Morgunn - 01.12.1989, Qupperneq 5

Guðjón Baldvinsson:
RITSTJÓRARABB
í höndum hafið þið nú síðara hefti Morguns 1989.
Að venju er efni hans helgað málefnum þeim sem unnið er
að hjá Sálarrannsóknafélagi íslands, beint og óbeint.
I síðasta hefti, sem var tileinkað því að með því var að hefj-
ast 70. árgangur Morguns, minntumst við þess með því að rifja
upp ýmislegt af efni sem birt var í fyrstu árgöngum ritsins.
Boðaði ég jafnframt þá að næsta hefti, þ.e. það sem nú ber
fyrir sjónir ykkar, myndi verða á svipuðum nótum og myndum
við þar rifja upp ýmislegt úr síðari árgöngum ritsins. Síðan það
var ritað hefur mér reyndar snúist hugur og hef hugsað mér að
dreifa þeirri upprifjun á nokkur tölublöð í stað þess að taka
annað hefti undir hana í einu lagi. Afmælisrit Morguns verður
því bara eitt að þessu sinni.
í þessu hefti er að finna óvenju mikið af efni frá félagsmönn-
um Sálarrannsóknafélagsins og vil ég flytja höfundum þess,
Ingvari Björnssyni, Hirti Sveinssyni og Kristínu Jónsdóttur,
sérstakar þakkir fyrir framlag þeirra. Er ég ekki í vafa um að
við eigum eftir að sjá meira af efni frá þeim hér í Morgni síðar
og reyndar eru nú þegar komin inn á borð ritstjóra fleiri Ijóð úr
smiðju Kristínar, sem við munum birta í næstu heftum. Ljóð
hennar fjalla einmitt um þau mál sem efst eru á baugi hjá okk-
ur og hugleiðingar hennar út frá þeim. Er ég viss um að mörg-
um muni þykja fengur í að fá að kynnast þessari ljóðagerð
Kristínar.
3
L