Morgunn - 01.06.1998, Blaðsíða 93

Hafsteinn Guðjörnsson
Meðan á þessu stendur finn ég oft fyrir þeim læknum og
öðru fólki sem er að vinna í það skiptið. Áhrif þeirra finn
ég bæði í andliti og á líkama, einnig skynja ég mismun-
andi skapgerðareinkenni þeirra.
Hverri heilun er nauðsynlegt að ljúka með sérstakri lok-
un og geri ég það með því að mynda þríhyrning yfir höfði
sjúklingsins og biðja um að þessi systir eða bróðir okkar,
megi vera í ljósinu bjarta og farnast vel. Síðan þakka ég
guði og þeim líknendum og góðu öndum sem komið hafa
til sjúklingsins og segi síðan upphátt: „Guð blessi þig.“
Þá opnast gjarnan fyrir upplýsingar frá ættingjum,
læknum og líknendum, til viðkomandi. Stundum hafa
komið fram spurningar sem hann eða hún vill fá svör við
og oft koma svör við þessum spurningum.
Svona er sú heilun, sem ég stend fyrir. Mér er það ljóst
að hægt er að gera þetta á marga vegu með sama árangri,
en hver og einn verður að finna sitt verklag."
Nokkur dœmi um árangur heilunar hjá Hafsteini:
27. janúar 1996.
Kona kom í heilun 23. janúar 1996 og sagði Hafstein
hafa hjálpað sér áður og það oftar en einu sinni. Einnig 21
árs gamalli dótturdóttur hennar.
Hún sagðist hafa farið í aðgerð á auga og var skipt um
augastein. Var það gert í nóvember 1994. Eftir aðgerðina
fékk hún sýkingu í augað, sem læknum tókst ekki að laga
og var hún búin að ganga til læknis í 2 mánuði og ekkert
gekk. Aðgerðin á auganu var komin í hættu út af sýkingu
og sagðist konan ætla að taka til sinna ráða og hringja til
Sálarrannsóknafélagsins og biðja um fyrirbæn hjá Haf-
steini.
MORGUNN 91