Morgunn - 01.12.1989, Page 28

BÖRN OG NORNIR f BRETLANDI
MORGUNN
Barbara Brandolani, starfandi norn, taldi að í gangi væru
öfuguggar, sem notfærðu sér dularfræðin sem yfirvarp.
Dularfræðin eru orðin heilmikil viðskiptagrein, því til sönn-
unar er dulfræði-póstverslun í Leeds, sem hefur meira en
40.000 viðskiptavini.
Eigandi hennar, Chris Bray, galdrakarl, sagði að meirihluti
þessa fólks væri heiðarlegt. Hið Iitla hlutfall þeirra sem mis-
notuðu dulfræðina væru afbrotamenn og ættu að meðhöndlast
sem slíkir samkvæmt refsilögum.
Þeim sem berjast gegn dulhyggju hefur bæst liðsauki þar
sem er kirkja krists. Séra Kevin Logan gerði könnun meðal
300 barna í norðvesturhluta héraðsins. Níu af hverjum tíu
kváðust hafa haft einhverja reynslu af dulfræðum og 6% höfðu
ánetjast. Hann sagðist sem prestur verða að tína upp brotin
eftir hrekkjavökur.
Fréttaskýringunni lauk á því að sagt var að mikill uppgangs-
tími væri í dulspeki alls konar í Bretlandi. Áhrifin geta verið
alvarleg fyrir þá sem Iaðast að þessum dýrkunarríka hlýðni-
heimi þessarar starfsemi.
J.T.M.