Morgunn - 01.12.1981, Síða 21

ALÞJÓÐLEGT MOT sAlARRANNSÓKNAMANNA
115
GORDON HIGGINSON forseti breska sálarrannsókna-
félagsins kom fram eitt kvöldið og flutti skyggnilýsingar,
sem voru mjög merkilegar. Guðmundur Einarsson álítur
hann með bestu skyggnilýsingarmiðlum, sem nú eru uppi.
Á sömu skoðun er séra Sigurður Haukur Guðjónsson, sem
hefur kynnt sér slíkt hæfileikafólk sérstaklega erlendis.
Þá vil ég minnast á ANDRIJA PUHARICH, sem er
læknir, fyrirlesari og vísindamaður, og hefur fengist mikið
við rannsóknir á dulrænum fyrirbærum. Dr. Puharich hef-
ur ritað margar bækur um þessi efni, m.a. um URI
GELLER, sem fæddur er í ísrael, og vakið hefur mikla
athygli fyrir undraverða sálræna hæfileika sína.
Puharich hefur komið tvívegis til Islands. Fyrst árið
1970, er hann hélt fyrirlestra, og sýndi m.a. myndir af
brasilíumanninum ARIGO, lækningamiðli, og síðar árið
1977 á ráðstefnu vísindamanna, sem haldin var í Reykjavík.
Andrija Puharich er sérlega skemmtilegur fyrirlesari.
Hann hélt tvö erindi á ráðstefnunni. Hið fyrra nefndi hann
„The Spiritual and the Paranormal“ eða „hið andlega og
til hliðar við hið þekkta“. Ég ætlaði að taka upp á segul-
band erindi Puharich, en var vinsamlega beðin um að
stöðva upptökutækið. Enda kom margt fram svo sem spá-
dómar um náttúruhamfarir og hinar ótrúlegustu frásagnir.
Hann gat þess, að 7 lönd í heiminum stunduðu rannsóknir
á fjarhrifum í hernaðarlegum tilgangi, en vildi ekki láta
þeirra getið. Hann talaði um hið dulda vald, sem ekki væri
alltaf af góðum toga spunnið, nokkurskonar ,,svartigaldur“
og varpaði fram þeirri sþurningu: „Hverskonar stjórnanda
hefur þú á bak við þig, hinn illa eða hinn góða?“ Dr.
Puharich sagði frá tilraunum sínum með Uri Geller á árun-
um 1972—74, og ég vil sérstaklega geta þess, að þar kom
alls ekkert fram, er staðfesti á nokkurn hátt afar neikvæð
ummæli „þekkts sjónhverfingamanns“ í viðtali við Morg-
unblaðið á dögunum varðandi Uri Geller. Eins og fyrr
getur voru frásagnir Puharich t.d. um spádóma allhrika-
legar, og því var ekki vert að festa þær á tónband að sinni.