að stjórnandi
í tímabundnu starfi hafi möguleika á að setja sig inn í aila þætti á
þeim stutta tíma sem hann er í fyrirtækinu. Það er því mikilvægt
að hann einbeiti sér að afmörkuðum verkefnum, eða mikilvægustu
þáttum starfseminnar, þann tíma sem hann er við störf. 33
Reynir Kristinsson
Fæddur: 1. apríl 1947 í Hafnarfirði.
Menntun: Tæknifræðingspróf frá Danmörku (1972).
Ferill: Rekstrarraðgjafi hjá danskri verkfræðistofu
1972-1975. StjórnandiJieknideildarinnar á
Akranesi 1975-1982, rekstrarráðgjafi hjá
Hagvangi frá 1982, einnig í hlutastarfi sem
aðstoðarmaður menntamálaráðherra 1986-
87. Framkvæmdastjóri Hagvangs frá 1994,
PWC frá 1998 og PWC Consulting frá 2001.
Farandstjórnun: Framkvæmdastjóri stjórnunarsviðs Ríkis-
spítala frá mars og fram í júlí 1999.
Reynir Kristinsson, framkvœmdastjóri Pricewaterhousecoopers, gegndi
starfi framkvœmdastjóra stjórnunarsviðs Ríkisspítalanna tímabilið
mars-júlí 1999. Verkefni hans beindist einkum að því að fylgja eftir
skipulagsbreytingum sem hann hafði tekið þátt i að vinna.
Mynd: Geir Olafsson
Nú er hann kominn „maðurinn að sunnan..
„Ég var eitt sinn að koma sem ráðgjafi inn á hjúkrunarheimili eftir að hafa skoðað nokkur
slík vegna hallareksturs og gekk um gangana með forstöðukonunni. Þegar við gengum inn
einn ganginn sat þar gömul kona og brosti fallega við mér. Þegar við gengum fyrir hornið
kallaði gamla konan: „Heyrðu væna mín, komdu og segðu við mig eitt orð!“ Forstöðukonan
hvarf fyrir hornið og ég heyrði að gamla konan sagði við hana: „Nú er hann kominn þessi
maður að sunnan. Heldurðu að ég fái að halda herberginu mínu?“
44