Morgunn - 01.12.1991, Síða 60

Siðgæði í Búddhisma
MORGUNN
Gagnrýni mætti fremur vera almenn en persónuleg.
4) Æsital hverskonar, tal sem spillir friði, tal sem ekki
er mannbætandi. Þetta gæti einnig fallið undir 3ja
Heitið: misbrúkun skilningarvitanna (heyrnarinnar í
þessu tilfelli). Æsifréttir eru aðalefni sumra dagblaða og
tímarita. Æsiefni er aðal skemmtiefni (ef það má kallast
svo) skemmtanaiðnaðar og sjónvarps. Eftirsókn í
hneykslissögur og æsiefni er veikleiki hins vanþróaða
huga. Einskonar hugrænt ávanalyf.
5) Allt óþarft tal og stöðug framleiðsla á léttmeti. í
besta falli er það tímasóun. Og það stuðlar að lágkúru.
Gerir einstaklinginn háðan því að vera stöðugt mataður.
Slævir uppbyggjandi hugsun. Það er ekki rétt að slíkt
sé „meinlaust". Það sem ekki er uppbyggilegt, er að
öllum jafnaði að einhverju leyti skaðlegt í meira eða
minna mæli.
Afþreyingar- og skemmtiefni fjölmiðlanna sem svo er
nefnt, flokkast venjulega undir fjórða flokkinn.
Algengast er að innihaldið fjalli um ofbeldi eða klám -
í besta falli einhverja fásinnu.
5. Sneiða hjá áfengum drykkjum og hverskonar
vímugjöfum.
Múhameð bannaði áfengi. Kannski hefir hann kynnst
skaðlegri áfengisnotkun á verslunarferöum sínum.
Sennilega hefir hann ekki þekkt til annarra vímugjafa.
Fylgjendur hans sneru sér því að hassneyslu. Uppskáru
hugleti og sljóleika, sem að öllum hkum gat breyst í
æði. „Assassin" (a secret murderer) og sögnin „to
assassinate" er komið úr arabísku „hashashin" og merkir
hassneytandi. Múhameð sá ekki nógu langt fram - þrátt
fyrir allar sínar „vitranir" og þrátt fyrir að Allah væri
með honum.
58