Morgunn - 01.12.1981, Síða 78

172
MORGUNN
Þar má leita fanga, þegar menn leitast við að gera sér
grein fyrir eðli umheimsins. Tímarit um andlegu málin
eru gefin út og má nefna íslensku ritin, Kirkjuritið,
Ganglera Guðspekifélagsins, Lífgeisla Nýalssinna og
Morgunn Sálarrannsóknafélagsins.
Þannig hafa skoðanahópar ,,málgögn“, sem að vonum
fjalla aðallega um sameiginlegt hugðarefni lesendanna. En
á hinn bóginn eru skilin ekki alltaf skörp milli afstöðu
manna, milli lífsskoðana, og tel ég því enga goðgá að
þiggja öðru hverju efni úr öðrum herbúðum, til birtingar
í Morgni. Einstaka greinar um guðspeki og viðhorf Ný-
alssinna, t.d., hafa því birst i Morgni undanfarið eins og
raunar stundum áður.
IV. Gátan um franihalrisHfið
Allmargar merkar fræðibækur um dulræn efni hafa
verið skrifaðar síðustu áratugina. Ein þeirra heitir „The
Enigma of Survival", eftir Hornell Hart. („Gátan um
framhaldslífið“). Bók þessi er lýsing á skipulegri rann-
sókn höfundarins á öllu sem þá hafði verið ritað um
efnið, en hún kom út árið 1959. Bókin var gefin út af
Rider & Company (London). Höfundurinn var þjóðfélags-
fræðingur og háskólakennari í þeirri grein, en var jafn-
framt mikill áhugamaður um dulsálarfræði. Hann var t.d.
ráðgjafi um efnisval i tímaritið Journal of Parapsycho-
logy, sem J. B. Rhine stofnaði á sínum tíma.
I bók sinni leitast Hornell Hart við að gera öllum sjón-
armiðum jafnhátt undir höfði. Rök með og móti tilgát-
unni um framhaldslíf eru kynnt. Hann einsetti sér við
samningu bókarinnar að skrifa um efnið á eins hlutlaus-
an hátt og honum væri unnt, þótt hann væri sjálfur kom-
inn að þeirri niðurstöðu, að menn lifðu af líkamsdauðann
í einhverri mynd. Tilgangurinn með bókinni var ekki að
vinna fólk á band höfundarins, heldur fá það til að hugsa
sjálfstætt og vega og meta ,,gögnin“ af sjálfsdáðum.