Útvarpstíðindi : nýr flokkur - 01.01.1952, Blaðsíða 7

Bækumar héldu velli
RABBAÐ VIÐ GUNNAR 1 ÍSAFOLD
ÞVÍ er ekki að leyna að í haust var
nokkur uggur í bókaútgefendum og öðr-
um áhugamönnum um bókmenntir, og
bjuggust margir við, að bóksalan yrði
mun minni nú fyrir jólin en hin undanfar-
andi ár, bæði vegna minkandi kaup-
getu almennings og hins, að nú var fjöl-
breyttara úrval en nokkru sinni áður af
öðrum vörum til jólagjafa. Nú er það
að mestu komið í ljós hve raunin hefur
á orðið. Utvarpstíðindi sneru sér í þessu
tilefni til Gunnars Einarssonar forstjóra
ísafoldar.
Og hér sitjum við árla morguns and-
spænis þeim manni, er gefið hefur út
fleiri bækur en nokkur annar íslending-
ur. Það mun ekki of hátt áætlað, að á
þeim rúmum 20 árum, sem hann hefur
stjórnað ísafoldarprentsmiðju, hafi hann
tekið ákvörðun um útgáfu eitt þúsund
bóka. Flestir rithöfundar þessa tímabils
hafa átt við hann skipti, meiri eða minni,
enda er hár hans fyrir löngu orðið grátt.
Heyrt hef ég sagt að Gunnar í ísafold sé
ekki lambið að leika sér við, þegar
því er að skipta, en hversdagslega er
hann síbrosandi spaugari, sem leysa vill
hvers manns vanda. Við fyrstu kynni er
hann brynjaður varkárni, eins og vera
ber um mann í mikilli ábyrgðarstöðu, og
inn í ríki hans ryðst enginn á skítugum
skónum. En þeim, sem auðnast að ganga
á móts við hann af einurð og vinsamlegri
hreinskilni, þeim er aldrei úthýst, jafnvel
þótt annríki sé mikið, og Gunnar í ísa-
fold er aldrei iðjulaus. En starfsþrek
hans og dugnaður er svo mikill, að hann
er uppi eldsnemma á hverjum morgni, og
fari hann ekki í sundlaugarnar, veitti
honum ekki af að ganga einn eða tvo
hringi kringum Reykjavík, áður en hann
fengi ró í bein sín til að setjast í skrif-
stofustólinn sinn, þar sem hann getur
þó aldrei setið kyrr.
Gunnar í ísafold er enginn unglingur
lengur, þótt hann sé yngsta barn móður
sinnar, Katrínar Einarsdóttur, sem keik
og lifandi ber sín 98 ár og fer brátt að
tifa upp á síðasta ár sinnar aldar, enda
er hún ættuð af Rangárvöllum og ná-
skyld Helgu Brynjólfsdóttur í Hafnar-
firði, sem verður 105 ára í sumar. En það
þykir amlóðaháttur í þeirri ætt að verða
ekki a. m. k. níræður. Faðir Gunnars hét
Einar Ólafsson og var Reykvíkingur í
marga ættliði. Var hann sjómaður og áttu
þau hjón heima hér í bæ allan sinn bú-
skap. Hann dó 1934.
Gunnar er fæddur 1893. Gerðist prent-
nemi í ísafold 16 ára, fór svo til Dan-
merkur, er hann hafði lokið námi, var þar
í eitt ár, en réðist síðan til Félagsprent-
smiðjunnar. Tveim áru'ni síðar gerðist
hann verkstjóri í ísafold og prentsmiðju-
stjóri 1929.
★
— Ýmsir spáðu illa fyrir bókasölunni
nú um þessi jól. En betur fór en á horfð-
ist, segir Gunnar í ísafold. Og ef vitur-
ÚTVARPSTÍÐXNDI 7